Morgunblaðið - 09.03.2006, Blaðsíða 10

10 FIMMTUDAGUR 9. MARS 2006 MORGUNBLAÐIÐ
FRÉTTIR
DAGNÝ Jónsdóttir, þingmað-
ur Framsóknarflokks, verður
formaður félagsmálanefndar
þingsins í stað Sivjar Friðleifs-
dóttur, Framsóknarflokki, sem
tók við heilbrigðis- og trygg-
ingamálaráðuneytinu í vikunni.
Magnús Stefánsson, þingmað-
ur Framsóknarflokks, verður
varaformaður utanríkismála-
nefndar í stað Sivjar. Frá þessu
var gengið á þingflokksfundi
framsóknarmanna í gær.
Siv sat sem þingmaður í fjór-
um nefndum, auk fyrrnefndra
tveggja nefnda sat hún í efna-
hags- og viðskiptanefnd og heil-
brigðis- og tryggingamála-
nefnd. Jónína Bjartmarz,
Framsóknarflokki, tekur sæti
Sivjar í efnahags- og viðskipta-
nefnd og Guðjón Ólafur Jóns-
son, Framsóknarflokki, tekur
sæti hennar í heilbrigðis- og
tryggingamálanefnd. Dagný
fer auk þess úr landbúnaðar-
nefnd og í hennar stað kemur
Guðjón Ólafur.
Dagný for-
maður fé-
lagsmála-
nefndar
NEFND sem fjalla á um lagalega
umgjörð stjórnmálastarfsemi er enn
að störfum, að sögn forsætisráð-
herra, Halldórs Ásgrímssonar, en
upphaflega var vonast til að hún skil-
aði niðurstöðu fyrir síðustu áramót.
Halldór sagði á Alþingi í gær að
hann teldi ekki eðlilegt að setja
nefndarstarfinu einhver frekari
tímamörk eða úrslitakosti.
Í nefndinni sitja níu fulltrúar allra
stjórnmálaflokka á Alþingi. Hún var
skipuð í kjölfar skýrslu um fjármál
stjórnmálaflokkanna sem forsætis-
ráðherra lét vinna og lagði fram á Al-
þingi í apríl sl. að beiðni Jóhönnu
Sigurðardóttur, þingmanns Sam-
fylkingarinnar, og fleiri þingmanna.
Jóhanna spurði forsætisráðherra út í
nefndarstarfið á Alþingi í gær. Hún
sagði jafnframt að það hefði dregist
allt of lengi að setja lög um fjármál
stjórnmálaflokka og sagði að Ísland
væri sennilega eina landið í Vestur-
Evrópu, fyrir utan Sviss, sem ekki
hefði sett sér slík lög.
Tilnefningar bárust seint
Halldór sagði að þar sem ekki
hefði náðst að skipa í nefndina fyrr
en í júlí sl., m.a. vegna þess hve seint
tilnefningar í nefndina hefðu borist,
hefði verið ljóst að tíminn væri
naumt skammtaður. Í lok síðasta árs
hefði síðan orðið endanlega ljóst að
ekki næðist að ljúka nefndarstörfum
fyrir áramót. „Ástæða þess er helst
sú að nefndin hefur lagt í mikla upp-
lýsingaöflun og mikið magn gagna
hefur verið lagt fyrir nefndina til
umfjöllunar og úrvinnslu. Þá hafa
verið greindir helstu þættir reglu-
verks um þetta efni í nálægum lönd-
um. Nefndin var einhuga um að óska
þess að fá frekari tíma til að fjalla um
málið í lok síðasta árs og var orðið
við þeirri ósk af hálfu ráðuneytisins.“
Björgvin G. Sigurðsson, þingmað-
ur Samfylkingarinnar, sagði ljóst að
þetta þýddi að forsætisráðherra
hefði engan raunverulegan vilja til
þess að setja lög um fjárreiður
stjórnmálaflokka. Jóhanna kvaðst
hafa áhyggjur af því hvað forsætis-
ráðherra væri skoðanalaus í þessu
máli. Halldór svaraði því til að nauð-
synlegt væri að ná samstöðu í mál-
inu. Vænlegast væri að gefa nefnd-
inni ráðrúm til að vinna að málinu.
