Vikan - 21.08.1986, Blaðsíða 5

Við hverasvæðið í Haukadal
var í sumar opnað Hótel
Geysir en það mun í framtíð-
inni þjóna þeim Qölmörgu
ferðamönnum sem leggja leið sína
um svæðið á hverju ári. Fyrsta
áfanga af þremur er lokið en fyrir-
hugað er að þarna verði 50 her-
bergi og aðstaða til að taka á móti
350 til 400 manns í mat.
Byggingarsaga fyrsta áfangans
er athygli verð. Árið 1927 reisti
Sigurður Greipsson íþróttahús við
Geysi og starfrækti um langt skeið
vel þekktan íþróttaskóla. Hann
byggði síðan stærra íþróttahús við
hlið hins gamla árið 1945 og hafði
opna gistiaðstöðu á sumrum. 1981
brann yngra húsið þannig að að-
eins stóðu eftir steinveggir þess og
hluti af þakinu.
Laust fyrir síðustu áramót
keypti Már, sonur Sigurðar, hótel-
aðstöðu á svæðinu og um miðjan
mars hófst endurbygging yngra
hússins. Uppistaða hótelbygging-
arinnar eru útveggir gamla húss-
ins en reistar voru viðbyggingar
við báðar hliðar þess þannig að
útveggirnir gömlu eru að hluta
innan dyra. Gólf voru lækkuð og
fyrir bragðið var unnt að skipta
salnum í tvær hæðir. Byggingin
er klædd timbri að utan sem innan
og á göflum og víðar prýðir hana
útskurður.
I þessum fyrsta áfanga er veit-
ingaaðstaðan til húsa. Þar er boðið
upp á morgunmat, hádegismat og
kvöldmat alla daga og auk þess
kaffihlaðborð á laugardögum og
sunnudögum. Vínveitingar eru
með mat og bar opinn alla daga frá
klukkan 18-23.30. Hópum og félög-
um býðst að halda þarna einka-
samkvæmi og smáuppákomur en
mikið er um að hópar, sem halda
frá Reykjavík til að skoða Gullfoss
og Geysi, eigi viðkomu á Hótel
Geysi í hádegismat.
Gistiaðstaðan er til húsa í gamla
iþróttasalnum. Þar eru tíu tveggja
manna herbergi. Verð fyrir nóttina
er 1400 krónur fyrir herbergið, eða
700 krónur á einstakling. í fram-
tíðinni leysa nýbyggingar þessa
aðstöðu af hólmi en þær verða til
austurs og suðurs frá austurenda
fyrsta áfangans. Við hótelið er
sundlaug og í nágrenni þess nafn-
toguðustu náttúruundur landsins,
Gullfoss og Geysir. Áætla heima-
menn að á ári hverju eigi 60 til 80
þúsund ferðamenn leið um þessa
staði. Haukadalur er í fallegu
landbúnaðarhéraði og þaðan er
líka tiltölulega stutt til allra helstu
staða í uppsveitum sunnanlands,
svo sem í Þjórsárdal, Skálholt og
á Þingvelli. Einnig er hætilegur
akstur á skíðasvæðið í Kerlingar-
fjöllum.
Borðstofa. Gömlu
útveggirnir hvítmálaðir.