Morgunblaðið - 09.03.2006, Blaðsíða 14

14 FIMMTUDAGUR 9. MARS 2006 MORGUNBLAÐIÐ
FRÉTTIR
292
hestafla
Explorer
í prófun
á morgun
„SUNDABRAUT er lykilatriði í
þeim áformum að koma Grundar-
tangahöfn í hringiðu flutninga- og at-
vinnustarfsemi. Tal um að fresta
þurfi þeim framkvæmdum er óvið-
unandi.“ Þetta var meðal þess sem
Gísli Gíslason, hafnarstjóri Faxa-
flóahafna, sagði í ræðu sinni á mál-
stofu um framtíð og þróun Faxaflóa-
hafna sf. sem haldin var á Hótel
Nordica í gær.
Gísli sagði að lagning brautarinn-
ar væri forsenda þess að hægt væri
að flytja ýmsa atvinnustarfsemi frá
höfuðborgarsvæðinu svo hægt yrði
að greiða þar fyrir byggð. Hann
nefndi t.d. aðstöðu fyrir skipavið-
gerðir, aðstöðu fyrir möl og jarðefni
sem nú er við Ártúnshöfða, fram-
leiðslu á malbiki og starfsemi
steypustöðva og fleira.
„Stjórn Faxaflóahafna hefur vakið
athygli á mikilvægi Sundabrautar og
lýst yfir vilja sínum til að taka þátt í
þeirri framkvæmd, ef ákveðið verður
að hluti framkvæmdanna verði í
höndum einkaaðila. Nýleg umræða
um að það geti verið skynsamlegt að
fresta framkvæmdum er óviðunandi
og óskynsamleg. Jákvæð áhrif
Sundabrautar til lengri og skemmri
tíma eru það yfirgnæfandi, að það
mál verður ekki stoppað,“ sagði
Gísli.
Morgunblaðið/Ásdís
Framtíð og þróun Gísli Gíslason, hafnarstjóri Faxaflóahafna.
Seinkun Sunda-
brautar óviðunandi
Í LOK ársins 2005 voru 1.752
fiskiskip á skrá hjá Siglinga-
stofnun og hafði fækkað um 72
frá árinu áður. Þetta kemur
fram í Hagtíðindum Hagstofu
Íslands og eru tölur um fjölda
skipa unnar upp úr skipaskrá
Siglingastofnunar eins og hún
stóð í lok árs.
Ekki er tekið tillit til fisk-
veiðiréttinda skipa við skrán-
ingu þeirra í skipaskránni og í
tölunum er því einnig að finna
skip án veiðiheimilda í íslenskri
lögsögu og einnig skip með
veiðiheimildir sem ekki eru
nýttar á viðkomandi skip held-
ur fluttar á önnur skip.
Fjöldi vélskipa var alls 862
og hefur fækkað um sjö á milli
ára, togurum fækkaði um fimm
og voru nú 65 og opnir fiskibát-
ar voru 825 talsins og fækkaði
þeim um sextíu báta frá árinu
2004.
Fiskiskipum
fækkaði um
72 á milli ára
Morgunblaðið/Sigurgeir
ÚR VERINU
EFTIRFARANDI yfirlýsing hefur borist frá stjórn
BYKO í ljósi ummæla fulltrúa Bauhaus:
„Í ljósi ummæla fulltrúa Bauhaus um afskipti BYKO af
lóðamálum fyrirtækisins vill stjórn BYKO taka eftirfar-
andi fram:
BYKO hafði aldrei afskipti af viðræðum Bauhaus og
Urriðaholts um kaup Bauhaus á lóð fyrir byggingarvöru-
verslun í Urriðaholti í Garðabæ. Bauhaus og Urriðaholt
slitu sjálf viðræðunum án þess að BYKO hefði neina vitn-
eskju eða þekkingu þar um. Eftir að þeim hafði verið slitið
kannaði Urriðaholt vilja BYKO til kaupa á umræddri lóð
og viðræður á milli fyrirtækjanna hófust.
Fullyrt hefur verið að um pólitísk afskipti hafi verið að
ræða af hálfu Garðabæjar. Slíkar fullyrðingar eru fráleit-
ar líkt og komið hefur fram í yfirlýsingu frá Urriðaholti
sjálfu. Um var að ræða viðræður tveggja einkaaðila, Bau-
haus og Urriðaholts. Reynt hefur verið að tengja ráðningu
á forstjóra BYKO við umræddar viðræður en hið rétta er
að viðræður Urriðaholts við Bauhaus hófust formlega eft-
ir að fyrrverandi bæjarstjóri var ráðinn forstjóri BYKO.
