Fréttablaðið - 02.04.2009, Page 40

2. APRÍL 2009 FIMMTUDAGUR8 ● fréttablaðið ● brúðkaup
Rósa Guðmundsdóttir og Jón Hall-
dór Kristmundsson gengu í það
heilaga í Háteigskirkju í október
árið 2004. Dagurinn var í meira
lagi viðburðaríkur að sögn Rósu
og vakti fatastíll hennar sérstaka
athygli.
„Bónorðið var borið upp í maí
2004. Þessi elska hringdi fyrst í
foreldra mína til að fá leyfi. Svo
bauð hann mér út eitt laugardags-
kvöldið á veitingastaðinn Caruso
þar sem við tók gítarleikur á efri
hæðinni og læti,“ rifjar Rósa upp
og viðurkennir að stutt hafi verið
í tárin.
Ákveðið var að halda brúð-
kaupið í október sama ár. Athöfn-
in fór fram í Háteigskirkju og að-
eins þeim allra nánustu boðið.
„Séra Bjarni Karlsson gaf okkur
saman og stóð sig meiriháttar vel.
Gaf manninum mínum meðal ann-
ars leyfi til að stunda fjölkvæni,“
segir Rósa og bætir hlæjandi við
að föður hennar hafi reyndar ekki
verið sérstaklega skemmt.
Fyrir brúðkaupið hafði hún
valið sér fallegan, kremlitaðan
kjól úr versluninni Tvö hjörtu,
en kaus að fara heldur óvenjulega
leið í vali á skóm. „Þeir sem þekkja
mig vita að ég er lítið fyrir spari-
klæðnað og líður best í íþrótta-
fatnaði. Maðurinn minn hefur gert
nokkrar tilraunir til að bæta úr því
með fatakaupum, en sumt af því er
enn inni í skáp með verðmiðanum
á. Þarna gaf hann mér fullt frelsi
í skókaupum og ég endaði á Puma-
strigaskóm úr Útilífi.“
Rósa segist hafa verið orðin svo-
lítið stressuð rétt fyrir athöfnina
og faðir hennar hafi því slegið á
létta strengi með því að benda á
strigaskóna og segja að nú væri
síðasta tækifærið til að stinga
af. „Við það sprakk ég úr hlátri
og pabbi leiddi mig hlæjandi inn
kirkjugólfið.“
Enginn tók hins vegar eftir
strigaskónum, sem voru vand-
lega huldir undir pilsfaldinum að
sögn Rósu. Það var ekki fyrr en
veislustjórinn lét brúðina standa
upp á stól í veislunni og sýna þá
að marga rak í rogastans. „Maður
heyrði bara suma dæsa þegar þeir
komu í ljós. Aðrir sögðust reyndar
ekki hafa búist við neinu öðru en
strigaskóm.“
Hún segist þó síður en svo sjá
eftir kaupunum, því skórnir hafi
ótvírætt haft meira notagildi en
sjálfur brúðarkjóllinn. - rve
Gifti sig í strigaskóm
Rósa ásamt fjölskyldunni, eiginmann-
inum Jóni Halldóri, syninum Halldóri
Tristan, þriggja ára, og hundinum Serbi.
FRÉTTABLAÐIÐ/VALLI
Nína Rúna Kvaran og Lazaro
Luis Nunez Altuna áttu eftir-
minnilegan brúðkaupsdag,
sem haldinn var í heimaborg
fjölskyldu Lazaro í Perú hinnnn
27. júlí 2007. Þar dunaði dans-
inn allt kvöldið enda Perúbúar
dansglaðir mjög.
„Við kynntumst fyrst á Íslandi í
desember árið 2001 og Lazaro bað
mín eiginlega um leið,“ segir Nína
en Lazaro hafði þá búið á Íslandi
í tvö ár. „Ég vildi nú ekki sam-
þykkja bónorðið fyrr en ári síðar,“
segir hún glettin.