Nefnd um
fjárreiður
flokka er enn
að störfum
ÞORGERÐUR K. Gunnarsdóttir
menntamálaráðherra sagði á Alþingi
í gær að brýnt væri að gera við Þjóð-
leikhúsið. Hún sagði áætlað að við-
gerðarkostnaður næmi um 1.600
milljónum króna. „Í ráðuneytunum
stendur yfir undirbúningur að fjár-
lagagerð [vegna fjárlaga næsta árs]
og við munum að sjálfsögðu líta sér-
staklega til þess sem brýnt er. Og
það er brýnt að gera við Þjóðleik-
húsið. Það er öllum ljóst, sérstaklega
þeim sem ganga um húsið og fyrir
framan það.“
Ráðherra var þarna að svara fyr-
irspurn Magnúsar Þórs Hafsteins-
sonar, þingmanns Frjálslynda
flokksins. Magnús Þór sagði að
ástand Þjóðleikhússins væri þjóðinni
til háborinnar skammar. „Við getum
ekki lengur látið það viðgangast, að
hús sem var á sínum tíma byggt af
miklum metnaði skyldi látið drabb-
ast niður ár eftir ár.“
Hann bætti því við að Tinna Gunn-
laugsdóttir þjóðleikhússtjóri hefði
lýst ástandi Þjóðleikhússins fyrir
menntamálanefnd þingsins síðastlið-
ið haust. „[…] Hún lýsti ástandi
hússins fyrir okkur og gerði okkur
skýrt og skilmerkilega grein fyrir
því að þarna væri að skapast alvar-
legt ástand.“
Ástandið til vansa
Ráðherra sagði að í úttekt Gunn-
ars Torfasonar verkfræðings á Þjóð-
leikhúsinu sl. haust hefði verið áætl-
að að viðgerð hússins myndi kosta
um 1.600 milljónir króna. Þá væri
áætlað að kostnaður við hugsanlega
viðbyggingu gæti numið um einum
og hálfum til tveimur milljörðum
króna. Hún sagði að Þjóðleikhús-
stjóri hefði mjög metnaðarfullar
hugmyndir um viðbyggingu en bætti
því við að skoðanir væru þó skiptar
um réttmæti þess að byggja við hús-
ið. Ráðherra sagði engu að síður
nauðsynlegt að fara yfir hugmynd-
irnar og meta þær. Þá kvaðst ráð-
herra taka undir þau orð Magnúsar
Þórs að ástand Þjóðleikhússins væri
til vansa. Hún tók þó fram í um-
ræðunni í gær að í fjáraukalögum
ársins 2005 hefðu 250 milljónir verið
veittar til viðhalds Þjóðleikhússins.
Ráðherra sagði sömuleiðis að við-
gerð húsa í eigu ríkisins hefði verið
forgangsraðað með ákveðnum hætti.
„Það var farið í endurbætur á Þjóð-
minjasafninu, nú er það búið. Það
var farið í endurbætur á Þjóðmenn-
ingarhúsinu, nú er það búið. Það er
alveg ljóst í mínum huga að Þjóðleik-
húsið á að vera næst í röðinni og það
þarf að gera það vel og sómasam-
lega.“
Brýnt að gera
við Þjóðleikhúsið
Áætlaður kostnaður um 1.600 milljónir
Morgunblaðið/Golli
Eftir Örnu Schram
arna@mbl.is EINAR K. Guðfinnsson sjávar-
útvegsráðherra sagði á Alþingi í
gær að stefnt væri að því að hefja
að nýju hvalveiðar í atvinnuskyni.
Ákvörðunin um hvenær veiðarnar
eigi að hefjast hefði þó ekki verið
tekin. Þetta kom fram í svari ráð-
herra við fyrirspurn Magnúsar
Þórs Hafsteinssonar, þingmanns
Frjálslynda flokksins.
Einar rifjaði upp að þegar Íslend-
ingar hefðu gengið í Alþjóðahval-
veiðiráðið að nýju, á sínum tíma,
hefði sá fyrirvari verið gerður að
Íslendingar myndu ekki hefja hval-
veiðar fyrr en í fyrsta lagi á árinu
2006. „Og nú er það ár runnið upp,“
sagði hann og bætti því við að málið
væri því í höndum Íslendinga. „Það
er í okkar valdi núna að taka þessa
ákvörðun. Þetta er auðvitað þýð-
ingarmikil pólitísk ákvörðun og að
henni verður ekki hrapað, en menn
þekkja hug minn í þessum efnum.“
Jón Kr. Óskarsson, varaþingmað-
ur Samfylkingarinnar, sagði að Ís-
lendingar ættu að hefja hvalveiðar
nú þegar og Sigurjón Þórðarson,
þingmaður Frjálslynda flokksins,
sagði að ekki væri nóg að tala um
hlutina. Þá sagði Magnús Þór Haf-
steinsson að ekki væri eftir neinu
að bíða; nóg væri til af hrefnu, fyrir
hendi væri veiðiþekking og bún-
aður sem og markaður fyrir
hrefnukjöt. Hann bætti því við að
Íslendingar þyrftu ekkert að óttast
í þessum efnum. Norðmenn hefðu
ekki lent í neinum vandræðum með
sínar atvinnuveiðar. „Við hvað er
íslenska ríkisstjórnin hrædd?“
Einar svaraði því til að enginn
væri hræddur. Þegar Íslendingar
hefðu hafið vísindahvalveiðar á
árinu 2003 hefðu ýmsir beint spjót-
um sínum að ferðaþjónustunni.
