Fréttablaðið - 02.04.2009, Qupperneq 45

FIMMTUDAGUR 2. APRÍL 2009
í Hollywood
Konungleg athöfn. Grace Kelly giftist prins Rainier af Mónakó 18. apríl árið 1956 í
því sem kallað var brúðkaup aldarinnar. NORDICPHOTOS/GETTY
Leikararnir Audrey Hepburn og Mel Ferrer giftu sig 25. september 1954. Hjóna-
bandið entist í fjórtán ár. NORDICPHOTOS/GETTY
Audrey Hepburn kynntist Mel Ferrer, fyrsta eiginmanni sínum,
í teiti hjá Gregory Peck. Hún hafði séð hann í myndinni Lili og
heillast af leik hans. Ferrer sendi henni síðar handrit að leikritinu
Ondine, sem hún samþykkti að leika í. Æfingar hófust í janúar 1954
og 24. september sama ár giftu þau sig. Hjónabandið entist í fjórtán
ár en því lauk árið 1968. Talið er að undir lokin hafi þau bæði verið
farin að halda við annað fólk.
Grace Kelly kynntist prins Rainier af Mónakó í apríl 1955 þegar
henni var boðið að taka þátt í myndatöku í höllinni í Mónakó. Kelly
var þá í bandarískri sendinefnd á kvikmyndahátíðinni í Cannes.
Hún sneri aftur til Bandaríkjanna en hélt áfram samskiptum
við Rainier. Í desember kom prinsinn til Bandaríkjanna og töldu
margir að hann leitaði sér þar kvonfangs. Aðspurður neitaði hann
því. Hann hitti síðan Grace og fjölskyldu hennar og eftir aðeins þrjá
daga bar hann upp bónorðið. Kelly játti og fór að búa sig undir það
sem síðar var kallað brúðkaup aldarinnar.
Brúðkaupið fór fram í 19. apríl 1956 í höllinni í Mónakó og var
sjónvarpað um alla Evrópu. Daginn eftir fór fram kirkjuleg athöfn
í dómkirkju heilags Nikulásar. Brúðarkjóllinn var hannaður af ósk-
arsverðlaunahönnuðinum Helen Rose, sex hundruð gestir mættu í
brúðkaup þessa ævintýrapars og var stór hluti þeirra Hollywood-
leikarar. Eins og margir vita lést Grace Kelly í hræðilegu bílslysi
árið 1982. - sg