Spegillinn - 01.02.1949, Blaðsíða 4

1B
S PEG I LLI N N
PÁFASTÓLLINN
í Róm hefur borið það upp á rúmensku lögregluna, að hún hafi
skotið prest einn til bana milli pistils og guðspjalls, og sé þetta satt,
er páfastóllinn orðinn einskonar kjaftastóll. Þetta átti að hafa skeð
áður en séra Jakob hélt ræðu sína, en þó vitum vér eigi, hvort hann
hefur verið búinn að frétta þessar ófarir kollega síns, en það getur
gert fjandans mismun uppá hugrekkið til að gera. Hvað sem því ann-
ars líður, var hann eigi tekinn eins hátíðlega og sá i Rúmeníu, enda er
Hallgrímssöfnuður sennilega ekki eins blóðheitur og hinir þar eystra.
ÞINGBÓKASAFNIÐ
í Washington á meðal annars alla biblíuna tekna upp á plötur, til af-
nota fyrir blint fólk, og telst fróðum mönnum svo til, að það taki 85
klukkustundir að spila hana frá upphafi til enda, en þá eru víst apó-
krýfisku bækurnar teknar með. Er þetta hagræði mjög notað af þing-
mönnum, sem hafa fengið sér svo marga gráa, að þeir geta ekki lengur
lesið, en þurfa hins vegar að slá um sig með ritningarstöðum. Er jafn-
vel í ráði að búa til expressútgáfu, sem ekki tekur svo langan tíma að
spila, handa þeim, sem hafa nauman tíma.
TVEIR PÓLSKIR
efnafræðingar hafa fundið upp að búa til nylonsokka úr torfi. Segir
blaðið, sem vér höfum þennan fróðleik úr, að þeim hafi af hendingu
tekizt að búa til karbólsýru úr torfinu, og leiðir þá einhvernhvem-
veginn af sjálfu sér, að það sé einnig hæft til sokkagerðar. Ekki er
þess getið í blaðinu — sem þó væri nauðsynlegt, hvort hér er átt við
heytorf eða grasmerar — eða þá bara venjuleg vísindarit.
STÚKAN JÖKULBLÓM
í Ólafsvik hefur nýlega verið endurreist, og er þetta sjaldgæft, að
heilar stúkur séu svo einhuga, að þær þurfi endurreisnar við, en hefur
þó skeð áður. Sennilegt er, að meðlimirnir sleppi með eitthvað væg-
ari kárínur, þegar þeir eru endumeistir þannig í heildsölu.
ÍSLENZKIR
skíðamenn eru nú sem óðast að fá boð um þátttöku í skiðamótum
utan úr hinum stóra heimi. Mun það vera frammistaða þeirra ú Ólym-
píuleikunum, sem gefur framandi þjóðum von um, að þeir geti hresst
eitthvað upp á húmörið á væntanlegum skíðamótum, en sem kunnugt
er lengir hláturinn lífið, og það hyggjast þjóðirnar færa sér í nyt á
þennan hátt.
í TÍMANUM
lesum vér, að sæðingarstöðin á Hvanneyri sé nú tekin til starfa með
fullum krafti og skilst oss, að í bili séu það einkum kýrnar, sem njóta
góðs af. Segir i blaðinu, að tekið sé við pöntunum í síma alla virka
daga. Þetta hefði forfeðrum vorum þótt galdur, en þeir þekktu heldur
ekki spakmælið : „Bara hringja, svo kemur það!“
TRUMAN FORSETI
hætti um sl. áramót að hafa sérstakan hermálaráðgjafa. Hafði hann
erft einn, gamlan og aflóga, eftir Roosevelt, og varð reynslan af hon-
um ekki betri en svo, að hann fleygði honum klukkan tólf á nýársnótt
Og gaf Marsjall kaupið hans til að hjálpa einhverjum með.
GIBSON,
fyrrverandi foi’stjóri Englandsbanka, hefur sagt af sér því embætti
og seinna öðru í viðbót, vegna þess, að það kom fram við rannsókn
á mútumáli einu, að hann hefur látið júða einn gefa sér föt, og það
skömmtunarmiðalaust (þar eð júðinn útti engan stofnauka 13). Oss
finnst þetta nú ekki mikið. Mörg söguleg dæmi munu þess hér á landi,
að embættismenn hafi þegið pelsa og ekki verið mikið að segja af sér
fyrir það. Sýnir þetta hvað vér erum miklu meiri höfðingjar en Bretar.
ÞRÍR KAUPSTAÐIR
vorir, eða nánar tiltekið Akureyri, ísafjörður og Siglufjörður, hafa
nýskeð gengið í svonefnt vináttusamband við tilsvarandi bæi, einn i
hverju hinna Norðurlandanna, að Færeyjum undanteknum. Ætla þeir
að nota til þess arna vináttu þá, er þeir hafa í mörg ár sparað heima
fyrir, en svo langt hefur sá sparnaður gengið, að menn hafa ógjarna
heilsað pólitískum andstæðingum. Ekki vitum vér, hvort það gerir
nokkurt stryk í reikninginn, að ekki tókst samkomulag um varnar-
bandalag Norðurlanda, en að minnsta kosti ættu þessir bæir að verða
seinastir til með stríðsyfirlýsingar sínar, þegar þar að kemur.
BEITUNEFND
heitir ein ríkisnefnd, sem búin er að starfa nokkur ár, en enginn
hefur heyrt getið um fyrr en nú, að landið er orðið beitulaust. Ætlar
nefndin að sigla á fund frænda vorra Norðmanna og fala af þeim síld
til að egna fyrir þorskinn með, þangað til H.f. Bæjarúlfur er kominn
í stand til að anna eftirspurninni.
ÁTTA MENN
hafa verið dómkvaddir til að upplýsa menn, sem kaupa og selja bíla,
um svartamarkaðsverðið á þessum ágætu farartækjum. Fær hver þeirra
50 kall fyrir þessar upplýsingar, en sem betur fer komast ekki nema
tveir að hverjum bíl, nema ef strætó eiga í hlut, þá mun víst ekki veita
af öllum átta.
VÍSINDAMENN
í útlandinu hafa komizt að þeirri niðurstöðu, eftir langvarandi
rannsóknir, að hávaxnir menn séu greindari en lágvaxnir. Vér höfum
borið þetta undir Hjörvar, og kveður hann það vel mega rétt vera, og
séu að minnsta kosti nægar undantekningar til að sanna regluna.
ÍSLENZKA RÍKIÐ
hefur nýskeð gefið 20 amerískum háskólum um 25 tegundir steina
og bergtegunda íslenzkra. Margir hafa brotið heilann um ástæðuna
til þessa höfðingsskapar, en vér hyggjum, að leikurinn sé gerður til
þess að ekki verði hægt að segja eftir á, að vér höfum selt allt landið,
en það er ekki hægt, ef vér höfum sannanlega gefið nokkuð af því.
S. í. B. S.
hefur fengið frumvarp inn á Alþingi, að því skuli leyft að stofna
vöruhappdrætti, með einkaleyfi til 10 ára. Virðast happdrætti ætla að
fara að verða aðalatvinnuvegur landsmanna og ríkissjóðs, og er vel
farið, þegar allir aðrir bregðast. Rekur brátt að því, að landsmenn
fari að lifa hver á öðrum, en fyrir hálfum mannsaldri voru það aðeins
Borgnesingar, er það gerðu.