Morgunblaðið - 09.03.2006, Page 51

MORGUNBLAÐIÐ FIMMTUDAGUR 9. MARS 2006 51
MINNINGAR
pössum upp á Sigga afa fyrir þig. Ég
veit að þér líður vel núna og ég veit
líka að þú vakir yfir okkur með þinni
sterku og styrku hendi. Sofðu vel,
amma mín,
Þín ömmustelpa,
Kristrún.
Elsku Dadda mín. Þótt ég hafi
innst inni verið búinn að undirbúa
mig fyrir þessa fréttir, þá komu þær
eins og reiðarslag. Ég fann hvernig
tómleikinn og söknuðurinn kom yfir,
og að geta ekki notið nærveru þinnar
lengur. En ég mun ávallt minnast
þín og rifja upp liðnar stundir.
Það eru fjórtán ár síðan Kristrún
kynnti mig fyrir ykkur hjónum. Þá
vorum við rétt rúmlega unglingar.
Það var alltaf svo gott og notalegt að
koma til ykkar og spjalla um daginn
og veginn. Þú tókst alltaf vel á móti
okkur með nýbökuðum kleinum og
heimalagaðri kæfu svo eitthvað sé
nefnt. Ég kom eitt sinn í kaffi til þín í
rifinni vinnupeysu sem vakti athygli
þína. Og þegar ég kom næst, varstu
búin að prjóna á mig hlýjustu og
flottustu lopapeysu sem ég hef átt.
Þegar við Kristrún byrjuðum að búa,
þá komstu og gafst okkur kaffikönnu
til að geta fengið kaffi hjá okkur.
Það verður seint sagt að þú hafir
ekki verið frændrækin kona, rækt-
aðir mikið samband við þitt fólk og
eftir að langömmubörnin komu í
heiminn tókstu þau fram yfir allt
annað. Þú sýndir þeim endalausa ást
og umhyggju. Þú varst aldrei spör á
dásemdarorðin til okkar og hvað við
ættum nú yndisleg börn, fallegustu
börn í heimi. Það lýsir þér kannski
best, hversu umhyggjusöm og góð
manneskja þú varst, þegar þú spurð-
ir reglulega um hvernig foreldrar
mínir, systkini og fjölskyldur þeirra
hefðu það.
Elsku Dadda mín, takk fyrir allt
það sem þú hefur gefið mér og okkur
öllum. Megi Guð geyma þig um
ókomna tíð.
Hjálmar (Hjalli).
Elsku Dadda amma. Þú varst allt-
af svo góð. Þú varst skemmtileg.
Við vitum að þér líður vel núna
sem er gott að vita.
Það var alltaf gaman að koma til
þín, og gaman að hitta þig.
Takk fyrir allt sem þú hefur gefið
okkur.
Við vitum að þú ert orðin fallegur
engill sem passar okkur.
Þín langömmubörn,
Halla Líf og Jökull Mar.
Ég krýp og faðma fótskör þína,
frelsari minn, á bænastund.
Ég legg sem barnið bresti mína
bróðir, í þína líknarmund.
Ég hafna auðs- og hefðarvöldum,
hyl mig í þínum kærleiksöldum.
(Guðmundur Geirdal.)
Hún Dadda frænka, eins og við
systkinin kölluðum hana, er fallin
frá.
Dadda og mamma okkar voru
systkinadætur og voru af vestfirsku
bergi brotnar. Þær ólust upp fyrir
vestan, fluttu báðar ungar suður og
settust að í Hafnarfirði.
Dadda giftist Sigurði Jóhannssyni
og eiga þau tvær dætur, Ingrúnu og
Kristínu Höllu.
Líf okkar fjölskyldna hefur tvinn-
ast saman síðan við systkinin mun-
um eftir okkur. Mamma og pabbi
áttu sjö börn og var oftast líf og fjör í
tuskunum á okkar heimili, alltaf að
fæðast ný og ný börn. Ýmist voru
þetta heimafæðingar eða fæðingar á
Sólvangi og alltaf komu Dadda og
Siggi heimilinu til hjálpar, þau voru
einhvern veginn alltaf til staðar.
