Sjómannablaðið Víkingur - 01.01.1971, Blaðsíða 25

Dr. RICHARD BECK:
Kveð/a til Sjómannabladsins Víkings
frá dr. Richard Beck
Vertíbarton
Þótt lækki sól á lofti og haust
lengi skugga sína,
sett hef ég ekki enn í naust
alla báta mína.
Sumir glímu á sævi enn,
sóknardjarfir, þreyta,
en heim af djúpi haldu senn,
hafnar tryggrar leita.
Von í hug mér vakir þó,
vermd af röðulhlýju:
Að báta mína í sókn á sjó
ég sendi á vori nýju.
Kæri vinur!
Þakka þér fyrir kveðjuna frá þér, sem vinur okkar Gunnar
frá Reynisdal flutti mér nýlega í bréfi sínu, en við skrifumst á
öðru hvoru. Þá vil ég sérstaklega þakka fyrir Víkinginn, sem
ég fæ nú aftur mjög reglulega síðan póstmannaverkfallinu hér
í Kanada lauk fyrir nokkru síðan, og dálítið er liðið síðan 7. og
8. tbl. komu í höfn. Les ég ritið alltaf með mikilli athygli og mér
til fróðleiks um margt. Sýnist mér þið halda vel í horfi um efni
þess og það ná vel tilgangi sínum.
I vináttu- og þakklætisskyni sendi ég þér hérmeð smákvæði,
er ekki þarf skýringar við, en ber því vitni, hve sterk ítök sjó-
mennskan og sjósóknin eiga enn í huga mínum og þá um leið
bjartsýni minni. Kvæði þetta mun hafa komið í Degi á Akur-
eyri, en ekki annars staðar það ég til veit, og ætti það ekki að
koma að sök. En þú ferð með það, eins og þér þykir bezt við eiga.
Af okkur hjónum er allt gott að segja, heilsan góð og alltaf
nóg að gera, en fátt er verra en að koðna niður í iðjuleysi; en
þakklátur má maður vera, þegar maður er kominn á áttræðis-
aldur, fyrir það að hafa góða heilsu.
Heilsaðu kærlega samstarfsmönnum þínum, bæði meðritstjóra
þínum og ritnefnd, og ekki sízt Henry mínum Hálfdanssyni. Með
innilegum kveðjum til ykkar hjóna og fjölskyldu. Lifið heil!
Þinn einlægur,
Richard Beck.
«--------
VlKINGUR
-»
25