Morgunblaðið - 09.03.2006, Side 4

4 FIMMTUDAGUR 9. MARS 2006 MORGUNBLAÐIÐ
FRÉTTIR
AÐEINS ÞESSA EINU HELGI!
Perlan - Sími: 562 0200 - Fax: 562 0207 - perlan@perlan.is
9.-12. mars
Sjávarréttahlaðborð
PERLUNNAR
Sjávarréttahlaðborð Perlunnar er einstakt tækifæri til að upplifa nýjungar í
matargerð ólíklegustu skelfisk og fisktegunda. Margverðlaunaðir matreiðslu-
meistarar Perlunnar útbúa yfir 30 tegundir heitra og kaldra fiskrétta. Hér finna
allir eitthvað við sitt hæfi. Verð aðeins: 4.790 kr.
Fyrir mat kynnir Globus gæðavín frá Ítalíu.
GEIR H. Haarde utanríkisráðherra
sagði rétt að fara í einhvers konar
átak til að upplýsa almenning um
það sem gerist á vettvangi Samein-
uðu þjóðanna til að auka áhuga hér
á landi á framboði Íslands í Örygg-
isráð Sameinuðu þjóðanna árið
2008.
Þetta kom fram í máli ráðherrans
í gær, á fyrsta fundinum í fundaröð
á vegum Félags Sameinuðu þjóð-
anna á Íslandi, þar sem fjalla á um
mögulega aðild Íslands að Örygg-
isráðinu. Geir tók undir það sjón-
armið sem fram kom á fundinum að
trúlega sé ekki mikill áhugi á fram-
boði Íslands í Öryggisráðið. Sumir
setji fyrir sig kostnaðinn og aðrir
einhver önnur atriði.
„Það er auðvitað þægilegast að
skipta sér aldrei af nokkrum hlut.
Það á líka við um innanlandspólitík-
ina, það er mjög þægilegt að sitja
bara heima í sófa og láta aðra um að
leysa vandamálin. [...] Það er til það
sem kallað er þægilegt afskiptaleysi.
Það er til í innanlandspólitík og það
er líka hægt að hugsa sér það í al-
þjóðastjórnmálum,“ sagði Geir.
Hann sagði raunar Ísland hafa
stundað það talsvert að taka ekki af-
stöðu í alþjóðastjórnmálum, nema
þegar niðurstaðan skiptir máli fyrir
Ísland, en þá hafi landið látið mikið
á sér bera. Því séu það viss viðbrigði
að Ísland sækist eftir setu í Örygg-
isráðinu. Ísland eigi þó fullt erindi
þangað, og fái landið aðild að ráðinu
verði megináhersla landsins á af-
vopnun og að hefta frekari út-
breiðslu kjarnorkuvopna.
Næst mögulegt árið 2029?
Geir sagði erfitt að meta hverjir
möguleikar Íslands séu þegar kosið
verður milli Íslands, Tyrklands og
Austurríkis um sæti í ráðinu, en
sagði að rúmlega 60 þjóðir hafi lofað
því skriflega að kjósa Ísland, auk
einhverra sem hafi tekið jákvætt í
að kjósa Ísland. Þó sagði hann það
þekkt í pólitík að ekkert sé fast í
hendi þegar atkvæði eru greidd í
einrúmi, og andstæðingarnir séu
vissulega verðugir.
Ef Ísland verður undir í kosn-
ingum gæti liðið langur tími þar til
tækifæri gefst á setu þar á ný. Ís-
land býður sig fram sem eitt Norð-
urlandanna, en þau hafa haft þann
háttinn á að bjóða fram eitt Norður-
landanna í öðrum hverjum kosning-
um. Kosið er til tveggja ára, og því
eitt Norðurlandanna í framboði
fjórða hvert ár. Ef Ísland fær ekki
sæti nú kemur röðin að öllum hinum
Norðurlöndunum að bjóða fram áð-
ur en Ísland getur reynt aftur með
stuðningi hinna Norðurlandanna,
sem gæti þá orðið árið 2029, sagði
Geir.
