Nýtt kirkjublað - 15.11.1908, Blaðsíða 3
_ NÝTT KIRK.JTJBLAÐ
Kristnin er stríðandi í heiminum hér.
Hver mun þá frið henni gefa?
Drottinn mun sorg hennar sefa.
Friðarins höfðingi hæstur hann er;
hver vill þá miskunn hans efa?
Hversu fögur sjón,
er hann sendir þjón,
til að boða frið,
til að blessa lið.
Guð styrki' hann í stríðum þrautum,
og styðji’ hann á friðar brautum.
Hræðstu’ ei þó kristnin í háska sé stödd!
Hver mun þá bjarga’ henni’ úr voða?
Frelsarinn fólk sitt mun stoða.
Hlustaðu’ á frelsarans friðandi rödd
fagnaðarerindið boða.
Enn í sinn stað hann
sendir hjálparmann.
En hans hirðir sá
þarf og hjálp að fá.
Guð veiti’ honum styrk að standa
í stórurn og þungum vanda.
Villist í þokum guðs heilaga hjörð.
Hver mun þá leið henni visa?
Heimsins mun ljós henni lýsa.
Ilirðinn þann góða, sem heldur æ vörð,
hjörðin guðs fundna mun prísa.
Sérhvern hirði þann,
sinni hjörð er ann,
metur drottins hjörð
sem sinn hirði’ og vörð.
Guð styrki’ hann sin verk að vanda,
og veiti’ honum náð síns anda.
Hjörðin er tvístruð um heiðar og fjöll.
Hver mun þá sauðina finna?
Hirðirinn sauðanna sinna.