Fálkinn - 06.04.1964, Blaðsíða 31

Fyrirgefning
Framhald af bls. 10.
stelpa, sem eitthvað aðmaði að.
Henni fannst það gott, og hún
fann með sjálfri sér, að það
var reyndar ekki alvarlegra en
þetta, sem að henni gekk, hana
vantaði dálitla ástúð, ögn af
þolinmæði og skilningi.
Úr þessu varð svo smávegis
vinátta, og ósköp lítið meirá
þegar fram í sótti. Þetta var
þó ekkert alvarlegt eða djúp-
sætt, sem betur fór, og dó
fljótlega út hjá báðum. Þau
voru ólík, hann var allur í
skáldskap, og reyndar líka
brennivíni, hún komst fljótlega
að því að hann bragðaði vin
næstum daglega, þó lítið bæri
á því. Hún varð ánægð þegar
ævintýrinu var að fullu lokið,
óþægindalaust. Það fylgdu því
áhyggjur að standa í þessu, og
henni fannst sér það tæplega
samboðið heldur. Var líka alin
upp á siðavöndu fyrirmyndar
heimili og hafði aldrei beðið
þess bætur.
Að ævintýrinu loknu tók
hún sér sitthvað fyrir hendur,
því hún hafði mikinn tíma
afgangs frá heimilinu, þar
sem þau voru barnlaus, hjón-
in. Kvenfélagið, bazarnefndir,
bridgeklúbbar, það var hægt
að finna sér næg afþreyingar-
efni.
Svo hafði hún ekkert hugsað
um þetta í langan tíma, þangað
til núna, að hann var farinn.
Ef hann væri nú búinn að frétta
um þetta allt. Einhver hefði
minnzt á það við hann. Kjána-
legt að vera að hugsa um þetta
núna. En hún gat ekki ýtt því
frá sér, hvernig sem hún
reyndi. Og hér dugði engin vin-
kona, ekki tónleikar, félagslíf,
ekkert.
Konan hættir upprifjun
sinni, stendur upp og reynir
að finna sér verkefni, iðjuleys-
ið eykur alla vanlíðan. í því
bili er dyrabjöllunni hringt.
Katrín vinkona hennar stendur
á tröppunum, og þær heilsast
hjartanlega.
Konan hitar kaffi, þær sitja
og rabba, hvolfa bollum og spá
í gromsið, upp á grín. Þarna
er maður í bollanum, stór og
myndarlegur, einnig lukkustöð
og óvæntar fréttir.
— Drekktu þennan spádóm
ofan í þig, það skaðar ekki
— segir Kristin og brosir glett-
in.
Þær tala um marga hluti,
bæði andlega og veraldlega, og
síðast dettur Katrínu hug að
hafa smá kaffiboð í kvöld, hún
verðúr ein heima, þvi maður-
inn hennar ætlar á fund. Þær
gætu farið í andaglas að gamni.
— Það er bara verst að það
kemur aldrei nokkur andi að
finna mig, — segir konan, og
hlær við.
Hún var óvenju óþreyjufull
það sem eftir var dagsins, beið
kvöldsins með eftirvæntingu,
hvers vegna vissi hún ekki,
henni fannst ekki mjög gaman
að þessu andaglasaflangsi, og
fékk aldrei boð hinum megin
frá, var bara með í þessu af
félagslyndi, og til þess að
drepa tímann.
Þær mættu heima hjá Kat-
rínu stundvísiega klukkan niu.
Fyrst var drukkið kaffi, síðan
hófust þær handa.
Stórt hvitt pappírsblað var
breitt á borðið, þar á var allt
stafrófið skrifað, og auk þess
já og nei, til hægðarauka.
Katrín hvolfdi krystallsglasi
á borðið, og gerði svo kross-
mark yfir allt saman. Konurn-
ar lögðu vísifingur hægri hand-
ar á glasið, alvarlegar.
Lengi vel gerðist ekkert. Þær
töluðu saman í lágum hljóðum,
og reyndu að venja handlegg-
inn við þessa óþægilegu stell-
ingu.
Það virtist ætla að ganga
seint að ná sambandi. — Þetta
er svo afskaplega misjafnt,
stundum koma þeir strax, en
oft þarf maður að bíða lengi.
Allt að því heilan klukkutíma,
sagði Katrín, og mæiti af
reynslu.
Konan var í undarlegu skapi,
spennt, með roða í kinnum, en
lét á engu bera og tók lítinn
þátt í samræðum hinna.
Þær voru orðnar dauðþreytt-
ar i handleggjunum, loksins
þegar glasið fór að hreyfast.
Það tók stórar sveiflur fram
og aftur eftir hvítum pappírn-
um, en nam ekki staðar við
neina ákveðna stafi.
— Þeir eru oft góða stund
að átta sig, sagði ein konan,
þolinmóð.
— Við gætum reynt að
spyrja einhvers, sagði önnur.
— það hjálpar oft til.
— Hver ertu? spurðu þær.
Glasið tók enga afstöðu.
— Við hverja okkar viltu
tala? spurði Katrín. Glasið tók
þrjár sveiílur og sl ðnæv- ’-'st
svo á Já.
—- Þú viit taia við okXui
aliar? Eins og örskot renndi
glasið sér á Nei.