Hann útilokaði þó ekki að ef Ís-
land verði undir í heiðarlegum kosn-
ingum verði samið um það við hin
Norðurlöndin að landið fái að reyna
aftur að fjórum árum liðnum, en
ljóst sé að ef Ísland bakki út úr
kapphlaupinu án þess að fara í kosn-
ingarnar gefist ekki annað gott
tækifæri fyrr en eftir rúma tvo ára-
tugi.
Geir H. Haarde á fundi um framboð Íslands í Öryggisráðið
Rétt að fara í átak til
að upplýsa almenning
Morgunblaðið/Brynjar Gauti
Tækifæri fyrir Ísland að bjóða sig fram til setu í öryggisráðinu með stuðn-
ingi Norðurlandana mun næst bjóðast árið 2029, sagði Geir H. Haarde.
Eftir Brján Jónasson
brjann@mbl.is
STRAUMUR-Burðarás styrkti í
gær Stofnun Vigdísar Finnboga-
dóttur um samtals 20 milljónir
króna á næstu fjórum árum, og mun
stofnunin nýta féð til að efla starf-
semina markvisst fram til ársins
2010.
Skrifað var undir samninga um
styrkinn í gærmorgun og sagði
Þórður Már Jóhannesson, forstjóri
Straums-Burðaráss, að forsendur
góðs gengis félagsins á erlendri
grundu sé tungumálakunnátta og
menningarlæsi. Því hafi verið
ákveðið að veita afrakstri af vel-
gengni Straums-Burðaráss til
Stofnunar Vigdísar Finnbogadóttur
og leggja þannig eitthvað af mörk-
um til frekari eflingar á starfsemi
stofnunarinnar.
Stofnunin verður styrkt um 5
milljónir króna á ári næstu fjögur
árin og segir Auður Hauksdóttir,
forstöðumaður stofnunarinnar, það
skipta miklu máli að fá svo veglegan
styrk til svo langs tíma.
„Við höfum sett okkur það mark-
mið að stórefla stofnunina á næstu
árum og erum í fyrstu umferð að
hugsa fram til ársins 2010. Við mun-
um einbeita okkur að rannsóknar-
og þróunarverkefnum í tungumála-
kennslu, fjarkennslu á vefnum,
notkun tungutækni við kennslu og
rannsóknir, útgáfu fræðirita og
orðabókagerð. En stærsta verkefnið
er þó að fá húsnæði sérstaklega
hannað til tungumálakennslu og
rannsókna þar sem aðstaða verði
sköpuð fyrir nemendur og fræði-
menn,“ segir Auður.
„Til lengri tíma litið vonumst við
til að geta komið upp alþjóðlegri
tungumálamiðstöð með gagna-
grunnum á rafrænu formi um
tungumál og menningartengd efni á
ólíkum tungumálum til kennslu og
rannsókna. Við munum auðvitað
byrja á þeim þrettán erlendu tungu-
málum sem kennd eru við Háskóla
Íslands. Þessi veglegi styrkur auð-
veldar okkur að hrinda þessum ætl-
unarverkum í framkvæmd, og við
erum afar þakklát Straumi-Burð-
arási fyrir stuðninginn.“
Styrkja stofnun Vigdísar Finnbogadóttur
Morgunblaðið/Ómar
Kristín Ingólfsdóttir, rektor Háskóla Íslands, og Þórður Már Jóhannesson, forstjóri Straums-Burðaráss, handsöl-
uðu samkomulagið ásamt Vigdísi Finnbogadóttur, fyrrverandi forseta Íslands.
OG Vodafone býður nú viðskipta-
vinum sínum, sem nýta sér vild-
arþjónustuna Og1, að hringja ótak-
markað úr heimasíma sínum í alla
innlenda heimasíma án endurgjalds.
Viðskiptavinir greiða aðeins óbreytt
venjulegt mánaðargjald. Gildir einu
hvort hringt er í heimasíma í kerfi
Og Vodafone eða annarra.
