Morgunblaðið - 17.07.2007, Blaðsíða 4

4 ÞRIÐJUDAGUR 17. JÚLÍ 2007 MORGUNBLAÐIÐ
FRÉTTIR
Eftir Einar Fal Ingólfsson
efi@mbl.is
VEIÐIMENN á leið í laxveiði fylgj-
ast spenntir með veðurspánni, í von
um að einhver breyting sé í kort-
unum og loksins fari að rigna. Á það
er þó bent að landið sé orðið það
þurrt, að rigna þurfi hressilega í ein-
hverja daga áður en vatn fer að ber-
ast í árnar. Hins vegar er stór-
streymt þessa dagana og veiðimenn
geta lent í veislu, þótt vatnið sé lítið.
Það fékk erlendur veiðimaður, sem
Haraldur Eiríksson var að aðstoða í
Hítará, að reyna í gærmorgun.
Veiðimaðurinn var þá fisklaus eft-
ir þrjár vaktir. Í fyrradag tók lax að
hellast inn og leggjast á Breiðina,
við veiðihúsið, og í Brúarfoss, og var
mjög styggur. Að sögn Haraldar er
áin „skelfilega vatnslítil“ en þessi
ganga var einhver sú stærsta sem
hann hefur orðið vitni að.
„Í morgun, á milli klukkan níu og
tólf, settum við síðan í fimmtán laxa.
Þetta var dýrðin ein – við lönduðum
11. Í 22 stiga hita og logni.“
Hann sagðist hafa lengt taumana
um helming og ekki þýddi að nota
hefðbundnar hitstúpur í þessu við-
kvæma vatni, eingöngu smáflugur.
„Við tókum fyrsta fiskinn í Kverk-
inni, flesta á Breiðinni og hættum
síðan við Grettisstiklur. Þar settum
við í fimm og lönduðum tveimur.“
Einungis um 60 laxar hafa veiðst í
Hítará. Haraldur segir Langadrátt
óveiðandi en nú liggi um 200 laxar í
hyljum við veiðihúsið og að minnsta
kosti 50 við Grettisstiklur.
Hann hafði eftir sjómönnum í
Borgarnesi, að lax væri á lofti um
allt við hólmana utan við bæinn, og
biði þess væntanlega að ganga í árn-
ar á Mýrum og í Borgarfirði.
Skyttur við Leirvogsá
„Ástandið í þessum viðkvæmu ám
er skelfilegt,“ segir Haraldur, sem
er starfsmaður Stangaveiðifélags
Reykjavíkur og fylgist vel með því
sem er að gerast. „Skotveiðimenn
voru ráðnir til að skjóta varg við ós
Leirvogsár um helgina og skutu
marga. Með því að halda varginum
frá þora huguðustu laxarnir að
ganga og þannig hafa verið að veið-
ast 10, 12 fiskar á morgunvaktinni.
Að bægja laxinum frá, þegar áin er
svona niðri í grjóti, skiptir öllu máli.“
Hann hefur trú á því að það verði
sprenging í laxveiðinni þegar loksins
brestur á með vætu.
„En það verður sveifla milli holla,
því menn veiða þegar rignir en árnar
verða fljótar að hrapa aftur, þar sem
þær búa ekki að neinum vatns-
forða.“
Laxabunkar í Elliðaánum
Það er helst að góðar lax-
veiðifréttir berist annars úr Elliða-
ánum og af norðurausturhorninu.
Góð veiði hefur verið í Selá. Síðasta
holl náði á fimmta tug fiska og það
fréttist af einni stöng með fjórtán.
Orri Vigfússon og félagar hans
opnuðu nýverið efsta svæði Selár,