Enda kölluðum við hana Döddu,
þessa góðu konu, alltaf fóstru. Vin-
átta þessara heimila var einstæð.
Yngsta systkinið okkar, hún Ráð-
hildur, var mikið fötluð. Viljum við
systkinin þakka einstakan kærleik
sem þau hjónin sýndu henni alla tíð
sem hún lifði. Komu þau nánast á
hverjum degi í heimsókn til hennar.
Dadda var heilsuveil síðustu ár
ævi sinnar og naut hún ástríkis
Sigga til hinstu stundar. Þau voru
einhvern veginn svo falleg saman
rétt eins og „Börn náttúrunnar“.
Við vottum ástvinum hennar okk-
ar dýpstu samúð og biðjum Guð að
blessa hana.
Kristjana, Gísli, Hafsteinn,
Kristján, Freyja og Lína.
Smávaxin, fíngerð kona, létt í
spori, göngugarpur mikill. Kát og
alltaf stutt í brosið, dugnaðarforkur.
Tók á móti mér með opinn faðm,
brosi og hlýjum kveðjum svo að mér
hlýnaði um hjartaræturnar þegar
við hittumst.
Smávaxin, já, en samt svo ótrú-
lega stór. Hjartahlý, heiðarleg,
barnelsk fjölskyldukona. Gull af
manni.
Daðey Sveinbjörnsdóttir, móðir
æskuvinkonu minnar, Ingrúnar, er
farin á vit feðranna, kona sem ég og
fjölskylda mín eigum svo margt að
þakka. Margar minningar koma upp
í hugann þegar kynni hafa verið löng
og góð en ég vil minnast á tímann
fyrir um það bil 35 árum. Við hjón
vorum þá bæði í námi og tveggja ára
sonur okkar veiktist og gat ekki ver-
ið á leikskólanum í langan tíma á eft-
ir. Á þeim tíma var ekki svo gott að
fá fóstur fyrir barn yfir daginn, dag-
mæður ekki algengar og fátt um ráð
nema að setja barn á vöggustofu. En
við hjónin og sonur okkar, Aðal-
steinn, vorum svo heppin að eiga að
móður mína og Döddu sem tóku að
sér að fóstra drenginn til skiptis yfir
daginn. Þær áttu þannig drjúgan
þátt í því að ég þurfti ekki að hætta
námi. Það varð kært á milli Döddu
og Alla og vináttan hélst ætíð síðan
enda dekraði hún við hann á alla
lund. Sérlega lifandi er minningin
um það þegar hún hljóp um alla stofu
með drenginn á bakinu og lék hest
og skemmtu sér bæði konunglega.
Þarna hnýttust vinaböndin á milli
okkar enn betur. Dadda og Siggi,
maðurinn hennar, reyndust okkur
hjónunum sem aðrir foreldrar og
börnunum okkar sem amma og afi.
Við erum lánsöm, ég og fjölskylda
mín, að hafa þekkt og fengið að njóta
samveru við þau heiðurshjón gegn-
um lífið. Við erum ríkari fyrir vikið.
Nú er kveðjustundin við Döddu
runnin upp, eftir stendur Siggi sem
lifir konu sína.
Elsku Siggi, Ingrún, Halla og fjöl-
skyldur. Við sendum ykkur samúð-
arkveðjur og biðjum allar góðar
vættir að vernda ykkur og styrkja á
þessum erfiða tíma.
Minningin um yndislega konu lifir.
Með virðingu og þökk
Sigríður H. Aðalsteinsdóttir
og fjölskylda.
