Morgunblaðið - 28.12.2007, Side 18
18 FÖSTUDAGUR 28. DESEMBER 2007 MORGUNBLAÐIÐ
AKUREYRI
SJÓVARNIR við Ánanaust í
Reykjavík verða lagfærðar á næsta
ári. Einnig eru uppi áform um aukn-
ar landfyllingar þar fyrir utan síðar
meir. Þessar breytingar hafa vænt-
anlega einhver áhrif á legu göngu-
stígsins með ströndinni og verður
hann líklega færður heldur fjær
sjónum en hann liggur nú. Ólafur
Bjarnason, aðstoðarsviðsstjóri
Framkvæmdasviðs Reykjavíkur-
borgar, sagði haft í huga að þessar
framkvæmdir við Ánanaust ættu
ekki að hafa áhrif á útsýni.
Landbrot á Kjalarnesi
„Við þurfum að styrkja þarna sjó-
varnir. Þær fóru illa í mars síðast-
liðnum og við erum byrjaðir að safna
þarna grjóti og munum halda því
áfram,“ sagði Ólafur. Hann sagði að
hugmyndin væri einnig að fylla upp
þarna fyrir framan og því myndi
ströndin færast út, en landið á samt
ekki að hækka frá því sem nú er.
Á fundi borgarráðs 13. desember
síðastliðinn lögðu borgarráðsfulltrú-
ar Sjálfstæðisflokks fram tillögu
vegna mikils landbrots á Kjalarnesi,
á svæðinu allt frá Móum að Norð-
urkoti. Það hefði einkum orðið á síð-
asta áratug. Lagt er til að umhverfis-
og samgöngusvið geri tillögur um
aðgerðir til að stöðva þetta landbrot.
Aðspurður sagði Ólafur að land-
brotið á Kjalarnesi væri óskylt land-
broti við Ánanaust. Hann sagði að
Framkvæmdasvið hefði skoðað land-
brot við Klébergsskóla og Grundar-
hverfi á Kjalarnesi. Ráðgert væri að
bregðast við landbrotinu á því svæði
en ekki þar fyrir utan á Kjalarnesi.
Ólafur sagði fyrst og fremst horft til
þess að verja mannvirki og byggð.
Varnir gegn landbroti við Grundarhverfi á Kjalarnesi í undirbúningi
Sjóvarnir bættar
við Ánanaust
Morgunblaðið/Valdís Thor
Sjóvarnir Varnir gegn sjógangi við Ánanaust verða efldar á næstunni.
Ströndin færist út vegna uppfyllingar
HÖFUÐBORGARSVÆÐIÐ
Eftir Skapta Hallgrímsson
skapti@mbl.is
ZONTAKLÚBBUR Akureyrar
færði Akureyrarbæ Nonnahús að
gjöf í gærmorgun, en þar hafa
Zontakonur rekið safn til minn-
ingar um Jón Sveinsson, Nonna, í
hálfa öld. Minjasafnið á Akureyri
tekur við nú við rekstri hússins
fyrir hönd bæjarins.
„Við treystum Akureyrarbæ
fullkomlega til þess að reka safnið
með sóma í framtíðinni og þá
væntanlega með líku sniði og verið
hefur,“ sagði Anna. G. Thor-
arensen, formaður Zontaklúbbs-
ins, m.a. þegar hún afhenti bæn-
um húsið formlega að gjöf, við
athöfn í Nonnahúsi í gærmorgun.
Anna notaði tækifærið og nefndi
frumkvöðlana, Ragnheiði O.