— Það er eitthvað, sem i, ufl-
ar, kannski þessi gerfitungl og
þotur, sem þeir eru alltaf að
senda út í himingeiminn, hvað
veit maður, það getur haft sín
áhrif, sagði einhver, skaplega.
Hinar kinkuðu kolli.
— Það gæti líka verið ein-
hver, sem er nýdáinn, sagði
Katrín.
Konan kipptist við. Kannski
einhver ... hún lauk ekki við
setninguna, því hún tók eftir
því að hinar litu allar á hana.
Nú var glasið grafkyrrt,
Þetta ætiaði að verða til ein-
skis.
Allt í einu fór það aftur af
stað, og nú hægt og markvisst.'
— ÉG — VEIT — ÉG —
SKIL — ÉG — FYRIRGEF —
stafaði glasið, viðstöðulaust.
Síðan ekkert meira.
— Hver ertu? Engin hreyf-
ing kom á glasið.
— Við hverja okkar ertu að
tala? Glasið hreyfðist ekki.
Konurnar biðu góða stund enn,
þreyttar og dofnar í handleggj-
unum, en það var árangurs-
laust. Loks gáfust þær upp.
Þær settust aftur við kaffiborð-
ið, þurfandi fyrir hressingu.
— Það hefur aldrei gengið
svona stirðlega, sagði Katrín,
hálf afsakandi. Við þessu var
ekkert að segja. betri árangur
næðist næst, því sannarlega
höfðu þær oft fengið dásamleg
Framh. á bls. 36.
Kæri Astró.
Ég er fædd á .... klukkan
2.00 e. h. Geturðu sagt mér
eitthvað um framtíðina mér til
handa. Ég er gift, hann er
fæddur .... að morgni til held
ég. Hjónabandið hefur staðið í
sex ár, og gengið vel hingað
til, hvað sem verður. Við eigum
þrjú börn. Heldurðu að við
eignumst fleiri og svo að síð-
ustu. Heldurðu að rætist nokk-
urntíma úr fjárhagsvandamál-
um okkar, þau eru sem sagt
fremur bágborin á köflum?
Gjörðu svo vel að sleppa
fæðingarstað, degi, mánuði og
ári.
Virðingarfyllst og með fyrir-
íram þökk.
Móðir.
Svar til Móður.
Júpiter verður í áttunda húsi
frá aprí] 1964 til apríl 1965.
Svaða hans í þessu húsi bendir
til þess að sameiginleg fjármái
ykkar hjónanna muni blómstra
á þessu timabili og þið eigið
mun auðveldara með að afla
ykkur tekna heldur en að
vanda hefur látið til þessa.
þetta tímabil er mjög hentugt
að nota til að festa kaup á fast-
eignum og yfirleitt að bæta við
eignir sínar upp á það að þær
endist vel. Það er samt rík
nauðsyn á að hafa náið sam-
band um þetta efni við maka
sinn.
Júpiter í öðru húsi bendir til
þess að fjármálin muni fara
batnandi þegar stundir líða
fram. Þér mundi ganga vel í
verzlun og viðskiptum þar sem
teknar væru áhættur.
Eiginmaður þinn er fæddur
undir sama stjörnumerki og þú
það er að segja merki Tvíbur-
anna. Þið hafið því líkar grund-
vailarskoðanir til hlutanna og
þurfið talsverða tilbreytingú
öðru hverju til þess að þið séuð
ánægð. Ykkur er mjög ráðlagt
að kynna ykkur menn og mál-
efni með því að lesa og kynna
ykkur bókmenntir því þeir,
sem undir ykkar merki eru
fæddir eiga auðveldara með að
skiija hlutina heldur en þeir,
sem undir öðrum merkjum eru
fæddir og eru því gáfaðir að
því leyti til. Hins vegar er þetta
merki ekki frjósamt merki, því
þeir sem hafa vitundina í hug-
arheiminum hafa ekki ríkt til-
finningalíf og eru þar af leið-
andi ekki frjósamir. Það er þvi
með ólíkindum að ykkur verði
barna auðið. Skynsemin og
fyrirhyggjan hefur of sterk ítök
í ykkur til þess að þið ofur-
seljið ykkur kynnautninni.
Afstöður Sólarinnar í stjörnu-
sjá þinni árið 1966 og 1967
eru mjög hagstæðar upp á fjár-
máiin og heiður þinn yfirleitt.
Þessi ár gætu ef til vill falið í
sér ferðalag til útlanda eða í
öllu falli í fjarlægt landshorn,
og yrði það þér til mikillar
ánægju. Næstu ár eru því hag-
stæð í þessu tilliti.
Árið 1975 verður nokkuð sér-
stætt og árin þar um því tals-
verðar breytingar munu þá
eiga sér stað hjá þér varðandi
álit þitt og heiður út á við.
Árið 1979 verður mjög hag-
stætt efnalega og þú munt vaxa
mjög að áliti meðal kunningja
þinna og vina. Þú ættir að taka
sem mest þátt i félagslífinu
undir þessum afstöðum og afla
þér nýrra vina og kunningja.
Undir þessum áhrifum þá er
mjög hagstætt að leita sér að-
stoðar þér eldra fólks og þeirra
sem kynnu að vera í valdastöð-
um.
FALK.I NN
31