Nýtt kirkjublað - 20.08.1907, Blaðsíða 5

NÝTT KIRKJUBLAÐ.
173
tilfært þetta, ekki afþví mér detti í hug, að vér getum algjörlega
breytt eftir þeim í þessu, heldur til þess ab menn geti fengið
litla hugmynd um, hvað siðuð lönd gera fyrir málleysingjana,
og til þess að menn við að líta i þann spegil geti sannfærst
um, að eins og nú er farið með íslenzka málleysingjaskólann
getur henn ekki náð tilgangi sínum og að hann, allra hluta
vegna, ekki getur haldið áfram tilveru sinni með sama fyrir-
komulagi og hingað til. Það dugir ekki að ætlast til þess
að íslenzkir málleysingjar geti lært móðurmálið, svo að þeir
geti skilið aðra og gert sig skiljanlega, á miklu skemri tíma
en dönskum börnum er ætlaður til að læra sitt móðurmál, sem
þó er margfalt auðveldara viðfangs en íslenzkan Það er
erfitt, eða réttara sagt ómögulegt, að venja unglingana á
reglu og hirðusemi á heimili þar sem þrengslin eru svo mikil,
að hver verður svo að segja að sitja uppi í fanginu á öðrum,
en svo lilýtur það að vera þar sem 12 unglingum er komið
fyrir á heimili prívatmanns, þar sem maður, auk sinnar eigin
fjölskyldu og vinnufólks, verður að hafa aukinn vinnukraft
skólans vegna og sjá kenslukonum fyrir húsnæði. Það ætli
hvert barnið að geta séð, að enginn prívatmaður getur hygt
svo stórt hús, að það til líka fullnægi þeim kröfum, sem
maður hlýtur að gera til sh'ks húss, sem ekki er skólahús
eingöngu, heldur lika heimili fyrir málleysingjana. Og þótt
mér virðist séra Olafur sál Helgason hafa leyst þetta vanda-
verk af hendi öllum vonum framar, þá er þó sá núverandi
málleysingjaskóli hvergi nærri eins og hann þvrfti að vera,
hvað lágar sem kröfurnar svo væru, en sá sem á ámæli
skilið fyrir þetta, er hvorki hann né annar einstakur maður,
heldui' fjárveitingarvaldið, sem ekki hefir látið neitt af hendi
rakna í þessum tilgangi.
Eigi málleysingjaskólinn íslenzki að geta unnið verk sitt,
þá verður fjárveitingarvaldið að gera honum það mögulegt.
Segi það þvert nei, þá er ekkert að gera; skólinn getur þá
ekki þrifist og væri þá réttast að leggja hann niður með öllu
og koma nemendunum fyrir á einstöku heimili, lil þess að
læra algenga vinnu, eða þá að koma þeim til Danmerkur,
ef mönnum virðist fara vel á því, þrátt fyrir alt sjá'lfstæðis-
tal, að gerast ölmusumenn Dana En ég vona, að slíkt komi
ekki til; ég fyrir mitt leyti ber það traust til þings og þjóðai',