Vikan - 23.01.1941, Blaðsíða 5

VIKAN, nr. 4, 1941
5
Vér lifum á öld metanna og það er
næsta ótrúlegt á hve mörgum svið-
um menn reyna að setja met. Hvað
finnst ykkur t. d. um Rússana tvo, Mich-
alko Goniusz og Wasyl Bezborodny, sem
gáfu hvor öðrum utan undir í samfleytt
36 klukkustundir — bara að gamni sínu?
Tom Morris frá Melbourne í Ástralíu
sippaði 940 km. á 28 dögum. Það er rétt
eins og hann sé í ætt við kenguruana,
stökkdýrin, því að hann stökk að jafnaði
tvo metra í einu. Er hann hafði stokkið
472,000 sinnum, gekk hann til hvílu.
Anton Hanislan ók konu sinni og frum-
burði þeirra í barnavagni 24,000 kílómetra.
Þau voru 22 mánuði í ferðalaginu. Þegar
því var lokið, var Anton orðinn flatfættur.
Vinir John Schleuter frá Wisconsin
segja, að hann hafi drepið sig á reyking-
um. Hann reykti 25 vindla á dag. Alls
reykti hann 438,000 vindla, sem kostuðu
200,000 krónur. Hefði hann ekki reykt,
segja menn í Wisconsin, væri hann enn á
lífi. En hann dó á bezta aldri, 81 árs
gamall!
Kapphiaupið
um metin.
26 tíma á ísjaka. — Sippað 940 km.
á 28 dögum. — 11,300 eldspýtur ofan
á ölflösku. — Synt 65 metra í kafi
með logandi vindil í munninum.
Tony Galento frá Florida leikur sér að því að taka hettur af flöskum með tönnunum.
Harry Kahne lifir á því að skrifa með
krít á svarta töflu, hangandi á fótunum
með höfuðið niður og skrifar aftur á bak,
— byrjar á síðasta orðinu og endar á því
fyrsta, og þylur kvæði á meðan!
Frist Brust heldur stórum granitsteini
á höfði sér, en félagi hans, Sampson, mölv-
ar steininn með þungum hamri.
Menn geta líka orðið frægir fyrir að raða
eldspýtum hverri ofan á aðra. William
Fischler frá St. Louis raðaði á 30 klukku-
tímum 11,300 eldspýtum ofan á ölflösku.
Það væri ekki gott að lenda á milli tann-
anna á hnefaleikamanninum Tony Galento
frá Florida. Hann hefir óvenjulega sterk-
ar tennur og skemmtir áhorfendum sínum
með því að taka hettur af flöskum með
tönnunum.
Ástralíumaðurinn Arthur Anderson dró
með tönnunum þrjá bíla eftir götunum í
Melbourne. Bílarnir voru samtals um 3300
Framhald á bls. 14.
Harry Kahne skrifar aftur á bak hangandi á fótunum,
W. Fischler raðaði 11,300 eldspýtum ofan á flösku á 30 klukkustundum,