Bauhaus fullyrðir að BYKO reyni nú að koma í veg fyrir
að fyrirtækið fái lóð í Reykjavík. Það er alrangt. BYKO
hefur einungis ítrekað áhuga fyrirtækisins á lóð fyrir
austan Vesturlandsveg en fyrirtækið hóf að sækja um
slíka lóð þegar á árinu 1998. Sú umleitan gekk ekki eftir
m.a. vegna þess að Reykjavíkurborg og Mosfellsbær
gerðu með sér samkomulag um skipulags svæðisins á
mörkum sveitarfélaganna. Í því samkomulagi var ekki
gert ráð fyrir rýmisfrekum stórverslunum austan við
Vesturlandsveg. Ætli Reykjavíkurborg sér að breyta
fyrri áformum um nýtingu þessarar ákveðnu lóðar ítrekar
BYKO eðlilega fyrri áhuga á lóðinni og óskar eftir því að
Reykjavíkurborg fari að stjórnsýslulögum og tryggi jafn-
ræði í meðhöndlun slíkra umsókna. BYKO hefur aldrei
gert neinar athugasemdir við að Bauhaus fái lóðir úthlut-
aðar enda hljóta ýmsar lóðir að koma til greina innan
Reykjavíkur.
Stjórn BYKO harmar að sjá með hvaða hætti fyrirtæk-
ið er dregið inn í umræðu sem á sér enga stoð í veru-
leikanum. BYKO hefur alltaf og mun alltaf leggja sig fram
um að þjóna viðskiptavinum sínum í eðlilegu og heilbrigðu
samkeppnisumhverfi. Því miður hafa forsvarsmenn Bau-
haus ítrekað farið með rangt mál og reynt að sverta
starfshætti BYKO. Undarlegt er að sjá að þýskt stórfyr-
irtæki beita slíkum vinnubrögðum við að koma sér fyrir á
markaðnum hér á landi. Stjórn BYKO eða forsvarsmenn
fyrirtækisins munu ekki taka þátt í slíkum vinnubrögðum
eða umræðu og vona að henni sé nú lokið.
BYKO fagnar heilbrigðri samkeppni, hvort sem er við
innlenda eða erlenda aðila. Fyrirtækið vill hins vegar
hvetja aðila til að fara með rétt og satt mál og taka þátt í
samkeppni á heiðarlegum grunni.
F.h. stjórnar BYKO
Jón Helgi Guðmundsson, stjórnarformaður.“
Yfirlýsing frá stjórn BYKO
EFTIRFARANDI yfirlýsing hefur borist frá Urriða-
holti ehf., vegna umræðu um lóðamál Bauhaus:
„Stjórn Urriðaholts ehf. hafnar fullyrðingum Bauhaus
þar sem blandað er saman ákvörðunum einkafyrirtæk-
isins Urriðaholts ehf. við hagsmuni fyrrverandi bæjar-
stjóra Garðabæjar og nú forstjóra BYKO. Ásakanir Bau-
haus um pólitísk áhrif í þessum efnum eru með öllu
tilhæfulausar.
Í stuttu máli eru staðreyndir málsins eftirfarandi: 1.
Eftir að BYKO, Húsasmiðjan og Bauhaus höfðu lýst yfir
staðfestum áhuga á lóð Urriðaholts ehf. í Garðabæ, undir
byggingarvöruverslun, ákvað stjórn félagsins í lok maí á
síðasta ári að hefja formlegar samningaviðræður við
Bauhaus um sölu lóðarinnar.
2. Viðræður byrjuðu ágætlega en smám saman þróuð-
ust þær til verri vegar.
Lögfræðivinna varð mjög umfangsmikil og vantraust
gróf um sig í viðræðum aðila. Stjórn Urriðaholts ehf.
fylgdist grannt með gangi málsins og var það til umfjöll-
unar á öllum stjórnarfundum auk funda sem stjórnar-
menn áttu við fulltrúa Bauhaus.
3. Eftir fimm mánaða samningsviðræður höfnuðu
fulltrúar Bauhaus því að hitta stjórn Urriðaholts ehf.
nema að uppfylltum fyrirfram ákveðnum skilyrðum.
Þegar það lá fyrir ákvað stjórnin að slíta frekari við-
ræðum. Var það mat stjórnar að með afstöðu Bauhaus
væru sett fram ný og ófrávíkjanleg skilyrði sem ekki var
fallist á, og að enginn grundvöllur væri fyrir frekari við-
ræðum.