Tímarnir breytast og fólkið með,
en eitt er þó víst að hjartahlýja þín
var alltaf óbreytt í tímans rás. Þarna
fór lítil kona með stórt hjarta sem
gaf af öllu sínu hjarta ást og um-
hyggju þeim sem sóttu hana heim.
Heimili þitt að Köldukinn 28 í Hafn-
arfirði stóð alltaf opið eins og fastur
punktur í tilverunni þar sem þú
stóðst við eldhúsborðið og kíktir út
um gluggann til að sjá hverjir sæktu
þig heim. Mér finnst eins og ég hafi
þekkt þig alla ævi, enda varstu mér
sem móðir allt frá því ég kom heim
til þín í fyrsta skipti með Höllu dótt-
ur þinni sem ungur drengur til að
vinna skólaverkefni. Árin liðu og á
erfiðum tíma unglingsáranna þegar
ég hafði misst föður minn breiddir
þú verndarvæng yfir mig og hjálp-
aðir mér yfir erfiðar stundir. Þú
gafst mér og minni fjölskyldu þá
stærstu gjöf sem þú gast veitt mér í
lífinu sem var ást og umhyggja. Ég
vona, Dadda mín, að ég hafi getað
endurgoldið þér þá sömu ást og um-
hyggju sem þú veittir mér í þessu
lífi. Þegar slík kona fellur frá verður
þögn og maður veltir fyrir sér til-
ganginum með lífinu.
En stundin sem við öll eigum von á
er runnin upp hjá Döddu. Ég veit að
hún er nú komin á góðan stað þar
sem hún heldur áfram að senda okk-
ur hjartahlýju inn í hugskot okkar.
Með þessum örfáu orðum vil ég
þakka þér fyrir yndislegar stundir
sem þú og fjölskylda þín hafið veitt
mér og fjölskyldu minni í gegnum
tíðina. Megi guð vera með þér og
vernda þína fjölskyldu um ókomin
ár.
Sigurjón Haraldsson.
FRÉTTIR
BYKO hefur verið dæmt til að
greiða norskum hönnuði barnastóla
og fyrirtækinu sem framleiðir þá
skaðabætur vegna þess að BYKO
seldi barnastóla sem þykja augljós
eftirlíking hins svokallaða Trip
Trap-stóls.
Í Héraðsdómi Reykjaness á
mánudag var BYKO einnig dæmt
óheimilt að flytja inn eða selja stól-
ana, sem framleiddir eru í Kína, en
þeir voru teknir úr sölu árið 2004.
Fyrirtækið Stokke stefndi BYKO
eftir að fyrirtækið varð þess
áskynja að BYKO var með sölu
ALPHA-barnastóla sem svipaði
mjög til Trip Trap stólanna, sem
Stokke framleiðir. Krafðist Stokke
að birgðir BYKO af stólunum yrðu
gerðar upptækar, og BYKO greiddi
Stokke kostnað við að farga þeim.
Einnig var þess krafist að staðfest
yrði að BYKO mætti ekki flytja inn,
selja, flytja út eða ráðstafa
ALPHA-barnastólum.
Krafist var skaðabóta af BYKO
vegna tapaðrar sölu sem samsvarar
1,9 milljónum króna, en auk þess
krafðist Peter Opsvik, hönnuður
stólanna, einnig 2 milljóna króna
miskabóta frá BYKO.
Sagt valda ruglingi
hjá neytendum
Stokke sagði í stefnu sinni að eft-
irlíkingin hafi getað valdið ruglingi
hjá viðskiptavinum, og valdið því að
þeir álíti ranglega að eftirlíkingin sé
Trip Trap stóll, eða tengsl séu milli
hennar og Trip Trap stólsins.
BYKO byggði varnir sínar hins veg-
ar á því að ALPHA-barnastóllinn sé
ekki lengur í sölu hjá BYKO, og
engar ráðagerðir séu uppi um að
flytja inn eintök af honum. Var
einnig á því byggt að munur væri á
stólunum, og ekki sé um ólögmæta
eftirgerð eða eftirlíkingu að ræða.
