Vikan - 27.04.1978, Blaðsíða 12

Boston er hafnarborg, sem liggur vel við
fiskimiðum, sem hafa verið fengsæl öldum
saman. Þess vegna er hún á matreiðslu-
sviðinu frægust fyrir veitingahús, sem
bjóða upp á kræklinga og annan skelfisk,
humar og ýmsa krabba, þorsk, ýsu og
lúðu.
En Boston hefur einnig að öðru leyti veit-
ingahús, sem standast samjöfnuð við
hliðstæðar stofnanir í hvaða heimsborg,
sem vera skal, nema auðvitað París.
Bostonungar hafa ekki síður vit á mat en
New Yorkarar, enda eiga þeir kost á
hliðstæðri fjölbreytni.
í Boston er mýgrútur franskra
veitingahúsa, amerískra steikar-
húsa, ítalskra og kínverskra mat-
sölustofa. Þar er lika töluvert af
matstöðum Gyðinga, íbúa Mið-
Austurlanda, Mexikana, Spán-
verja og Indverja, auk færri
staða af margvíslegu öðru tagi.
í næsta tölublaði Vikunnar
verður rætt um sjávarrétti í
Boston. Hér í fyrri greininni frá
Boston verður lítillega fjallað
um matstofur, sem bjóða upp á
aðra rétti. Þessar greinar frá
Boston eru eins konar millispil
milli greinaflokks frá London,
sem þegar hefur verið birtur, og
væntanlegs greinaflokks frá
Kaupmannahöfn.
í Boston er yfirleitt ráðlegt að
hringja og panta borð, einkum
ef um kvöldverð er að ræða.
Sum hinna betri húsa eru andvíg
bindislausum gestum og galla-
buxum. Á alla reikninga leggst
8% staðarskattur og 15%
þjónustugjald.
Flestir þeir, sem um matarhús
rita, eru sammála um, að besta
veitingastofan í Boston sé Cafe
Budapest í kjallara Copley
Square Hotel. Sérinngangur er í
þessa stofu, og er gengið inn frá
Exeter Street.
Ég hafði ekki mátt vera að því
að fá mér hádegismat vegna erils
og mætti því klukkan tæplega
þrjú á Budapest í þeim tilgangi
að sameina þar hádegis- og
kvöldmat. Vegna tímans hafði
ég um skeið heiðurinn af því að
vera eini gesturinn i húsinu.
Fyrst gekk ég niður í antik-
skreytta forstofu, þar sem veit-
ingamaðurinn, frú Edith Ban
tekur á móti gestum og vísar
mönnum inn í einhverja af
hinum þremur borðstofum,
bleika salinn eða bláa salinn eða
viðarklæddan aðalsalinn.
Þangað var mér vísað til sætis í
leðurstól innan um steinda
glugga og rauða vatnsbikara.
Þarna fékk ég mér fyrst kælda
kirsuberjasúpu með Bordeaux-
víni og þeyttum rjóma út á.
Þetta var aldeilis óvenjuleg og
frábær súpa.
Á vínlistanum voru eingöngu
ungversk vín. Þar þekkti ég Egri
Bikaver, sem fæst í ríkinu hjá
Jóni.og Debrö Hárslevelti, sem
lýst var í greininni um Gay
Hussar í Lundúnapistlum
mínum. Öll voru þessi vín og
önnur á $8-9, er mér þótti
nokkuð mikið í samanburði við
verðlag Jóns, sem þykir þó í
hrikalegasta lagi.
Þjónninn mælti með Szek-
zárdi Vörös, árgangi 1975, sem
er rautt vín úr Vörös vínberjum
frá vínræktarsvæði bæjarins
Szekzárdi í nágrenni Dónár
syðst í Ungverjalandi. Ekki þótti
mér það neitt betra en Egri
Bikaver, nema síður væri.
Betur tókst þjóninum upp,
þegar hann mælti með
Stroganoff, sem eru smjör-
steiktar nautalundasneiðar,
bornar fram i rjómasósu og með
hrísgrjónum til hliðar. Þetta var
að minnsta kosti fyrsta flokks.
Á eftir fór ég enn að ráði
þjónsins og fékk mér Apfel-
strudel, sem er flögudeig, fyllt
eplum, rúsínum, sykri, sítrónu-
safa og fleiru og síðan rúllað upp
og bakað. Þetta er heimskunnur
eftirréttur úr Austurrisk-Ung-
verska keisaradæminu, en
reyndist ekkert sérlega eftir-
minnilegur.
Á ungverskum veitingastað er
það siðferðileg skylda gesta að fá
sér glas af Tokaji Aszú með
eftirréttinum. Ég hlýddi því og
fékk Aszú 3. Um þessi vin var
nokkuð fjallað í greininni frá
Gay Hussar, og vísa ég til þess.
Þessi veisla kostaði nokkuð
mikið, enda er Cafe Budapest
með dýrari matsölustöðum í
Boston. Ég varð $30 fátækari
þar, eða 7.500 krónum á því
gengi, sem gildir, þegar þetta er
ritað. En þetta var líka betri
matur en fæst á bestu stöðum
heima fyrir hærra verð.
Cafe Budapest er við 90
Exeter Street, og síminn er 734-
3388.
Nú mega menn ekki halda, að
það kosti jafnaðarlega 7.500
krónur að fara út að borða á
góðu veitingahúsi i Boston. Það
er bara til spari, að menn borga
$30 á Cafe Budapest. Þessu til
sönnunar verður hér lauslega
getið sex veitingahúsa, sem eru
mun ódýrari, en þykja samt
mjög góð.
Reikna má með $15
útgjöldum á mann fyrir þrírétt-
aðan mat á fyrstu tveimur veit-
ingastofunum, „Top of the