Vikan - 17.06.1976, Blaðsíða 4

krapprót. Svo er það kochenille sem er
„fornem" aðflutt lús frá Mexico, sem gefur
vínrauðan lit.
— Nú er líka tími> til að safna jurtum til
litunar. Þær þarf helst að tína í vorgróandanum
og framan af sumri í þurru veðri. Þurrka þær
síðan í grisjupokum, þar sem loftræsting er ör,
því þá þorna plönturnar og skrælna, án þess að
þær tapi lit sínum. Séu þær hins vegar
þurrkaðar í sól, fölna þær.
— Ég veit, að þú hefur átt ekki ófrægari
læriföðuren Guðmund Thorsteinsson (Mugg).
Viltu segja mér eitthvað frá honum?
— Það var hjá honum, sem ég fyrst lærði að
fara með oliuliti, í skóla sem hann rak í Hellu-
sundinu. Hann var dásamlegur maður og
skemmtileg blanda af barni og heimsmanni.
Hann átti ákaflega erfitt með að gagnrýna verk
okkar nemendanna, vildi reyna að komast hjá
því að særa okkur. Þetta var síðasti veturinn,
sem hann kenndi og mér fannst þessi vetur
hafa verið mér til mikillar uppörvunar og
kynnin við hann ógleymanleg.
— Vigdís, hvernig myndir þú sjálf skilgreina
þinn stíl?
— Ég hef kosið að kalla þetta ævintýrastíl,
myndirnar sem ég síðast vinn úr kona fram í
huga mér og það sem meira er, ég sé þær fyrir
mér eins greinilega og að ég væri að horfa á
kvikmynd. Stundum hefur þetta orðið svo
mikil árátta að ég hef þurft að fara upp á
nóttunni til að teikna. Ég man, að ég var einu
sinni í mesta grandaleysi að ganga upp
Hverfisgötuna og þá birtist mér mikil og skýr
mynd af ,,Stóð ég úti í tunglsljósi". Ég flýtti
mér heim til að koma sýninni á blað, en þá var
myndin auðvitað tekin að óskýrast. Áður fyrr
fór ég ekki svo út úr bænum að ég hefði ekki
teikniblokkina við hendina, nokkrar stjörnur á
lambagrasi eða titrandi fuglsvængur nægðu til
að koma hugmyndafluginu af stað.
Þetta myndofna teppi heitir Mosaik og er í eigu
Listasafns is/ands.
Stærsti vefstóll landsins stendur í vinnustofu
Vigdísar uppi á efsta lofti í Barnaskóla Austur-
bæjar. I honum óf Vigdís þau sögulegu teppi er
nú hanga í fundarsal borgarstjórnar og
væntanlega munu prýða ráðhús borgarinnar er
það rís.
Þegar við heimsóttum Vigdísi á vinnustof-
una hittum við fyrir Eyjólf Eyfells listmálara þar
sem hann var að þvo penslana sína frammi á
gangi, en hann er næsti nágranni Vigdísar
þarna á loftinu.
Söguteppin óf Vigdís úr íslenskri ull og voru
litirnir sem Álafossverksmiðjan gaf um 30. Ekki
þótti Vigdísi það nóg. Hún rakti sundur sumar
^uni" er frum/egur myndvefnaður, gerður af
Vigdísi fyrir nokkrum árum.
hespurnar og tvinnaði saman einstaka þræði
með öðrum lit og fékk hún með þessu móti
fram um 160 litbrigði að meðtöldum sauðalit-
um og jurtalitum.
— Myndvefnaður auðkennist frá gobelin-
vefnaði á því, að hann er eins á réttunni sem á
röngunni og er frágangur hans geysileg
nákvæmnisvinna. En hver er þá munurinn á
íslenska glitvefnaðinum annars vegar og
myndvefnaði hins vegar?
— Íslenski glitvefnaðurinn er frábrugðinn
glitvefnaði hinna norðurlandanna, þar sem
hann er ofinn frá réttunni og snýr hún upp
meðan hann er í vefnum. Glitvefnaður hinna
norðurlandanna er kannski eitthvað áferðar-
fallegri, en mér finnst sá íslenski skemmtilegri,
því þar koma fram ójöfnur í vefnaðinum, þar
sem litirnir eru tengdir saman og fyrir bragðið
verður hann meira lifandi. Glitvefnaðurinn er
talinn út eins og mynstur í sporum, en í
myndvefnaði er mynstrið fyrst teiknað upp. Á
Íslandi er ekki vitað um myndvefnað fyrr en á
síðustu áratugum, en fyrir þrákelkni fáeinna
kvenna í Noregi, sem lesið höfðu í gömlum
heimildum, að á kirkjusetrinu Baldishol í
mið-Noregi ætti að vera til mikið og myndofið
teppi, fannst árið 1876 slitrur af þessum
dýrgrip, sem talinn er vera frá 12. öld, en
myndvefnaður er talin vera ævaforn listgrein
og hafa myndtjöld verið notuð aftur í gráa
forneskju til að skeyta hýbýii manna.
Baldisholteppið mun upprunalega hafa verið
lýsing í myndmáli á mánuðum ársins, eins-
konar mánaðatal, en það eru aðeins tveir
mánuðir sem varðveist hafa. Hafði verið rifið af
stranga þessum og stykkin meðal annars verið
notuð til gólfþvotta. Á þessum myndvefnaði
hefur 20. aldar myndvefnaðurinn svo verið
byggður. Teppið er varðveitt á listiðnaðarsafn-
inu í Osló og hafa norðmenn gert af því
nákvæma eftirlíkingu sem lánuð er á sýningar
úti um heim.
Prófessorinn minn í Osló hélt því fram, að
Þetta teppikallar Vigdis,, Vorkomu" og er það
góður fulltrúi ævintýrastíls hennar í mynd-
vefnaðinum.
4 VIKAN 25. TBL.