Spegillinn - 01.03.1970, Blaðsíða 30

HRÚTURINN: Gættu heilsunnar vel. Þú veizt að þú
veizt það betur en læknirinn hvað amar að þér. Ef hann
segir að það sé ekkert að þér, þá skaltu ekki taka mark á
honum. Þeir eru bara svona þessir læknar.
NAUTIÐ: Ársbyrjunin hefur ekki verið þér nógu hag-
stæð. Þú ættir að tala ver um náungann. Þessi uppgerðar
góðsemi fer þér illa og þú skalt losa þig við hana við fyrsta
tækifæri. Þú færð snert af kvefi.
TVÍBURINN: Það er auðvelt að vera gáfaður eftirá.
Þú hefðir betur farið eftir spánni þinni í síðasta Spegli.
Þú gætir bætt úr þessu með því að fara eftir spánni þinni
framvegis og kaupa Spegilinn.
KRABBINN: Jæja, ertu með hósta? Þetta grunaði mig.
Þú ættir að^draga úr reykingunum eins og þér var ráðlagt
í síðustu sþá. Þú reykir minna ef þú vefur sígaretturnar,
en kaupir þær ekki tilbúnar.
LJÓNIÐ: Ef þú hefur ekki komizt í neinn Lionsklúbb-
inn ennþá, geturðu bætt þér það upp með því að stunda
vertshúsin á meðan. En haltu tilraunum þínum áfram,
þessi fáu skipti sem þú ert edrú.
JÓMFRÚIN: Þú mættir gjarna nýta hæfileika þína
betur. Hvernig væri til dæmis að skoða á sér fingurna og
reyna hæfni þeirra til nytsamari hluta. Flestir fingra-
lengstu menn eru fæddir undir Jómfrúarmerkinu.
VOGIN: Ástarmálin verða ekki snurðulaus, eða bjóstu
við því? Reyndu að komast að samkomulagi við maka
þinn, það er svo leiðinlegt að lifa saman í þessari djúpu
þögn. Brostu annað slagið.
DREKINN: Þú skalt varast að rasa um ráð fram. Það
er tími til kominn að henda þessum útslitnu barnaskóm
sem þú gengur á og taka upp fermingarskóna. Reyndu
að taka því rólega í vinnunni án þess að mikið beri á því.
BOGINN: Þú ert undir áhrifum. Eða er ekki svo? Ef
svo er ekki ættir þú að komast undir áhrif. Það gerir þér
gott. Reyndu svo að fresta timburmönnunum eins lengi
og þér er framast unnt.
GEITIN: Skilningur og þolinmæði eru hugtök sem þú
ættir að tileinka þér. Þú gætir æft þig með því að fara með
börnin í þrjúbíó fjóra sunnudaga í röð. Ef þú stenzt
það próf, er þér borgið.
VATNSBERINN: Þú skalt varast vini þína og sam-
ferðamenn. Reyndu að halda þig innandyra og láta sem
fæsta sjá þig. Af hverju ? Það ættir þú bezt að vita. Ef þú
þarft nauðsynlega að fara út þá skaltu gera það að nóttu
til.
FISKURINN: Þú ættir að fara að huga að sumarleyfinu
þínu, það er ekki seinna vænna. Hættu öllum bollalegg-
ingum um utanlandsreisu, þú veizt að þú hefur ekki efni
á henni. Farðu lengst til Flateyjar.
Álfur Engifers.
ps. Það er ekkert ps. núna.
Á.E.
Gerist áskrifendur
að Speg/inum
pósthó/f 594