Vorið - 01.04.1933, Blaðsíða 3
VORIÐ
27
aftur, því við engan einn mann
eru Englendingar hræddari. Þeir
hvorki þora að hafa hann íausan,
og heldur ekki að halda honum í
fangelsi, og þó bera þeir virðingu
fyrir honum, eins og allir aðrir
sem nafn hans hafa heyrt. Gandhi
er nú orðinn gamall maður, 62
ára. Líf hans hefur i senn verið
fagurt og göfugt og að ýmsu leyti
einkennilegt. Hann neytir t. d.
aldrei annarar fæðu en ávaxta og
geitnamjólkur, og nú býður heim-
urinn með eftirvæntingu eftir að
sjá hvort Gandhi beygir Englend-
inga, þessa auðugu og voldugu
þjóð, eða Englendingar beygja
hann. En hvernig sem fei-, þá er
nú æfistárf hans orðið svo mikið
og göfugt, að framtíðin mun
blessa minningu hans, og enginn
maður í öllu hinu víðlenda Ind-
landi er nú meir elskaður og virt-
Ur en Gandhi.
Það er gott að eiga marga slíka
nienn.
Hvaða nafnovð eru þetta? Annað er úr
aáttúrufræðinni en hitt úr landafræð-
inni.
Drengurinn sem aldrei
var gladur.
Litli drengurinn, sem þessi
stutta saga er um hét Jón, en
skólabræður hans kölluðu hann
aldrei annað en Jónka durg, því
hann gekk venjulega illa til fara.
Jón litli var ekki illa gefinn, en
hann átti bágt. Faðir hans var
drykkjumaður, og fátæktinni og
baslinu á heimili hans verður ekki
með orðum lýst. Honum þótti
gaman að læra, en þó kveið hann
alltaf fyrir að fara í skólann á
hverjum morgni. Ilonum fannst
að öll börnin stara á sig, stara á
óhreinu og bættu fatagarmana,
sem hann var í, og þeir drengir
voru til í hópnum, sem stríddu
honum á bættu fötunum og
drykkjuskap og eymd föður hans.
Jón litli fann sárt til fátæktar
sinnar, en þó allra sárast til þess,
að drengirnir skyldu stríða hon-
um á drykkjuskap föður síns.
Sagan af Jóni litla er í raun og
veru löng og sorgleg, en það er
ekki rúm til að segja hana hér.
Hann fæddist í fátækt og eymd,
og ólst upp við fátækt og eymd.
Hann eignaðist enga vini, því
hann gat ekki sókst eftir vináttu
þeirra, sem litu niður á hann. En
af þessu vinaleysi varð hjarta
hans kalt löngu áður en æskuárin
voru liðin. Hann var eins og ein-
hver villijurt, sem vaxið hefur
upp í kulda og myrkri. Hann gat