Áhrifin af veiðunum hefðu hins
vegar ekki verið eins neikvæð og
menn hefðu óttast. Hann sagði enn-
fremur að hvalveiðum í vísinda-
skyni yrði haldið áfram á þessu ári
– af engu minni krafti en áður. „Við
höfum réttinn í okkar höndum
varðandi atvinnuveiðarnar,“ sagði
hann og bætti við: „En það liggur
ekki fyrir hin pólitíska ákvörðun
um það hvenær þessar veiðar verði
hafnar.“ Hann sagði jafnframt að
tryggja þyrfti aðgang fyrir afurð-
irnar á erlendum mörkuðum, ef
hefja ætti veiðar í atvinnuskyni af
fullum krafti. „Það er það sem við
erum m.a. að reyna að vinna að.“
Stefnt að því að
hefja að nýju hval-
veiðar í atvinnuskyni
Morgunblaðið/Ómar
ÖNNUR umræða um frumvarp iðn-
aðarráðherra til nýrra vatnalaga
hélt áfram á Alþingi í gærkvöld ann-
að kvöldið í röð. Þingmenn stjórn-
arandstöðunnar mótmæltu kvöld-
fundinum harðlega; þeir sögðu að til
hans hefði verið boðað í þeirra
óþökk. Sólveig Pétursdóttir, forseti
þingsins, svaraði því hins vegar til að
samtals hefði verið rætt um frum-
varpið á Alþingi í nítján klukku-
stundir. Ellefu þingmenn hefðu enn
verið á mælendaskrá í upphafi
kvöldfundarins í gær. Hún kvaðst
hafa reynt að ná samkomulagi við
formenn stjórnarandstöðuflokkanna
um framhald málsins, en án árang-
urs. „Þetta er mál sem stjórn-
arflokkarnir leggja áherslu á að
ljúka og þar sem ljóst er að stjórn-
arandstöðuþingmönnum liggur mik-
ið á hjarta hyggst forseti halda fundi
áfram,“ sagði hún.
Þingmenn stjórnarandstöðunnar
sögðu hins vegar að aðeins hefði ver-
ið gert ráð fyrir einum kvöldfundi í
vikunni. Þeir sögðust ennfremur
vilja að frumvarpinu yrði vísað frá.
„Það er augljóst að frumvarp rík-
isstjórnarinnar um vatnalög er farið
að trufla þinghaldið,“ sagði Ög-
mundur Jónasson, þingflokks-
formaður Vinstri grænna. Hann eins
og aðrir stjórnarandstæðingar mót-
mælti kvöldfundinum harðlega. Lúð-
vík Bergvinsson, þingmaður Sam-
fylkingarinnar, sagði að núgildandi
vatnalög hefðu verið í gildi í meira
en áttatíu ár, og því væri óskilj-
anlegt hvers vegna setja þyrfti á
sérstaka kvöldfundi til að ljúka um-
ræðunni.
Drífa Hjartardóttir, þingmaður
Sjálfstæðisflokks, sagði hins vegar
að kvöldfundurinn hefði verið góð
ráðstöfun hjá forseta þingsins. Hún
hefði verið í forsetastól í fyrrakvöld
og hlustað á ræður stjórnarandstæð-
inga um málið; þar hefðu þeir lesið
endalaust upp úr umsögnum um
frumvarpið og rætt lítið efnislega
um það. Hún sagði að stjórnarand-
stæðingar gætu vel rætt málið
áfram út nóttina „og verði þeim að
góðu,“ bætti hún við.
Annar kvöldfundur um frumvarp til vatnalaga
Morgunblaðið/Brynjar Gauti
Fámennt var í þingsalnum í gærkvöldi. Jóhanna Sigurðardóttir í forsetastól, Mörður Árnason í ræðustól og Jón Bjarnason var áheyrandi.