Morgunblaðið - 29.06.2007, Blaðsíða 8

8 FÖSTUDAGUR 29. JÚNÍ 2007 MORGUNBLAÐIÐ
FRÉTTIR
Eftir Gunnhildi Finnsdóttur
gunnhildur@mbl.is
MARGRÉT Lára hefur nóg að gera í sum-
ar. Auk þess að æfa og spila með Val og
landsliðinu er hún ein af ritstjórum heima-
síðunnar fótbolti.net. Nú hefur hún tekið að
sér að heimsækja íþróttafélög um allt land
og halda námskeið þar sem hún fræðir og
hvetur stelpur sem vilja feta í fótspor henn-
ar.
Það er ekki langt síðan hún var sjálf
unglingsstelpa í Vestmannaeyjum. Þegar
hún er spurð að því hvers konar hvatningu
hún hefði sjálf viljað fá þegar hún var
yngri, er eitt atriði sem kemur strax upp í
hugann.
„Ég hefði fyrst og fremst viljað sjá lands-
liðið mitt í sjónvarpinu, það var ekki einu
sinni í boði fyrir sjö árum. Þetta hefur
breyst hratt. Þegar ég var þrettán, fjórtán
ára þá hafði ég ekki miklar upplýsingar um
landsliðskonur úr fjölmiðlum og þá gat ég
ekki farið á netið og fengið upplýsingar um
leiki hjá þeim. Krakkar í dag eru miklu
betur upplýstir um þetta allt saman,“ segir
Margrét Lára.
„Ég hefði viljað vita á þessum aldri hve
margt var í boði fyrir mig og hvað ég gæti
náð langt.“
„Geta alveg eins og strákarnir
orðið atvinnumenn“
Nú hefur hún ákveðið að fræða efnilegar
fótboltastelpur á aldrinum þrettán til átján
ára um þessa hluti. „Þær geta orðið at-
vinnumenn, þær geta fengið styrk til há-
skólanáms í Bandaríkjunum í gegnum fót-
boltann og þetta eru hlutir sem ég vissi
ekki einu sinni af. Það er markmiðið með
námskeiðunum, að upplýsa þær um þá
möguleika sem þær hafa. Þær geta alveg
eins og strákarnir orðið atvinnumenn og
stundað sína íþrótt sem vinnu, en þá þurfa
þær líka að vera afgerandi leikmenn,“ seg-
ir Margrét Lára.
Á námskeiðunum talar hún við stelp-
urnar og stjórnar svo æfingu. „Ég einblíni
svolítið mikið á einstaklinginn, ekki á liðið.
Þetta er í rauninni sjálfsstyrkingarnám-
skeið þar sem ég hvet þær til þess að hafa
keppnisskap, setja sér markmið og hafa
metnað.“
Hún segist sjálf hafa lært heilmikið af
því að vera í íþróttum. „Þetta eru forvarnir
númer eitt, tvö og þrjú. Maður lærir að
vinna í hóp, taka tillit til annarra og bera
virðingu fyrir öðrum. Það er mikill agi í
íþróttunum og áhersla á að koma heið-
arlega fram. Svo eignast maður líka fullt af
góðum vinum.“
Gott fyrir stelpur úti á landi
Margrét Lára hefur samið við styrkt-
araðila, svo að íþróttafélögin þurfi ekki að
greiða neitt nema ferðakostnað. „Við á fót-
bolti.net settum þetta átak í gang til að efla
kvennaknattspyrnu, í samstarfi við TM.“
Það er næg eftirspurn eftir námskeið-
unum, enda er Margrét Lára ein helsta fyr-
irmynd stelpna sem eru að taka sín fyrstu
skref á vellinum. Hún hefur þegar heimsótt
sjö íþróttafélög og er á leiðinni til Húsavík-
ur og Hafnar í byrjun júlí.
„Ég held að þetta sé sérstaklega gott fyr-
ir stelpur úti á landi, sem komast kannski
sjaldan á landsleiki. Ég þekki þetta sjálf,
því ég er frá Vestmannaeyjum.“
Margrét Lára nefnir háskólanám í
Bandaríkjunum sem einn af þeim kostum
sem ungum knattspyrnukonum standa til
boða, en hún stefnir ekki í þá átt sjálf. „Ég
ætla mér út aftur, en ég ætla að taka því
rólega og sjá hvað mér stendur til boða í
haust.“
Forvarn-
ir númer
eitt, tvö
og þrjú
Morgunblaðið/Árni Sæberg
Efnilegar Margrét Lára Viðarsdóttir í hópi ungra Valsstelpna sem voru á æfingu í gær. Hún stendur nú fyrir námskeiðum um land allt fyrir
fótboltastelpur á unglingsaldri þar sem hún fræðir þær um það sem til þarf til þess að ná langt í íþróttum.
Margrét Lára fer um landið og hvetur fótboltastelpur til dáða
Kraftur Áhorfendamet var slegið þegar
landsliðið sigraði Serba 5:0 á dögunum.
Margrét Lára Viðarsdóttir er
ein af landsliðskonunum í fót-
bolta sem þjóðin kallar nú
„stelpurnar okkar“. Í sumar
leiðbeinir hún næstu kynslóð
knattspyrnukvenna.
Í HNOTSKURN
»Þótt Margrét Lára Viðarsdóttir séekki orðin 21 árs er hún markahæsti
leikmaður kvennalandsliðsins fyrr og
síðar.
»Landsliðið er nú efst í sínum riðli íundankeppni Evrópumeistaramóts-
ins. Það hefur ekki fengið á sig mark í
þremur leikjum.
