Menntamál - 01.10.1946, Page 23

MENNTAMÁL
125
þar tvímælalaust mikinn og margs konar fróðleik að finna,
er að gagni má koma.“
„En meðal annarra orða: Hvernig líkaði ykkur dvölin
í Skotlandi?"
„Það er fljótséð á öllu lífi fólks í Bretlandi, að Bretar
leggja hart að sér við endurreisnarstarfið eftir stríðið.
En það var sameiginlegt álit okkar fulltrúanna handan
um haf, að vart hefði orðið á betra kosið um allan undir-
búning mótsins og daglegan viðurgerning. Lögðu Skotar
sig mjög í líma um. að dvölin yrði okkur sem ánægjuleg-
ust. Vil ég í því sambandi nefna Robert Bruce, forstöðu-
mann British Council í Aberdeen, og ritara hans, Miss
Scott, en þau önnuðust í raun og veru um allan daglegan
rekstur mótsins, útveguðu farmiða, gististaði og þar fram
eftir götunum. Var oft til þeirra leitað, og fór enginn
bónleiður af þeirra fundi.“
„Ekki spyr ég að dugnaði og samvizkusemi Skota,
eða að gestrisni þeirra, þegar þeir vilja taka einhverj-
um vel.“
„Borgaryfirvöldin og borgarstjórinn í Aberdeen höfðu
tvívegis boð inni fyrir okkur fulltrúana, og yfirleitt mætt-
um við hinni mestu gestrisni hvarvetna. Okkur var boðið
í ferð upp í hálöndin, og þar sem margir fróðir Skotar
voru með í förinni, skorti ekki á sögulegar skýringar og
heimildir, enda er mikið um sögustaði á þessum slóðum.“
„Þið hafið þá haft mestu ánægju af förinni?“
„Já, við höfðum bæði ánægju og gagn af henni. Og það
er sannfæring mín, að þótt enginn annar árangur yrði
af þessari ráðstefnu en hin góðu kvnni, sem gleymast
ei, þá hefði betur verið farið en heima setið, því að ef
til vill eru það vinsamleg og góðgjarnleg kynni þjóða í
rnilli, sem mestu máli skipta, þegar öll kurl koma til
grafar.“