Eintak - 01.05.1970, Blaðsíða 5

FRJÁLS GRAFlK
Kennd er meðferð og notkun á helztu grafík-aðferðum, svo sem
dúk- og tréristu, steinþrykki, máimristu, málmætu, litþrykki og
sáldþrykki. Auk þess er lögð mikil áherzla á teikningu.
FRJÁLS MÓTLIST
Mótað er eftir fyrirmyndum f leir, tré og stein og unnið í margs
konar efni eftir huglægum verkefnum. Kenndar eru afsteypu-
aðferðir og leirbrennsla. Einnig er lögð mikil áherzla á teikningu.
KENNARADEILDIR
TEIKNIKENNARADEILD
Auk náms í frjálsri myndlist, mótlist og grafík, er lögð stund á
kennslufræði, letrun og töfluteiknun. Kennsluæfingar I æfingaskóla
Myndlista- og handíðaskólans og í skólum utan hans eru fastur
liður í þessari deild.
VEFNAÐARKENNARADEILD
Auk almenns vefnaðar er kennd vefnaðarfræði, mynzturteiknun,
spuni, kembing, litun, efnisfræði, hibýlafræði og kennslufræði.
Auk þess fara fram kennsluæfingar.
LISTIÐNADEILDIR
HAGNÝT GRAFÍK (AUGLÝSINGATEIKNUN)
Kennd er leturgerð hvers konar, teiknun merkja, auglýsinga,
veggspjalda og mótun hagnýtra hluta og umbúða. Einnig bóka-
skreyting hvers konar og bókagerð, myndskipan, hlutateiknun,
fjarvíddarteiknun, skipulag sýninga og Ijósmyndun. Kynntar eru
prentaðferðir, bókband, prentmyndagerð. Gerð er ýmis konar
könnun á sölustarfsemi og sölutækni.
MYNDVEFNAÐARDEILD
Kennd er myndbygging, þar sem sérstaklega er tekið tillit til
efnisins og meðferðar þess. Lögð er mikil áherzla á teikningu,
lit-og formfræði og frjálsa myndsköpun. Mynzturteikning er
kennd og teiknun tillagna fyrir vefnað, svo og litun og efnisfræði.
LEIRKERASMÍÐ
Kynnt er í upphafi efnisgerð leirsins og eiginleikar. Kenndar eru
mismunandi mótunarðferðir og að vinna eftir einföldum teikn-
ingum og nákvæmum vinnuteikningum. Unnið er að leirskreytingu
og mynzturgerð, auk þess er kennd lit- og formfræði og model-
teiknun, meðferð rennibekks og glerjunga. Kennd er efnafræði
og keramíkfræði.