Vikan - 15.05.1986, Blaðsíða 8
Ekkert fararsnií á drottningu
u
Elísabet Englandsdrottning varð nýverið
sextug. Þótt hún sé enn langt frá eftirlauna-
aldri hafa þær raddir heyrst að réttast væri að
hún segði af sér embætti og léti völdin í hendur
syni sínum. Þeir sem helst halda þessu á lofti
eru ákafir aðdáendur Díönu prinsessu. Þeir
benda á að drottningin sé ekki líkt því eins sæt
og smart og sjarmerandi og tengdadóttirin.
Onnur gagnrýni, sem ef til vill vegur þyngra,
er að drottningin sé of fjarlæg þegnum sínum
og taki ekki nægan þátt í gleði þeirra og sorg-
um. Nefnt er sem dæmi að þegar stórslys hafa
orðið í Bretlandi, eins og bruninn á fótholta-
vellinum í Bradford í fyrra, fóru Karl, Díana
og Margaret Thatcher á staðinn en drottningin
var víðsfjarri eins og alltaf áður við svipaðar
kringumstæður. Aðdáendum Díönu finnst hún
vera í alla staði til fyrirmyndar, hvað varðar
tengsl við þegnana, og uppfylla þær kröfur sem
gera verði til þjóðhöfðingja nútímans. Blöðin,
og ekki sist sjónvarpið, segja þeir að hafi fært
kóngafólkið nær almenningi og því sé ekki
lengur viðeigandi að ríghalda þeirri óraíjar-
lægð sem Elísabet drottning hefur ávallt viljað
halda sér í.
En Elísabet er alls ekki á þeim buxunum að
segja af sér og fara á eftirlaun. Hún er stál-
hraust og segir að enn séu 34 ár þar til hún
verði jafngömul og Viktoría drottning þegar
hún dó, en hún bar kórónuna til dauðadags.
Það getur því allt eins farið svo að Karl prins
verði rúmlega sjötugur og Díana um sextugt
þegar þau taka við völdum.
Um þessar mundir stendur yfir mikil herferð
hér á landi fyrir vímulausri æsku. Margir for-
eldrar hafa mátt horfa á eftir börnum sínum í
járnklær eiturlyfjanna. Ungmenni úr öllum
stéttum þjóðfélagsins hafa leiðst út á refilstigu
eiturlyfjaneyslunnar. Meðal þeirra sem misst
hafa börn sín á þennan hátt eru leikararnir
Paul Newman og Joann Woodward. Sonur
þeirra, Scott, var aðeins 28 ára þegar hann lést
einn og yfirgefinn á hótelherbergi í Hollywood.
Foreldrar hans komu skömmu síðar á laggirnar
minningarsjóði um son sinn til styrktar eitur-
lyfjasjúklingum í endurhæfingu. Leikarinn
David Kossoff missti son sinn, popptónlistar-
manninn Paul, árið 1976. Síðan hefur hann
helgað sig baráttunni gegn eiturlyfjunum og
meðal annars ferðast milli skóla í Bretlandi
með leikþætti um efnið. Sonur Peters Shore,
fyrrum ráðherra í bresku stjórinni, lést af völd-
um heróínneyslu aðeins tvítugur að aldri árið
1977. Sonur leikarans Gordons Jackson var
tekinn fastur fyrir heróínneyslu árið 1984, en
tókst síðan með góðri hjálp að venja sig af eitr-
inu. Einn auðugasti erfingi í Bretlandi,
markgreifmn af Blandford, sonur hertogans af
Marlhorough, var fyrir skömmu handtekinn.
Greifinn er heróínneytandi og var handtekinn
fyrir að hafa heróín undir höndum og fyrir að
brjótast inn í lyfjabúð.
Julie Walters, leikkonan sem fer með hlut-
verk mömmu hans Dadda í sjónvarpsþáttunum
um Adrian Mole, væri nú milljónamæringur í
Hollywood ef hún hefði kært sig um það. Eftir
að hun var útnefnd til óskarsverðlauna fyrir
leik sinn í Educating Rita streymdu til hennar
tilboðin frá Hollywood. Ef hún hefði tekið því
sem bauðst og lagt hart að sér, hefði hún nú
vel efni á húsi í Beverly Hills með sundlaug
og nýjum Porsche í innkeyrslunni. En þess í
stað býr Julie Walters i látlausu gömlu húsi í
London, á engan híl og er alsæl með það. Henni
var boðið að leika á móti Burt Reynolds fyrir
væna fjárfúlgu. Henni fannst hlutverkið
ómögulegt og hafnaði því, en segist reyndar
hafa fengið dálítinn sting í hjartað við að þurfa
að neita hjartaknúsaranum. I staðinn hefur
Julie Walters tekið að sér hlutverk í Shakespe-
are-uppfærslum hjá litlum leikfélögum í Bret-
landi og í ódýrum kvikmyndum. „Eg geri aldrei
neitt aðeins fyrir peningana," segir hún. ,, Það
er vinnan sem skiptir máli. Ég verð að geta
lifað í sátt við sjálfa mig að verki loknu. Vitan-
lega hef ég gert margt slæmt, en það hefur þó
verið í einlægni."
Nýjasta hlutverk Julie Walters er í gaman-
mynd sem kallast Car Trouble og hefur nýlega
verið frumsýnd. Söguþráðurinn virðist vera
allsvæsinn, en grínið er í reynd í algjöru fyrir-
rúmi. Myndin segir frá húsmóður sem dreymir
um að lifa Dallas eða Dynasty-lífi. Hún tekur
dag einn bíl hjónanna og fer til fundar við bíla-
sölumanninn , viðhaldið sitt. Þau leggja bílnum
og taka til við gælur og blíðuhót. Þá rennur
bílinn af stað, lendir í klessu, þau lokast inni
í flakinu og mega bíða þar eftir björgun.
Feðgarnir Scott og Paul Newman.
Roderick og Gordon Jackson.
Paul og David Kossoff.
8 VIKAN 20. TBL