Eintak - 01.05.1970, Blaðsíða 6

BÓKNÁM
LISTSAGA
Listsaga er kennd með fyrirlestrum og sérverkefnum í öllum
deildum skólans.
FORSKÓLI I
Námið hefst með skýringum grundvallarhugtaka í listum, en
síðan er farið yfir listsöguna frá eldri steinöld og til miðalda,
egypzka, kríteyska, gríska, rómverska og frumkristna list.
FORSKÓLI II
Haldið er áfram þar sem frá var horfið í Forskóla I og farið yfir
listsögu rómanska, gotneska, endurreisnar, barokk og rókokó-
tímans. Leitazt er við að hafa jafnan hliðsjón af þjóðfélagsháttum
hvers tíma og listmenningu á öðrum sviðum.
FRAMHALDSDEILDIR
í framhaldsdeildum, á 3. og 4. ári, er farið yfir list 19. aldar og
allt til okkar daga. Hinar ýmsu stefnur eru kynntar í Ijósi sögulegra
orsaka og tengdar öðrum menningarfyrirbærum sama tímabils.
Nemendur á 4. ári vinna sérstök æfingarverkefni, sem þeir flytja
í fyrirlestraformi með skuggamyndum. Listsögunáminu lýkur
með prófi.
VEFNAÐARKENNARADEILD OG DEILD MYNDVEFNAÐAR
í þeim deildum er farið yfir hannyrða- og vefnaðarsögu með
tilliti til almennrar myndlistar. Lokapróf byggist bæði á þekkingar-
könnun og sérstökum rannsóknarverkefnum, sem nemendur
leysa af hendi.
LISTIÐNADEILDIR:
Nemendur listiðnadeilda fylgja kennslu í almennri listsögu,
en vinna jafnframt að verkefnum sem lúta að sérgrein þeirra.
ÍSLENZKA
Islenzka er kennd í öllum deildum skólans og árgöngum, nema
í Forskóla I. Lesnar eru bókmenntir, eldri og yngri, hafðar æfingar
í stafsetningu og framsetningu ritaðs máls, oft í sambandi við
listsöguna. Lesið er valið efni, t. d. biblíulegt eða úr fornsögum,
er hefur að geyma sígild myndræn minni. Námi í íslenzku
lýkur með prófi.
ENSKA
Enska er kennd í öllum deildum skólans og árgöngum nema
Forskóla I.