4. Í framhaldinu var BYKO boðið að endurnýja eldra
tilboð sitt og var gengið frá samningum við fyrirtækið í
kjölfarið.
5. Það er rangt hjá fulltrúa Bauhaus að viðræðum um
lóðina hafi miðað vel þangað til bæjarstjóri Garðabæjar
hætti og tók við forstjórastöðu hjá BYKO.
Staðreyndin er sú að formlegar viðræður Urriðaholts
ehf. við Bauhaus hófust mánuði eftir að fyrrverandi bæj-
arstjóri lýsti því yfir að hún myndi hætta og taka við
starfi forstjóra BYKO.
Málflutningur Bauhaus um þetta mál í fjölmiðlum er
ekki í samræmi við staðreyndir þess. Urriðaholt ehf.
lagði mikið á sig til að ná samningum en í lokin mat stjórn
félagsins að það væri ekki gagnkvæmt af hálfu Bauhaus.
Reykjavík 8. mars 2006.
F.h. Urriðaholts ehf.
Geir Zoëga, formaður stjórnar,
Jón Pálmi Guðmundsson, framkvstj.“
Yfirlýsing frá Urriðaholti ehf.
VALNEFND í
Ásprestakalli
ákvað á fundi
sínum 7. mars sl.
að leggja til að
sr. Sigurði Jóns-
syni yrði veitt
embætti sókn-
arprests í Ás-
prestakalli í
Reykjavíkurprófastsdæmi vestra.
Umsóknarfrestur rann út hinn 15.
febrúar sl. og embættið veitist frá
1. maí nk. Tíu sóttu um embættið.
Sigurður Jónsson útskrifaðist frá
Háskóla Íslands árið 1988 og var
vígður sóknarprestur í Patreks-
fjarðarprestakalli sama ár. Frá
1991 hefur hann verið sóknar-
prestur í Oddaprestakalli á Rang-
árvöllum.
Nýr sóknarprest-
ur í Ásprestakalli
ELLILÍFEYRIR, fyrir skatta, er
hæstur á Íslandi af Norðurlönd-
unum, samkvæmt nýjustu útgáfu
NOSOSKO. Þetta kemur fram í vef-
riti fjármálaráðuneytisins.
Ellilífeyrisgreiðslur á Íslandi eru
að meðaltali 1.050 evrur á mann
fyrir skatta. Noregur kemur þar á
eftir með 956 evrur á mann að með-
altali, en ellilífeyrir er lægstur í
Danmörku, eða 766 evrur. Þessar
tölur fela í sér allar lífeyr-
isgreiðslur á mann, bæði frá al-
mannatryggingum og lífeyr-
issjóðum, fyrir skatta.
Lágmarksellilífeyrir, þær tekjur
eða ellilífeyrir sem almannatrygg-
ingar tryggja að aldraðir hafi að
lágmarki sér til framfærslu, er
hæstur á Íslandi fyrir sambúðarfólk
og er hann að meðaltali 1.280 evrur
á mann eftir skatta. Staða ein-
hleypra er hins vegar ekki jafngóð
en lágmarksellilífeyrir þeirra er í
meðallagi, eða 758 evrur á mann að
meðaltali. Í Danmörku er staða ein-
hleypra best en þar eru greiddar að
meðaltali 828 evrur á mann.
Ellilífeyrir hæstur
á Íslandi?
GENGIÐ hefur
verið frá ráðn-
ingu Birgis Finn-
bogasonar í
stöðu sviðsstjóra
fjármálasviðs
Reykjavík-
urborgar. Staðan
var auglýst 15.
janúar sl. og
sóttu átta um starfið. Borgarráð
ákvað á fundi sínum 2. mars sl. að
ráða Birgi til starfans. Helstu verk-
efni sviðsins eru gerð fjárhagsáætl-
ana Reykjavíkurborgar, fjár-
reiðustjórnun og bókhald. Birgir
mun taka til starfa 15. mars nk.
Birgir er viðskiptafræðingur frá
Háskóla Íslands og löggiltur endur-
skoðandi. Hann var forstöðumaður
endurskoðunardeildar Reykjavík-
urborgar árið 1986 en gerðist síðan
endurskoðandi og einn eigenda
Deloitte til ársloka 2004. Á þeim
tíma var hann m.a. endurskoðandi
fyrir Orkuveitu Reykjavíkur og
Slökkvilið höfuðborgarsvæðisins.
Síðustu misseri hefur Birgir rekið
eigin ferðaskrifstofu.
Nýr sviðsstjóri
fjármálasviðs