Skinfaxi - 01.08.1984, Blaðsíða 36
gefa átta efstu stig, til þess að
undirstrika þann vilja okkar að
allir sambandsaðilar UMFÍ eigi
að vera með í íþróttakeppni
landsmótsins, eigi þangað erindi
sem sérlegir fulltrúar héraða
sinna, og geti þar unnið til stiga.
Það vekur líka aðdáun og verð-
skuldaða athygli, að i okkar röð-
um er nú komið upp fimleikafólk
(sýningarflokkar) sem í engu gefa
eftir sýningarflokkum frá erlend-
um þjóðum.
Þessi þáttur starfseminnar hef-
ur ekki gerst af sjálfum sér, að
baki liggur þrotlaust fórnarstarf
tiltölulega fárra einstaklinga í
fyrstu, fólks sem trúði á hæfni og
getu okkar æskufólks á þessu
sviði íþróttastarfs. Enn einn
áfanga sigur ungmennafélag-
anna.
Starfsíþróttii
Ungmennafélag íslands hefur
nú verið með keppni í starfs-
íþróttum á sínum vegum í 30 ár.
Fyrirmyndin er að hluta til
erlend, en fellur þó vel að ýmsum
þeim verkefnum sem ungmenna-
félögin hafa látið sér viðkomandi
í byggðum landsins.
Starfsíþróttir af ýmsu tagi er
hægt að stunda svo til hvar sem er
á landinu, og þess vegna upplagt
fyrir þau sambönd eða félög sem
ekki eiga auðvelt með að halda
uppi æfingum í hefðbundnum
iþróttagreinum, að leggja þá rækt
við starfsíþróttirnar.
Það er nú orðið mjög brýnt að
yfirfara kennslubréf og keppnis-
reglur í starfsíþróttum, auk þess
sem UMFÍ þarf að efla alla
fræðslustarfsemi sem snýr að
þessu áhugaverða verkefni.
Ýmsar greinar starfsíþrótta
draga að sér mikin fjölda áhorf-
enda, og þess vegna þurfa fram-
kvæmdaaðilar landsmótanna að
huga vel að þeim þætti fram-
kvæmdarinnar í framtíðinni.
Landsmótin vaxa
meö UMFÍ
Heyrst hafa raddir sem telja að
landsmótin séu að vaxa okkur
yfir höfuð, fjöldi keppenda og
keppnisgreina sé orðinn of mikill,
og aðeins stærri samböndin inn-
an UMFÍ ráði orðið við þetta
verkefni. Ég er ekki sammála
þessum röddum, og tel að þær
heyrist fyrst og fremst frá þeim
aðilum sem ekki hafa tekist á við
landsmótsframkvæmd. Mótin
verða af ýmsum ástæðum auð-
framkvæmanlegri með hverju ár-
inu sem líður, svo er fyrir að
þakka ýmisskonar nýrri tækni
sem nýtist okkur í æ ríkari mæli
við framkvæmd mótanna, og
stórbættri aðstöðu og uppbygg-
ingu viða um land.
Mótin verða líka að vaxa að
umfangi og glæsibrag, á meðan
UMFÍ er í sókn bæði íþrótta- og
félagslega, og það skulum við
vona að verði enn um langa fram-
tíð.
Lausnin fyrir fámennari sam-
böndin og einstök félög með
beina aðild að UMFÍ er að slá sér
saman um framkvæmd lands-
móta, og höfum við nú þegar
góða reynslu af slíku samstarfi,
UMSB og Umf. Skipaskagi á
Akranesi 1975, og nú 18. lands-
mótið i eftirminnilegu samstarfi
Umf. Keflavíkur og Umf. Njarð-
víkur.
Stórbættar samgöngur og sam-
göngutækni auðvelda okkur líka
nú orðið slíka samvinnu, þótt
veðurguðirnir geti þar oft gripið
inn í, eins og dæmin sanna nú á
síðasta móti.
Landsmót UMFÍ eru allsherj-
armót sem íþróttaæska okkar
stefnir á til fjölda þátttöku og
glæstra sigra. Fyrir þetta fólk er
árangur á landsmóti mjög eftir-
sóknarverður, og hvert stig sem
unnið er gefur til kynna verðuga
þátttöku viðkomandi íþróttahér-
aðs.
En það sem mest er um vert að
á Landsmótum UMFÍ er hinn
sanni íþrótta- og ungmennafé-
lagsandi allsráðandi. Keppnis-
gleðin skín úr hverju andliti, og
fyrir þjálfara og félagsleiðtoga
eru landsmótin mikil uppskeru-
hátíð, sem jafnframt gefa
ómælda orkuvæðingu til áfram-
haldandi starfs.
Hafsteinn Þorvaldsson
Margir þjálfarar, fararstjórar og félagsforystumenn fylgja íþróttahópunum.
Hér sjást nokkrir þeirra.
36
SKINFAXI
■