Björnsson, fyrsta formann klúbbs-
ins og aðstoðarkonur hennar. Þær
„unnu ómetanlegt brautryðj-
endastarf í sambandi við Nonna
fyrir hálfri öld en óvíst er að
Nonnahús og safn væri til ef
þeirra hefði ekki notið við.“
Zontaklúbbur Akureyrar var
stofnaður árið 1949 og fljótlega
kom upp sú hugmynd að heiðra
minningu Nonna. Bernskuheimili
hans í gamla innbænum var orðið
mjög hrörlegt og lá undir
skemmdum þegar Zontaklúbb-
urinn eignaðist húsið, skv. frásögn
á heimasíðu safnsins. Hófust þá
miklar framkvæmdir við að koma
húsinu í sitt fyrra horf og segir á
síðunni að Zontakonur hafi lagt á
sig mikla vinnu og unnið baki
brotnu við að koma minning-
arsafni um Jón Sveinsson á fót.
Safnið var opnað 16. nóvember
1957, á afmælisdegi Nonna og
Zontakonur hafa alla tíð séð um
rekstur þess.
Anna G. Thorarensen sagði við
Morgunblaðið í gær að því fylgdi
vissulega söknuður að láta húsið
af hendi. „Það er tregablandið en
við munum áfram huga að Nonna;
hollvinafélagið verður áfram starf-
andi og við viljum áfram sýna
honum þá virðingu og þann mikla
áhuga sem frumkvöðlarnir í
klúbbnum sýndu Nonna.“
Sigrún Björk Jakobsdóttir bæj-
arstjóri veitti gjöfinni viðtöku í
gær en auk hússins gefur Zonta-
klúbburinn bæjarfélaginu alla
safnmuni sem þar eru. „Þetta er
lítið hús en stórt af minningu,“
sagði Sigrún þegar hún ávarpaði
Zontakonur og gesti þeirra. Bæj-
arstjórinn sagði tilefni samkom-
unnar í gær ákaflega ánægjulega.
„Ég skil vel söknuð ykkar yfir
þessu litla húsi og vona að við eig-
um ykkur að sem hollvini Nonna-
húss og getum leitað í ykkar
reynslubrunn í framtíðinni.“
Sigrún Björk sagði kannski erf-
itt fyrir fólk nú á tímum, „okkur
sem lifum í Google- og Wikipedia-
heimi, að gera okkur grein fyrir
vinsældum Nonna og áhrifum
hans á heimsbyggðina og hve
mörgum hann sagði frá Eyjafirði,
Akureyri og Íslandi.“
Bæjarstjóri sagði mjög vel hafa
verið staðið að safninu til þessa og
sagði ekki annað standa til en að
svo yrði áfram. „Nonni var ótrú-
lega merkilegur maður og við
sáum vel í ferðinni til Köln um
daginn hve mikils hann er metinn
þar; þar er Nonnagata og Nonna-
brunnur. Við eigum þetta ómet-
anlega hús, en ennþá enga
[Nonna]götu, en vonandi verður
breyting á því ef bærinn heldur
áfram að stækka. Við eigum að
sýna hvað okkur þykir vænt um
þennan mann og minnast hans
með sóma,“ sagði Sigrún Björk við
Morgunblaðið.
Hún sagði starf Zontakvenna á
Akureyri með ólíkindum; „að þær
skuli hafa átt húsið og rekið safnið
í öll þessi ár. Þær hafa í raun
fengið ótrúlega lítil framlög frá
ríki miðað við að þetta er ein af
þjóðargersemunum okkar.“
Brynhildur Pétursdóttir, Zonta-
kona og safnstjóri Nonnahúss,
sagðist í gær þakklát fyrir að hafa
fengið að sinna því starfi í sex ár.
„Reksturinn hefur vissulega verið
erfiður og það er erfitt fyrir kven-
félag að standa í þessu. En við
treystum bænum fullkomlega til
að taka við og gera þetta jafn vel
áfram.“
Sögur Nonna hafa komið út á
bókum síðustu ár í endursögn
Brynhildar, en hún heldur mikið
upp á Jón. „Okkur hefur tekist að
koma honum aftur á blað og það
er engin vanþörf á að halda því
starfi áfram; Nonni er einn þekkt-
asti Akureyringurinn, hann er
heiðursbogari bæjarins og við eig-
um að halda minningu hans á lofti
áfram,“ sagði Brynhildur.