Leifsstaðasvæðið, en það hefur að
hans sögn ekki verið opnað svona
snemma fyrr.
„Það gekk mjög vel, við náðum 13
löxum á tvær stangir á þremur dög-
um. Laxinn er dreifður um allt.“
Þá mun Svalbarðsá vera í fínum
gír, þar hafa veiðst um 30 laxar, og
Hafralónsá er þokkaleg.
Laxinn gengur af krafti í Elliða-
árnar og liggur að sögn Jóns Þ. Ein-
arssonar veiðivarðar í bunkum í
neðstu hyljum.
„Við erum komnir með 178, það
komu níu á land í morgun og 18 í
gær. Það væri gaman að eiga stöng
hér núna, því þeir sem kunna að
renna maðki eru í veislu.“
Sagði hann alla veiðina vera neðan
við Höfðabakkabrú og laxinn vel
haldinn og fallegan.
Stór laxaganga gekk í Hítará í stórstreyminu og sjómenn segja laxa stökkva víða utan við Borgarnes
Morgunblaðið/Einar Falur
Sýningargripir Milli 40 og 50 laxar lágu ofan við Árbæjarstíflu í Elliðaánum í gær. Góð veiði er í Elliðaánum.
„Þetta var
dýrðin ein,
lönduðum 11“
Veiðimenn segja laxveiðiárnar suðvestanlands
skelfilega vatnslitlar og nánast óveiðandi. Stund-
um fást laxarnir til að taka, eins og veiðimenn í
Elliðaánum og Hítará hafa reynt.
Í HNOTSKURN
» Haraldur Eiríksson leið-sögumaður sá einhverja
stærstu laxagöngu sem hann
minnist ganga í Hítará í fyrra-
dag.
Á morgunvaktinni í gær
veiddust 11 laxar á eina stöng.
» Ágætis veiði er í Vopna-fjarðaránum.
Hópur sem opnaði Leifs-
staðasvæðið í Selá náði 13 löx-
um.
» Síðustu daga hafa veiðstfrá 18 og upp í 28 laxar á
dag í Elliðaánum.
Veiðivörðurinn segir þá sem
kunna að renna maðki vera í
veislu á svæðinu.
INGIBJÖRG Sólrún Gísladóttir ut-
anríkisráðherra kom í gær til Mið-
Austurlanda en þar mun hún m.a.
kynna sér stöðu mála í Ísrael og
Palestínu. Ferðin hófst með heim-
sókn á Gólan-hæðir í Norður-Ísrael,
gamalt bitbein í deilum araba og
Ísraela.
Í dag mun Ingibjörg snæða
hádegisverð með starfssystur sinni,
Tzipi Livni, utanríkisráðherra Ísr-
aels, og síðdegis er ráðgert að hún
hitti varnarmálaráðherrann Ehud
Barak í Tel Aviv.
Á morgun, miðvikudag, er dag-
skrá Ingibjargar Sólrúnar þétt-
skipuð og felur m.a. í sér fund með
Shimon Peres forseta.
Fimmtudagurinn er helgaður Ra-
mallah og fyrir hádegi hittir hún
forsætisráðherrann Salam Fayyad í
Ramallah auk þess sem hún mun
eiga fund með Mahmoud Abbas,
forseta Palestínumanna. Kvöld-
verður með íslenskum starfs-
mönnum hjálparsamtaka á svæðinu
er síðan áætlaður um kvöldið.
Ingibjörg Sólrún mun á föstudeg-
inum heimsækja fæðingarkirkju
frelsarans í Betlehem og palest-
ínskar flóttamannabúðir í nágrenni
Betlehem.
Ferðinni lýkur í Jórdaníu á laug-
ardag þar sem utanríkisráðherra
mun kynna sér aðstæður Íraka sem
flúið hafa átökin í heimalandi sínu.
Ingibjörg Sólrún í
Mið-Austurlöndum