Einnig kom fram í vörnum BYKO
að Stokke hafi ekki sýnt fram á að
fyrirtækið hafi orðið fyrir tjóni
vegna sölu BYKO á ALPHA-barna-
stólnum. Stóllinn hafi kostað 7.900
kr. í verslunum BYKO, á meðan
Trip Trap stóllinn hafi kostað
16.280 kr. Því hefðu þeir sem
keyptu ALPHA-stólinn trúlega
frekar keypt ódýrari stóla hefði
ALPHA-stóllinn ekki verið til sölu.
Í niðurstöðum héraðsdóms segir
að Trip Trap stóllinn hafi komið á
markað á árunum 1971–1972, og
hafi notið mikilla vinsælda. Óum-
deilt sé að hönnun hans sé vernduð
af lögum um höfundarrétt. Það var
mat dómsins að ALPHA-stólarnir
væru augljós og nærliggjandi eft-
irlíking af Trip Trap stólnum, og
beri engin merki um frumlega
hönnun. Auðvelt sé fyrir neytendur
að ruglast á stólunum.
BYKO gert að ónýta birgðir
BYKO var því dæmt til að ónýta
óseldar birgðir af ALPHA-stólun-
um innan fjögurra mánaða, og við-
urkennt að óheimilt sé fyrir BYKO
að flytja stólana til landsins eða frá,
eða selja þá. BYKO var ennfremur
dæmt til að greiða Stokke um 700
þúsund króna skaðabætur, og Ops-
vik 400 þúsund króna miskabætur.
BYKO var einnig gert að greiða
málskostnað Stokke og Opsvik,
samtals 850 þúsund krónur.
Dóm Héraðsdóms Reykjaness
kváðu upp þau Guðmundur L. Jó-
hannesson héraðsdómari, Guð-
mundur Einarsson iðnhönnuður og
Þórdís Zoëga húsgagnahönnuður.
Fyrir hönd Stokke sótti málið Erla
S. Árnadóttir hrl., en verjandi
BYKO var Ragnar Tómas Árnason
hdl.
BYKO dæmt vegna sölu á eftirlíkingum
á vinsælli tegund barnastóla
Þótti augljós
eftirlíking Trip
Trap-stólsins
ALPHA-barnastóllinn þótti augljós
eftirlíking af norska stólnum.
Trip Trap-stóllinn hefur notið vin-
sælda síðan hann kom á markað.
Fjögur af fimm úr MR
FJÖGUR af fimm ungmennum sem
urðu efst í landskeppni í eðlisfræði
um síðustu helgi eru úr Mennta-
skólanum í Reykjavík og eitt þeirra
er úr Menntaskólanum við Sund.
Rangt var farið með nöfn skólanna í
frétt um keppnina í Morgunblaðinu
sl. þriðjudag og er beðist velvirð-
ingar á því. Þá kom ekki fram röð
þeirra í úrslitakeppninni en hún er
eftirfarandi: Einar Búi Magnússon,
Tómas Pálsson, Þórey María Mar-
íusdóttir, Egill Tómasson, Einar
Bjarki Gunnarsson og Bjarni Rafn
Gunnarsson, en öll nema Egill Tóm-
as eru úr MR. Þar sem Einar Búi,
Egill og Bjarni Rafn eru of gamlir til
að taka þátt í Ólympíuleikunum í
eðlisfræði hafa Freyr Sævarsson og
Kjartan Örn Sigurjónsson, nem-
endur í MR, verið beðnir að taka
sæti í íslenska keppnisliðinu sem fer
til Singapúr í júlí nk. Endanlegt
keppnislið hefur þó ekki verið
ákveðið þar sem nokkrir ofan-
greindra nemenda bíða með að stað-
festa þátttöku þar til úrslit úr stærð-
fræði- og efnafræðikeppnum í mars
liggja fyrir.
