Stúdentablaðið - 01.12.1955, Page 39

STÚDENTABLAÐ
31
SIGURÐUR GUÐMUNDSSON, stud. med.
íslenzk stúdentasamtök
Á síðustu árum hafa ný stúdentafélög verið
stofnuð víða út um land, og hefur sú þróun
leitt hugi margra að þeirri ótvíræðu nauðsyn,
sem er á stofnun íslenzkra stúdentasamtaka.
Stúdentar og menntamenn eiga sér margt
sameiginlegt, og er það kunnara en frá þurfi
að segja. Því eru stúdentafélögin til orðin.
Hins vegar verður því ekki neitað, að flest
þessi félög eiga allerfitt uppdráttar, og ber
margt til. Mun flestum ljós sá örðugleiki, sem
er á starfrækslu fámenns stúdentafélags úti á
landi. Stúdentafélögin þurfa því að taka hönd-
um saman til framgangs eigin málum, menn-
ingarmálum og ýmsum sérstökum stúdenta-
málum.
Um hlutverk og tilgang stúdentasamtaka má
fara hér nokkrum orðum, þó að mönnum megi
ljóst vera, og upptalning hér geti engan veginn
verið tæmandi. Höfuðhlutverk þeirra hlyti
auðvitað að vera vernd nýfengins sjálfstæðis
þjóðarinnar. Þar undir gæti svo flokkazt mest-
öll starfsemi þess. Eitt aðalviðfangsefnið hlyti
þannig að vera menningarmál, t. d. heimsóknir
erlendra andans stórmenna, sem nú er að
mestu undir hælinn lagt, hvort hingað leggja
leið sína, og barátta gegn þeirri lágmenningu,
sem nú virðist vera í deiglunni, bæði hér í bæn-
um og úti á landi. Þetta verkefni er auðvitað
geysiyfirgripsmikið, en hvort tveggja er, að
stór og sterk samtök þarf til að sinna því svo
vel sé, og eins hitt, að engum stendur nær en
stúdentum að koma þar til skjalanna.
Stúdentasamtökin yrðu auðvitað bæði bak-
hjarl og málsvari íslenzkra stúdenta. Má benda
á ýmis verkefni, er bíða þeirra í þeim málum.
Þannig skortir íslenzka stúdenta við nám er-
lendis með öllu málsvara og stuðning samtaka
hér heima, en á slíku er tíðum mikil þörf, eins
og nærri má geta. Loks er þess að geta, að
ýmis stór og merk verkefni bíða framkvæmda
í málum stúdenta hér við skólann. Ber þar
hæst í svipinn byggingar félagsheimilis og
hjónagarðs. Um bæði þessi verkefni má segja,
að þau hljóti einkum að vera verk samtíðar-
innar fyrir framtíðina, eins og svo oft vill
verða. Því er langeðlilegast, að allir íslenzkir
stúdentar taki höndum saman um þessi mál.
Hugmyndin um samtök íslenzkra stúdenta
er ekki ný af nálinni. Efnt hefur verið til
tveggja landsmóta íslenzkra stúdenta, og á hinu
síðara var stofnað Stúdentasamband Islands
(18.—20. júní 1944). Segir í lögum þess, að til-
gangurinn sé m. a. sá, „að standa vörð gegn
öllum þeim öflum, sem sjálfstæði þjóðarinnar,
andlega, efnalega og stjórnarfarslega, getur
stafað hætta af.“ Frekar er ekki hægt að segja
hér af þessu sambandi, því að fárra lífdaga
virðist því hafa orðið auðið. En væntanlega
taka þeir nú höndum saman, sem helzt hljóta
um mál þetta að fjalla, og gera það, sem fært
þykir.
—
Á heimleið
Ljós eru slohknuð og landið er svart,
í loftinu er ekkert að hanga’ á,
og pað er í sannleika helvíti hart
að hafa ekki jörð til að ganga’ á.
Káinn.
V_______________________/