Eftir Gunnar Pál Baldvinsson
gunnarpall@mbl.is
SAMNINGUR um sölu orku frá Orkuveitu
Reykjavíkur til hugsanlegs álvers Norðuráls í
Helguvík var samþykktur í borgarráði
Reykjavíkurborgar í gær. Borgarfulltrúar
Samfylkingar og Vinstrihreyfingarinnar
græns framboðs (VG) auk áheyrnarfulltrúa
Frjálslynda flokksins mótmæltu samþykkt-
inni og bókuðu það sérstaklega. Söluverð-
mæti orkunnar hefur verið metið á tæpa 40
milljarða króna en samningstíminn er 25 ár.
Þegar hefur verið tekist á um málið í stjórn
Orkuveitu Reykjavíkur en einnig á fundi
borgarráðs sem haldinn var í síðustu viku.
Þótt Orkuveitan sé sjálfstætt fyrirtæki þarf
borgarráð að samþykkja verkefni að þessari
stærð enda um stóran samning að ræða sem
töluverðar lántökur fylgja. Samningurinn var
samþykktur með fjórum atkvæðum borgar-
fulltrúa Sjálfstæðis- og Framsóknarflokks
gegn þremur atkvæðum Samfylkingar og VG.
Borgarfulltrúar Samfylkingar gagnrýndu að
raforkusölusamningurinn yrði samþykktur á
meðan ekki lægi fyrir hvort Orkuveitan yrði
bundin af samningi um sölu 200 megawatta af
rafmagni til stækkaðs álvers Alcan í Straums-
vík. Bentu þeir á að ef Alcan kysi að nýta sér
þá orku og álver Norðuráls yrði reist í Helgu-
vík yrðu nær allir þeir virkjunarkostir sem
OR hefði haft til skoðunar á undanförnum ár-
um bundnir í orkusölusamningum til stóriðju.
Ekki væri þá svigrúm til að bregðast við ósk-
um frá öðrum áhugaverðari kaupendum, t.d.
netþjónabúum.
Nægir virkjunarmöguleikar til staðar
Gísli Marteinn Baldursson, borgarfulltrúi
Sjálfstæðisflokksins, segir forsvarsmenn
Orkuveitunnar hafa komið á fyrri fundi borg-
arráðs og sýnt fram á að þetta væri ekki rétt.
„Ef það opnast einhverjir möguleikar af þeim
toga þá höfum við alla möguleika að takast á
við það og erum hreint ekkert búnir að selja
alla orku inn í framtíðina. Langt frá því.“
Hann segir Orkuveituna alltaf leitast við að fá
sem best verð fyrir orkuna sem hún framleiði
og ljóst sé að samningurinn sé sá allra besti
sem Orkuveitan hafi gert. Varðandi þá gagn-
rýni borgarfulltrúa VG að samningurinn sam-
ræmist ekki hugmyndafræði sjálfbærrar þró-
unar bendir Gísli á að erlendir aðilar víða líti
til Orkuveitu Reykjavíkur vegna þess hversu
umhverfisvæn orkan er sem fyrirtækið fram-
leiðir. Í bókun VG kemur fram að í sjálfbærri
þróun felist að liggja þurfi fyrir með skýrum
hætti hversu stórt álver sé fyrirhugað að
reisa, á hvaða svæði nákvæmlega sé fyr-
irhugað að sækja orkuna, orkuverðið sé kunn-
ugt almenningi og að fyrir liggi heildstæð
áætlun um verkið og áhrif þess á umhverfi,
samfélag og efnahag. „Svo geta borgarfulltrú-
ar VG auðvitað verið á móti því hverjum við
seljum orkuna en það er síðan allt önnur um-
ræða,“ segir Gísli Marteinn. Aðspurður hvort
það sé ekki rétt hjá borgarfulltrúum Samfylk-
ingarinnar að eftir eigi að ljúka umhverf-
ismati, sem og mati á verndargildi og annarri
nýtingu þeirra náttúrusvæða þar sem virkj-
anir eru fyrirhugaðar auk annarra leyfisveit-
inga segir Gísli svo vissulega vera. Hann
bendir á móti á að slíkt verklag sé síður en
svo sjaldgæft hjá borginni og eðlilega sé sett-
ur fyrirvari um að öll leyfi fáist til fram-
kvæmda. „Þetta eru mjög algeng vinnubrögð
í borgarkerfinu og þurfa ekki að koma nein-
um á óvart,“ segir Gísli Marteinn. Áheyrn-
arfulltrúi Frjálslynda flokksins gagnrýndi að
orkusöluverðinu væri haldið leyndu.
Orkusölusamningur samþykktur
 Meirihluti borgarráðs samþykkti samninginn gegn mótmælum minnihlutans  Samfylkingin telur
of litla orku eftir fyrir mögulega kaupendur  VG telur samninginn ekki í anda sjálfbærrar þróunar
Morgunblaðið/RAX
Orkusala Skiptar skoðanir eru um ágæti
orkusölusamningsins við Norðurál.
Í HNOTSKURN
»Deilt hefur verið um orkusölusamn-ing Orkuveitunnar og Norðuráls síð-
astliðnar vikur. Samningurinn var sam-
þykktur með 4 atkvæðum meirihlutans
gegn 3 atkvæðum minnihlutans.
»Orkuveitan væri nú búin að semjaum of mikið af þeirri orku sem hún
gæti virkjað í framtíðinni.
»Meirihlutinn segir eðlilegt að ekki sébúið að fá öll leyfi eða búið að ljúka
umhverfismati.