Fálkinn - 03.10.1958, Blaðsíða 1
• •
Morsárdalur í Oræfum
Nú, þegar haustlitirnir færast yfir umhverfið og vetur er á næsta leiti, horfa margir með söknuði til óbyggðanna, þar sem þeir hafa
á liðnu sumri notið nærveru óspilltrar íslenskrar náttúru. — Það er hverjum Islendingi nauðsynlegt að þekkja landið sitt sem best, en
það verður ekki gert til neinnar hlýtar nema menn leggi leið sína inn á öræfin, sem eru gædd því dulmagni að laða menn til sín aftur
og aftur með hrikdlegu landslagi og töfrandi fegurð. Það er því ánægjulegt að óbyggðaferðir eru nú mjög vinsælar og þátttaka í þeim
eykst ár frá ári. — Myndin hér að ofan er frá Morsárdál i öræfum. Ljósmynd: Þorsteinn Jósepsson.