„Eigum að sýna hvað okkur
þykir vænt um þennan mann“
Zontaklúbbur Ak-
ureyrar hefur fært
Akureyrarbæ
Nonnahús að gjöf
Morgunblaðið/Skapti Hallgrímsson
Gleði og söknuður Sigrún Björk Jakobsdóttir bæjarstjóri og Anna G. Thor-
arensen, formaður Zontaklúbbs Akureyrar, í Nonnahúsi í gær. Bærinn gaf
Zontakonum myndina af Nonna en hana gerði séra Bolli Gústavsson.
Í HNOTSKURN
»Jón Sveinsson, Nonni, fædd-ist 16. nóvember 1857 á
Möðruvöllum í Hörgárdal. Hann
lést í Köln í Þýskalandi 16.
október 1944 og er jarðsettur
þar.
»Nonnahús er númer 54 A viðAðalstræti. Eigendur húss-
ins, hjónin Sigríður Davíðsdóttir
og Zóphónías Árnason, gáfu það
Zontaklúbbnum árið 1952.
»Fjölskylda Nonna flutti íhúsið þegar hann var 7 ára
og hann bjó þar til 11 ára ald-
urs.
Bless Brynhildur safnstjóri lokar
dyrum Nonnahúss í gærmorgun.
ÁKVEÐIÐ hefur verið að taka til-
boði Tréverks á Dalvík í fram-
kvæmdir við 4. áfanga Háskólans á
Akureyri. Um er að ræða verk upp
á rúmar 620 milljónir króna, en það
eru um 120% miðað við kostnaðar-
áætlun. Gert er ráð fyrir að fram-
kvæmdir hefjist á næstu mánuðum
og að verkinu ljúki sumarið 2010 að
sögn Þorsteins Gunnarssonar,
rektors HA.
Eins og áður hefur komið fram
voru tilboð í framkvæmdir við 4.
áfanga Háskólans á Akureyri opn-
uð 25. september sl. Í þessum
áfanga verða hátíðarsalur og fyr-
irlestrarsalir, auk smærri kennslu-
rýma. Einnig er gert ráð fyrir bíla-
stæðum og háskólatorgi. Fjögur
tilboð bárust í verkið og var þeim
öllum hafnað þar sem þau þóttu
óviðunandi.
Ákveðið var að fara svokallaða
samningskaupaleið en við athugun
á fjárhagsstöðu og reynslu bjóð-
endanna fjögurra kom í ljós að tveir
þeirra uppfylltu ekki kröfur út-
boðsgagna og var þeim því ekki
boðið til samningskaupanna. Þeir
tveir bjóðendur sem uppfylltu öll
skilyrði voru Tréverk ehf. og Ístak
hf. og var þeim boðið til samnings-
kaupa, sem þeir báðir þáðu.
Kostnaðaráætlun hljóðaði upp á
516 milljónir króna, Tréverk bauð
tæpa 621 milljón og Ístak rúmar
733 milljónir.
Samið um
4. áfanga
háskólans
EINBÝLISHÚS neðarlega við
Brekkugötu er stórskemmt vegna
heitavatnsleka. Svo virðist sem
blöndunartæki á efri hæð hússins
hafi gefið sig en húsið er tvær hæðir,
ris og kjallari. Enginn hefur verið í
húsinu undanfarna daga og lekinn
uppgötvaðist ekki fyrr en í gær er
nágranni veitti því athygli að ekki
var allt með felldu. Húsið er mjög
mikið skemmt af völdum vatns og
gufu, bæði innbú, veggir, gólf, hurðir
og gluggar, að því er segir á heima-
síðu Slökkviliðsins á Akureyri.
Blöndunar-
tæki biluðu og
hús soðnaði
♦♦♦