Árni Pétur Jónsson, forstjóri Og
Vodafone, segir að markmiðið sé að
verðlauna þá viðskiptavini sem hafi
allt sitt hjá fyrirtækinu. Til að
ganga í vildarklúbbinn Og1 þurfi
fólk að vera með farsíma, heima-
síma og ADSL-tengingu hjá Og
Vodafone. Fyrirtækið vilji hugsa
vel um viðskiptavini sína og verð-
launa þá fyrir þá tryggð sem þeir
sýna því.
Árni Pétur segir þessi ókeypis
símtöl vera töluverð tímamót. Bæði
vegna þess að fólki gefist færi á að
lækka símakostnað sinn umtalsvert
auk þess sem ekki þurfi að hafa
áhyggjur af mismunandi kostnaði
við símtöl á milli kerfa.
Bjóða
ókeypis
símtöl í
heimasíma
ÍSLENSK stjórnvöld bíða enn
eftir bandarískum yfirvöldum
vegna framhalds varnar-
viðræðnanna, en næsti fund-
ur samninganefnda hefur enn
ekki verið boðaður, segir
Geir H. Haarde utanríkis-
ráðherra.
„Málið er í biðstöðu, ég
býst við því að það sé verið
að reyna að móta sameig-
inlega afstöðu í bandaríska
stjórnkerfinu,“ segir Geir.
„Boltinn er hjá Bandaríkja-
mönnum í augnablikinu.“
Enn bið-
staða í varn-
arviðræðum
AÐ JAFNAÐI voru um 800 minkar
á Snæfellsnesi haustin 2001 og 2002
og hefur komið í ljós að svonefnt
veiðiálag á mink var um 25% á ár-
unum 2002 og 2003, þ.e.a.s. einn af
hverjum fjórum minkum var veidd-
ur á tímabilinu, skv. rannsókn á
vegum Náttúrustofu Vesturlands.
„Athyglisvert er að þetta veiði-
álag er á svipuðu róli og miðað er
við þegar nýta á stofna fugla og
spendýra á sjálfbæran hátt,“ segir í
frétt frá Náttúrustofunni.
„Þessar vísbendingar ásamt því
að fjöldi veiddra minka hér á landi
hefur vaxið nær samfellt frá því
veiðar hófust, benda til að veiði-
álagið á íslenska minkastofninum
sé ekki nægilega mikið til að hafa
neikvæð áhrif á stærð heildar-
stofnsins milli ára, þótt veiðin hafi
vissulega oft staðbundin og tíma-
bundin áhrif til verndunar lífríkis,“
segir þar.
Er talið að þessar rannsóknanið-
urstöður geti haft verulega þýð-
ingu um stjórn minkaveiða á Ís-
landi. Náttúrustofa Vesturlands í
Stykkishólmi hefur í samvinnu við
Háskóla Íslands og veiðistjórn-
unarsvið Umhverfisstofnunar stað-
ið fyrir minkarannsóknum síðustu
árin með það að markmiði að finna
út heildarstærð íslenska minka-
stofnsins.
Niðurstöðurnar voru kynntar á
alþjóðlegri vísindaráðstefnu um
veiðar á villtum fuglum og spendýr-
um, sem haldin var í Danmörku í
síðustu viku.
Stofnstærðarmatið byggist á
veiðum og endurheimtum og hófst
með prófun á aðferðafræðinni í
Skagafirði haustið 2000. Haustin
2001 og 2002 voru síðan veiddir í
lífgildrur og merktir samtals 168
minkar á Snæfellsnesi til að meta
stærð stofnsins þar. Endurheimtur
voru með hefðbundnum minkaveið-
um og var góð samvinna við veiði-
menn á svæðinu nauðsynleg til þess
að vel tækist til, skv. upplýsingum
Náttúrustofu Vesturlands.
Aldrei áður hefur tekist að meta
stærð minkastofns á tilteknu land-
svæði með vísindalegum aðferðum,
hvorki hér á landi né erlendis, enda
þykir tegundin sérstaklega erfið
viðureignar til stofnstærðarmæl-
ingar.
Einn af hverjum
fjórum minkum veiðist