Morgunblaðið - 01.05.2008, Blaðsíða 7
MORGUNBLAÐIÐ FIMMTUDAGUR 1. MAÍ 2008 7
Guðríður sagði að úrslitaleikurinn
um Íslandsmeistaratitlinn við Val
1976 hafi verið afar eftirminnilegur,
er Valsstúlkurnar voru lagðar að
velli mjög sannfærandi, 13:5. Kol-
brún Jóhannsdóttir átti stórleik í
markinu og Guðríður skoraði fjögur
mörk í leiknum. „Ég var ekki í byrj-
unarliðinu, en fékk tækifæri þegar
Oddný Sigsteinsdóttir, þjálfari minn
í yngri flokkunum, var tekin úr um-
ferð. Það var nokkuð einkennilegt að
leika gegn Val, því ég var þá að leika
gegn vinkonum mömmu, sem hún
lék með sem leikmaður Vals. Það
varð stórkostlegt að fagna sínum
fyrsta Íslandsmeistaratitli,“ sagði
Guðríður í viðtali við 100 ára afmæl-
isrit Fram, sem kom út í gær.
Dagblaðið Tíminn sagði í fyrir-
sögn: „Íslandsmeistarar Vals skotnir
á bólakaf …14 ára efnileg stúlka,
Guðríður Guðjónsdóttir, í sviðsljós-
inu – skoraði fjögur mörk fyrir
Fram.“
Guðríður hóf að leika ung með
með mörgum reyndum leikmönnum
sem höfðu lengi verið í Framliðinu.
„Það var gaman að koma í leik-
mannahópinn, sem var skipaður
mörgum kunnum handknattleiks-
konum, sem áttu landsleiki að baki. Í
hópnum voru Oddný Sigsteinsdóttir,
Arnþrúður Karlsdóttir, Sylvía Hall-
steinsdóttir, Helga Magnúsdóttir,
Kristín Orradóttir, Bára Einarsdótt-
ir, Guðrún Sverrisdóttir, Steinunn
Helgadóttir, Bergþóra Ásmunds-
dóttir, Guðríður Halldórsdóttir, Jó-
hanna Halldórsdóttir, Elín Hjör-
leifsdóttir og Kolbrún Jóhanns-
dóttir, svo einhverjar séu nefndar.
Þetta eru allt stúlkur sem eru saman
í saumaklúbbi í dag. Það eru forrétt-
indi að fá að vera með þeim. Ég er
yngsta stúlkan í klúbbnum.“
Guðríður sagði að það hafi ekki
verið stórvægilegar breytingar á
Framliðinu fyrstu árin. „Þær stúlkur
sem komu á eftir mér voru Arna
Steinsen, Sigrún Blomsterberg og
Margrét Blöndal, sem koma inn í lið-
ið 1979 og 1980 og voru síðan einnig
með á seinna sigurtímabilinu 1984 til
1991.“
Hver var styrkur liðsins á þessum
árum, þegar þið verðið Íslandsmeist-
arar fimm ár í röð frá 1976, er þú
verður fyrst Íslandsmeistari? „Það
er einfalt mál. Við vorum langbestar.
Hópurinn var fjölhæfur og vel æfð-
ur. Við erum með góðar skyttur á
þessum árum eins og Oddnýju, Arn-
þrúði, Kristínu Orra og Helgu Magg,
Jóhanna var á línunni og Kolla fór
yfirleitt á kostum í markinu. Hún var
geysilega öflug, þannig að stundum
þorðu mótherjar okkar ekki að
skjóta á markið. Gunna Sverris og
Jenný Grétudóttir stóðu alltaf fyrir
sínu. Hópurinn var mjög öflugur og
við vorum ósigrandi – unnum tólf
stórmót í röð á árunum 1978, 1979 og
1980, eða öll mót sem voru í boði –
vorum Íslandsmeistarar innan- og
utanhúss, Reykjavíkurmeistarar og
bikarmeistarar,“ sagði Guðríður.
Fram varð að sætta sig við annað
sætið á Íslandsmótinu þrjú ár í röð,
1981 til 1983, en síðan komu sjö Ís-
landsmeistaratitlar í röð – 1984 til
1990.
Guðríður sagði að það hafi oft ver-
ið gert grín að leikmönnum Fram,
sem voru eldri en leikmenn í flestum
öðrum liðum og margar orðnar
mæður. „Það voru stórir barnahópar
á eftir okkur á leikjum. Við þurftum
að fá barnapíur í Framheimilið þeg-
ar við æfðum. Við greiddum stúlkum
úr yngri flokkunum laun fyrir að
gæta baranna okkar á meðan við
æfðum. Það var á 1984 til 1991 tíma-
bilinu, en þá þjálfaði ég liðið einnig
tvö keppnistímabil, þannig að það
var nóg að gera. Það voru stundum
sex til sjö börn í einu í pössun í
Framhúsinu. Það var yfirleitt ekkert
gefið eftir. Við vorum komnar á ferð-
ina skömmu eftir að við eignuðumst
börnin.
Það var okkar heppni á sigurtíma-
bilunum að þá léku stúlkur með
Framliðinu sem höfðu mikinn metn-
að. Við urðum Íslandsmeistarar
þrettán sinnum á árunum 1974 til
1990 og tíu sinnum bikarmeistarar.
Við unnum átta sinnum tvöfalt, bæði
deild og bikar.