  

 !"
#$ &' ( 

* "

   


 



 

  
 
 






! "#
 

 

   


   
 
 

  

 


HUNDURINN Lúkas, sem talið var
að hefði verið drepinn á grimmilegan
hátt, er á lífi. Lögreglunni á Akureyri
barst í gær tilkynning um að Lúkas
hefði sést fyrir ofan bæinn.
Að sögn Gunnars Jóhannssonar,
yfirmanns rannsóknardeildar lög-
reglunnar á Akureyri, var haft sam-
band við eiganda hundsins sem fór á
staðinn og varð þess fullviss að um
Lúkas væri að ræða. Hans hafði verið
saknað síðan í lok maí.
Hótanir á netinu
Tölvupóstur gekk manna á milli í
júní þess efnis að sést hefði til ungra
manna með Lúkas á bíladögum á Ak-
ureyri helgina 15.–17. júní. Þeir voru
sagðir hafa drepið hundinn á hrotta-
legan hátt með því að setja hann ofan
í íþróttatösku sem þeir spörkuðu á
milli sín þar til hundurinn hætti að
veina. Málið vakti mikla athygli og
óhug og eigandi Lúkasar kærði það
til lögreglunnar.
Mikið var skrifað um hið meinta
dráp á spjall- og bloggsíðum þar sem
m.a. einn meintra gerenda var nafn-
greindur. Honum var hótað í kjölfar-
ið, m.a. lífláti.
Finnur fyrir létti og reiði
„Það er ekki hægt að lýsa því með
orðum hvernig mér líður núna,“ segir
Helgi Rafn Brynjarsson en hann var
nafngreindur sem meintur gerandi.
Hann segir fyrstu viðbrögð við frétt-
inni um fund Lúkasar vera létti en
jafnframt reiði gagnvart fólkinu sem
hefur hótað honum.
Helgi Rafn hefur verið í felum síð-
astliðnar vikur. „Ég hlakka til næstu
helgar, að geta farið að skemmta mér
niðri í miðbæ,“ segir Helgi Rafn sem
hefur ekki hugmynd um af hverju
hann var bendlaður við málið en ætl-
ar sér að komast að því. Hann hefur
ráðgast við lögfræðing um að fara í
meiðyrða- og skaðabótamál við þá
sem létu hæst í sér heyra um meint
dráp og hótuðu honum.
Þorði ekki til vinnu
Helgi Rafn segir næsta skref vera
að hreinsa mannorð sitt. Í kjölfar
nafnbirtingarinnar þorði hann ekki
að mæta til vinnu og er því atvinnu-
laus. Nú þegar hann hættir sér út úr
húsi ætlar hann að fara að ganga í
fyrirtæki og sækja um vinnu.
Helgi Rafn hefur allan tímann
haldið fram sakleysi sínu en hann var
á leiðinni frá Blönduósi til Akureyrar
þegar Lúkas átti að hafa verið drep-
inn. Að sögn lögreglunnar á Akureyri
er málið nú í höndum eigandans sem
er sagður ætla að leita sér aðstoðar
við að koma hundinum til síns heima.
Hundurinn
Lúkas er á lífi
Maður sem sakaður var um að hafa átt þátt
í að drepa hundinn íhugar meiðyrðamál
Morgunblaðið/Skapti Hallgrímsson
Lifir Haldnar voru tvær minningar-
athafnir um Lúkas á Akureyri.
BIFHJÓLAMAÐUR á fertugsaldri
lést eftir árekstur við strætisvagn á
gatnamótum Akrafjallsvegar og
Innesvegar við Akranes í gær-
kvöldi.
Að sögn lögreglunnar á Akranesi
eru orsakir slyssins ekki kunnar en
ekki er talið að ofsaakstur eða ölv-
un hafi komið við sögu. Maðurinn
var látinn þegar lögreglan kom á
staðinn og var farþegum strætis-
vagnsins þegar í stað boðin áfalla-
hjálp.
Málið er í rannsókn.
Banaslys
á Akra-
fjallsvegi
BÚIST er við að níu slökkviliðs-
menn af höfuðborgarsvæðinu,
sem ákváðu að hjóla frá vitanum
við Fontinn á Langanesi á norð-
austurhorni landsins alla leið út á
vitann á Reykjanestá, komi í
mark í dag. Verður lagt af stað í
síðasta áfangann, um 15 km leið
frá Grindavík út á Tána, um ell-
efu fyrir hádegi.
Lagt var upp 7. júlí. Garparnir
báru sig vel í gærkvöldi, þrátt
fyrir nokkra þreytu. Leiðin lá yf-
ir hálendið um Sprengisand og
niður að Geysi, um Nesjavelli og
þaðan til Grindavíkur. Að sögn
Kjartans Blöndal, sem sagðist
vera „í trússinu“, buðu stjórn-
endur Bláa lónsins mönnunum í
mat og var því boði að sjálfsögðu
tekið með þökkum.
Frá Fontin-
um á Reykja-
nestána