Til stóð að halda brúðkaup fljót-
lega en eins og vill verða vannst
aldrei tími til þess. „Lazaro vildi
alvöru veislu með hljómsveit og
öllu en ég sá ofsjónum yfir skipu-
lagningu og fjárútlátum,“ útskýrir
Nína. Þegar ákveðið var að fara í
ferðalag til Perú sumarið 2007
ákváðu þau að slá tvær flugur
í einu höggi og gifta sig hjá fjöl-
skyldu Lazaro í Perú. „Ég sá fyrir
mér að þetta yrði draumur fyrir
mig enda myndi fjölskylda hans sjá
um undirbúninginn,“ segir Nína.
Undirbúningurinn gekk þó ekki
átakalaust fyrir sig. Til að mynda
þóttu pappírarnir sem þau komu
með frá Íslandi ekki nægir og urðu
þau því að ferðast í ellefu tíma í
rútu til höfuðborgarinnar Lima til
að fá stimpil. Þá var fæðingarvott-
orð Lazaro orðið svo lúið að hann
þurfti nýtt en þar sem ráðhúsið í
fæðingarbæ hans hafði brunnið
varð móðir hans áttræð að skrá
hann upp á nýtt.
„Síðan lenti ég í miklu ævintýri
með brúðarfötin mín en ég hafði
látið sauma á mig perúskan þjóð-
búning. Viku fyrir brúðkaupið fór
ég að skoða afraksturinn en þá
þótti fjölskyldu Lazaro sauma-
skapurinn og efnið sem var notað
til háborinnar skammar og hófst
því dauðaleit að einhverjum sem
gæti saumað slíka listasmíð á einni
viku,“ útskýrir Nína en það tókst
þó knappt væri.
Eftir kómíska upplifun af
tveimur innfæddum snyrti-
fræðingum sem gerðu sitt til að
reyna að eyðileggja daginn gengu
þau Lazaro í hjónaband hjá borgar-
dómara í Chiclayo, heimaborg fjöl-
skyldu Lazaro. „Þar gekk allt vel og
ég fann hversu gott það var að hafa
móðursystur mína, hana Rósu, hjá
mér en hún og maður hennar lögðu
það á sig að koma til Perú til að
vera viðstödd brúðkaupið,“ segir
Nína sem lærði sérstakan þjóð-
dans fyrir brúðkaupið sem heit-
ir Marinera en að sögn Nínu eru
Perú búar mjög dansglaðir.
Þau leigðu hæð á veitingastað
undir brúðkaupið með mat og lif-
andi hljómsveit. „Veislan hófst á
brúðarvalsi en ólíkt því sem tíðk-
ast á Íslandi tekur dansinn úti
mjög langan tíma. Ég þurfti að
dansa við elsta bróður Lazaro, svo
þann næstelsta og koll af kolli við
alla karlmennina. Sama átti við
um Lazaro. Við þurftum að dansa
nánast við alla í goggunarröð eftir
tengslum og aldri,“ útskýrir Nína
en dansinn dunaði stærstan hluta
veislunnar. „Til dæmis dansaði
mamma Lazaro manna mest og oft
á tíðum með fullt bjórglas á höfð-
inu,“ segir hún glettin en hápunkt-
ur kvöldsins var þegar hún kom
Lazaro á óvart með því að fara
með hann í brúðarsvítu sem hún
hafði pantað að honum óafvitandi.
„Þar gátum við slakað á eftir brúð-
kaupið og allt sem á undan hafði
gengið,“ segir Nína og er fegin að
hafa tekið ákvörðun um að gifta
sig í Perú. - sg
Dönsuðu við alla gestina
Nína Rúna og Lazaro ásamt börnum sínum Ævari og Maríu á brúðkaupsdaginn.
MYND/ÚR EINKASAFNI
466 1016
www.ektafiskur.is
frumkvöðlafyrirtæki ársins  - fiskvinnsla frá árinu 
Óskabók konunnar!
Gullfalleg bók um grunntækni í förðun.
w 3ja og 6 mínútna dagförðun
w Kvöld- og tískuförðun
w Brúðarförðun
w Húðumhirða og margt fleira
Blaðberinn
bíður þín
Þú færð Blaðberann þinn í Skaftahlíð 24
alla virka daga frá kl. 8-17.
óðar fréttir fyrir umhverfiðBlaðberinn...