Fálkinn - 03.07.1959, Síða 3

FÁLKINN
3
ÍSI \M>
Nú eru menn sem óðast að undir-
búa siglingu til nágrannalandanna
í sumarfríinu, eða eru önnum kafn-
ir að hreinsa til í hverju skúmskoti
á heimilinu svo allt liti sem bezt
út, vegna þess að það er von á
frænda eða frænku frá Svíþjóð eða
Danmörku eða kunningja frá
Frakklandi eða Þýzkalandi. Þá er
kannske rétt að vekja athygli
þeirra á hinum ýmsu myndabók-
um, sem gefnar hafa verið út hér
á landi á undanförnum árum. Bæk-
ur þessar prýða margar gullfallegar
myndir frá íslandi ásamt sjó fróð-
leiks um land og þjóð.
Athygli okkar hefur beinst að
einni slíkri bók, sem ber nafnið
Töfralandið ísland. Hún er í
smekklegu og handhægu broti,
myndir skýrar og vel valdar, efni
nákvæmlega eins og efni í slíkum
bókum á að vera; skýrt fram settur
fróðleikur. Sannarlega heppileg bók
til að stinga með í töskuna þegar
skroppið er út fyrir pollinn, og til-
valin gjöf handa erlendum vini.
17. JÚNÍ siastliðinn var vígður
nýr íþróttaleikvangur í Laugardal,
íþróttaleikvangur, sem er fyllilega
sambærilegur við hliðstæð mann-
virki erlendis, og markar tímamót
í menningarsögu landsmanna.
íþróttir hafa allt frá fyrstu tíð
skipað virðulegan Sess í hverju
þjóðfélagi og verið mjög í háveg-
um hafðar. Gildi þeirra til líkams-
ræktar og hreysti kom fljott í ljós,
og hér fyrr á öldum er ekki ósenni-
legt að það hafi einmitt verið það,
sem hvatti valdhafana til þess að
örfa unga menn til íþróttaiðkana,
því að íþróttamaðurinn var hæfari
til mannvíga og hernaðar en aðrir.
Nú eru íþróttirnar. aftur á móti
einn styrkasti hlekkurinn í þeirri
keðju, þar sem reynt er að tengja
saman þjóðirnar til bróðurlegra og
drengilegra samskipta í stað þess
að elta saman grátt silfur og berast
á banaspjóti. Ef leikreglur íþrótt-
anna væru meira í hávegum hafð-
ar hjá þeim, sem við stjórnvölinn
standa er trúlegt að öðruvísi væri
umhorfs í heiminum er nú er.
Hugsjón íþrótta á djúpstæðar
rætur meðal okkar íslendinga, og
er leikvöllurinn í Laugardalnum
nýjasta og ljósasta dæmi þess, hve
mikils við metum þær. Forráða-
menn Reykjavíkurbæjar eiga
þakkir skyldar fyrir þann stórhug,
sem lýsti sér í þeirri samþykkt,
sem gerð var í bæjarstjórn 1943,
um allsherjar íþróttasvæði í Laug-
ardalnum. Fyrst skyldi reistur þar
aðal íþróttaleikvangur landsins.
Næst skyldi komið þar upp al-
menningabaðstað með stórri úti-
sundlaug, keppnislaug fyrir í-
þróttafólk og baðlaug fyrir börn.
Loks yrði þar komið upp útivistar-
svæði fyrir borgarbúa. Þegar eru
hafnar framkvæmdir við laugar-
byggingarnar.
íþróttaleikvangurinn er mikið
mannvirki og það eru mörg hand-
tökin, sem þar hefir þurft að vinna.
Framkvæmdir við vallargerðina
hófust 1949. Var þá byrjað að ryðja
til miklum jarðvegi og jafna vallar-
stæðið, Voru alls fluttir til um 30
þús. teningsmetrar af jarðvegi.
Ræsa þurfti landið vel fram og voru
samtals lagðir 5000 m af lokaræs-
um. Síðan var ekið 30 cm lagi af
rauðamöl á allt vallarstæðið og þar
ofan á var sett 40 cm moldarlag
og sérstöku grasfræi sáð í. Svörð-
urinn hefir síðan verið valtaður og
jafnaður að staðaldri.
Knattspyrnuvöllurinn er 70X105
m að stærð, en utan um hann er
hlaupabraut, sem er 400 m að lengd
og svo breið að sex hlauparar geta
hlaupið þar samtímis, þegar braut-
arskipting er viðhöfð. Meðfram
hlaupabraut. Aðstaða í búnings-
stakri gryfju fyrir stangarstökk,
tveimur fyrir hástökk og fjórum
fyrir langstökk og þrístökk. Þá er
og annarsstaðar aðstaða fyrir köst.
Þetta þýðir að öll frjálsíþróttamót
eiga að geta gengið mjög greiðlega.
Áhorfendasvæðið rúmar auð-
veldlega 12 þús. áhorfendur, sem
geta fylzt mjög vel me því sem
gerist á vellinum. í stúku eru sæti
fyrir 1700, en stæði fyrir 10.500. í
stúkubyggingunni er komið fyrir
búningsherbergjum, skrifstofum
fyrir starfsmenn, geymslum og
hlaupabraut. Aðstaða er í búnings-
herbergjum og böðum er lyrir 200
manns. Þá verður og 80 m löng
hlaupabraut í stúkubýggingunni
ætluð frjálsíþróttamönnum að vetr-
arlagi, og einnig verður þar stökk-
gryfja.
Kostnaður við þessa byggingu
hefir skiljanlega orðið mjög mikill,
var um síðustu áramót 16,5 mill-
jónir króna. Hefur Reykjavíkurbær
lagt það fé fram að langmestu leyti.
Sérstök nefnd, Laugardalsnefnd,
var skipuð 1943 til þess að standa
fyrir verkinu. Fyrsti formaður
hennar var Gunnar Þorsteinsson,
hrl., en Jóhann Hafstein, alþm.,
hefur verið formaður hennar síð-
an 1946. Gísli Halldórsson, arki-
tekt, teiknaði völlinn og hefir haft
umsjón með framkvæmdum þar.
Þegar völlurinn var vígður 17. júní
veitti Gunnar Thoroddsen, borgar-
stjóri, honum viðtöku fyrir hönd
Reykvíkinga, en meðal þeirra, sem
ávarp og árnaðaróskir fluttu var
Ásgeir Ásgeirsson, forseti íslands.
*