Guðríður sagði að þegar stúlkurn-
ar sem léku með hinu sigursæla liði
1984 til 1991 fóru að leggja skóna á
hilluna – hver á fætur annarri, vökn-
uðu Framarar við upp við að þeir
voru ekki með nægilega fjölmennan
hóp af stúlkum til að taka við. „Við
urðum ekki Íslandsmeistarar eftir
það, en fögnuðum sigri í bikarúr-
slitaleikjum 1995 og 1999. Síðan kom
mikil lægð, sem Fram er nú að loks-
ins komin upp úr. Kvennaliðið sem
heldur merki Fram á lofti á afmæl-
isárinu er skemmtilegt. Leikmenn
liðsins eiga mikla framtíð fyrir sér.
Ég er þess fullviss að nú sé nýtt
„Gulltímabil“ að hefjast hjá Fram,“
sagði Guðríður, sem hefur frá ýmsu
öðru að segja í afmælisriti Fram.
Meistarar Íslands- og bikarmeistarar Fram 1978 – þegar 12 meistaratitla tímabilið hófst. Aftari röð frá vinstri: Guðjón Jónsson, þjálfari, Guðrún Sverr-
isdóttir, Jenný Magnúsdóttir, Bára Einarsdóttir, Hrafnhildur Jóhannesdóttir, Kristín Orradóttir, Guðríður Guðjónsdóttir, Bergþóra Ásmundsdóttir, Guð-
ríður Halldórsdóttir, Steinunn Helgadóttir og Jón Friðsteinsson, liðsstjóri. Fremri röð: Jóhanna Halldórsdóttir, Kolbrún Jóhannsdóttir, Helga Magn-
úsdóttir, Oddný Sigsteinsdóttir, Þorbjörg Albertsdóttir, Elín Hjörleifsdóttir og Sylvía Hallsteinsdóttir.
Fengu barnapíur
GUÐRÍÐUR Guðjónsdóttir var aðeins 14 ára þegar hún hóf að leika með
meistaraflokki Fram í handknattleik kvenna og fagnaði Íslandsmeistara-
titli 1976. Guðríður er dóttir Guðjóns Jónssonar, landsliðsmanns í hand-
knattleik og knattspyrnu, sem var í „Gullliði“ Fram á árunum 1962–1972,
og Sigríðar Sigurðardóttur, fyrrverandi fyrirliða íslenska landsliðsins og
margfalds Íslandsmeistara með Val. Sigríður var fysta konan sem var út-
nefnd íþróttamaður ársins af Samtökum íþróttafréttamanna, 1964.
Guðríður Guðjónsdóttir fagnaði 13 Íslandsmeistaratitlum og 11 bikarmeistaratitlum
KNATTSPYRNA
KARLAR
Íslandsmeistarar (18): 1913, 1914, 1915,
1916, 1917, 1918, 1921, 1922, 1923, 1925,
1939, 1946, 1967, 1962, 1972, 1986, 1988,
1990.
Bikarmeistarar (7): 1970, 1973, 1979, 1980,
1985, 1987, 1989.
Íslandsmeistarar innanhúss (6): 1975,
1987, 1988, 1990, 1991, 2002.
Meistarakeppni KSÍ (6): 1971, 1974, 1981,
1985, 1986, 1989.
Reykjavíkurmeistarar (24): 1915, 1917,
1919, 1921, 1922, 1947, 1949, 1950, 1957,
1961, 1964, 1970, 1971, 1972, 1973, 1977,
1983, 1985, 1986, 1992, 1993, 1998, 2003,
2006.
Reykjavíkurmeistarar innanhúss (8):
1974, 1975, 1977, 1978, 1980, 1985, 1986,
1989.
KONUR
Íslandsmeistarrar innanhúss (1): 1974.
Reykjavíkurmeistari innanhúss (3): 1974,
1977, 1978.
HANDKNATTLEIKUR
KONUR
Íslandsmeistarar (19): 1950, 1951, 1952,
1953, 1954, 1970, 1974, 1976, 1977, 1978,
1979, 1980, 1984, 1985, 1986, 1987, 1988,
1989, 1990.
Íslandsmeistarar utanhúss (10): 1949,
1950, 1973, 1974, 1977, 1978, 1979, 1980,
1981, 1982.
Hætt var að keppa utanhúss 1983.
Bikarmeistarar (12): 1978, 1979, 1980,
1982, 1984, 1985, 1986, 1990, 1991, 1995,
1999.
Reykjavíkurmeistarar (13): 1951, 1952,
1973, 1975, 1976, 1977, 1978, 1979, 1980,
1982, 1984, 1987, 1988.
Ekki hefur verið keppt um Reykjavík-
urmeistaratitil frá því upp úr 1990.
KARLAR
Íslandsmeistarar (9): 1950, 1962, 1963,
1964, 1967, 1968, 1970, 1972, 2006.
Íslandsmeistarar utanhúss (2): 1950, 1980.
Bikarmeistarar (1): 2000.
Reykjavíkurmeistarar (9): 1960, 1961,
1963, 1964, 1966, 1967, 1970, 1973, 1974.
KÖRFUKNATTLEIKUR
KARLAR
Bikarmeistarar (1): 1982.
Reykjavíkurmeistarar (1): 1981.
ÞEIR þrír þjálfarar sem störfuðu
mest með meistaraflokki karla á
Gulltímabilinu 1961 til 1972 og
þjálfuðu yngri flokka, Karl G.
Benediktsson, Hilmar Ólafsson og
Sveinn H. Ragnarsson, tóku aldrei
laun fyrir störf sín við þjálfun og
liðsstjórn. Aftur á móti voru „laun“
þeirra tekin til hliðar og notuð til
að styrkja unga Framara til að fara
til Norðurlanda á þjálfaranám-
skeið.
Þáðu aldrei laun
óskar Víkingum
til hamingju með
100 ára afmælið