LEIÐRÉTT
SIÐANEFND Blaðamannafélag
Íslands hefur úrskurðað í kæru-
máli Ólafs Einarsson gegn Eiríki
Jónssyni, blaðamanni DV, og
Jónasi Kristjánssyni og Mikael
Torfasyni, þáverandi ritstjórum
DV. Segir siðanefnd að með fyr-
irsögnum í DV þann 15. nóvem-
ber síðastliðinn hafi þeir gerst
brotlegir gegn siðareglum BÍ.
Telur siðanefndin brotin hafa
verið ámælisverð.
Upphaf málsins eru fyrirsagnir
sem blaðið birti á forsíðu blaðsins
og innsíðu, hinn 15. nóvember
síðastliðinn, þess efnis að gler-
augnasali í Hafnarfirði hefði und-
ir höndum lækningu gegn fugla-
flensunni.
Ólafur Einarsson, kærandi,
segir að hann hafi hvorki í orði né
riti haldið því fram að það tæki
sem hann hafi undir höndum
lækni fuglaflensuna. Þetta hafi
blaðamaður vitað þar sem hann
hafi tjáð honum það sjálfur.
Í umfjöllun sinni segir siða-
nefndin að hún taki undir með
kæranda að framangreindar fyr-
irsagnir fullyrði meira en lesa má
í fréttinni sjálfri. Í henni sé bein-
línis staðhæft að lækning við
fuglaflensu finnist hjá kæranda.
Þó svo að undirfyrirsögn dragi úr
rangri fullyrðingu aðalfyrirsagn-
arinnar verði að gera þá kröfu til
fjölmiðla að rétt sé farið með, en
það hafi ekki verið gert í þetta
skiptið. Það sé því skoðun nefnd-
arinnar að fyrirsagnirnar feli í
sér brot á 3. grein siðareglna BÍ
en þar segir meðal annars að
blaðamaður skuli vanda upplýs-
ingaöflun sína, úrvinnslu og
framsetningu svo sem kostur er.
DV braut gegn siðareglum
ÁRLEG 12 spora ráðstefna AA-
deildarinnar „Menn með mönnum“
verður haldin í Borgarholtsskóla í
Grafarvogi helgina 10.–12. mars.
Yfirskrift ráðstefnunnar er: „Það
er til lausn!“ Fyrirlesararnir, sem
koma frá Bandaríkjunum, eru að
þessu sinni þeir Kelvin D., Bob D.
og Jim L. Ráðstefnan fer fram á
ensku og hefst dagskráin föstu-
dagskvöldið 10. mars kl. 20. Kaffi-
sala og bóksala verður á staðnum.
Aðgangur á ráðstefnuna er ókeypis
og allir velkomnir.
Nánari upplýsingar má finna á
www.aa-efni.org/conference.
12 spora ráðstefna
í Borgarholtsskóla
SPRON kort býður nú upp á nýtt
VISA kreditkort sem eykur ávinn-
ing korthafa. Vildarpunktar og
endurgreiðslur eru nú sameinaðir á
eitt kreditkort. Nýja kortið hefur
fengið nafnið e2 Vildarkort.
e2 Vildarkortið sameinar alla
kosti Vildarkorts VISA og Ice-
landair og e-kortsins. Ávinningur
korthafa er tvíþættur því korthafar
safna bæði endurgreiðslu og Vild-
arpunktum – allt í sömu færslunni.
Ávinningur korthafa safnast
þannig: Bæði endurgreiðsla og
Vildarpunktar af öllum innlendum
viðskiptum með e2 Vildarkortinu –
allt í sömu færslunni, viðbótar Vild-
arpunktar hjá yfir 100 samstarfs-
aðilum, segir í frétt frá Spron.
Korthafar fá endurgreiðsluna
greidda í desember ár hvert með
peningaávísun. Hægt er að sækja
um e2 Vildarkortið á www.e2.is.
Nýtt kreditkort
hjá Spron