Bjarmi - 15.11.1912, Side 8

176
B .1 A R M I
Eg sat sjálfur á einu sllku þingi í Berlín
xgo5, og hefi þaðan sumt af Ijúfustu endur-
minningum mínum frá samfundum trúaðra.
Get eg því farið nærri um, hvað áhrifa-
mikill þessi fundur hefir verið.
250 fulltrúar frá Stórabretlandi komu með
Pollock presti fráBelfast, formanni félaganna
hér í álfu. Blecher prestur í Berlín, sem stjórn-
aði fundinum 1905, kom með 80 Þjóðverja og
víðfrægan söngflokk frá Leipzig. — Annars
sóttu fundinn ýmsir kunnir kristindóms-
starfsmenn úr flestum löndum Norðurálf-
tinnar, nema tiltölulega sárfáir Danir, — þeir
voru einir tveir á fundinum í Berlín. —
C. F„ félögin hafa engri verulegri útbreiðslu
náð 1 Danmörku, sem stafa mun einkum
af því, ao K. F. U. M. og K. F. U. K. í
Danmörku eru ákveðnari og öflugri i orðs-
ins bezta skilningi, en í ýmsum öðrum
löndum.
Norðmen'n fögnuðu fundarmönnum, sem
alls urðu rúm 800, eftir beztu föngum.
Landsstjórnin veitti 2500 kr. og borgar-
stjórnin 500 k'r. til undirbúnings. Liljedahl
kenslumálaráðherra og Arctander 1. borg-
arstjóri buðu gestina velkomna. Yfirbyskup
Norðmanna, A. Chr. Bang, ætlaði að flytja
ræðu ( fundarbyrjun, en gat ekki vegna
lasleika; var ræðunni þá útbýtt á þrem
tungumálum, en Knudsen prófastur í
Drammen tók að sér hlutverk Bangs.
Hákon konungur bauð öllum fundar-
mönnum — 800 — til sín einn síðari hluta
dags, og drukku þeir kaffi, te og ýmsa
svaladrykki hjá konungshjónunum, og dáð-
ust mjög að ljúfmensku þeirra. — Er svo
mælt, að nokkrum gömlum Norðmönnum
hafi vöknað um augu af gleði, er þeir
máttu klappa á kollinn á Olaji konungs-
efni. —
Fundarstjóri var Meyer prestur í Kristjaníu,
og skýrði hann svo frá, að C. E. félögin í
Noregi væru 90 að tölu og meðlimir 2000,
og nál. 60 prestar starfandi félagsmenn,
þótt þau væru ekki nema 7 ára gömul þar
i landi.
Annars voru haldnir ýmsir ágætir fyrir-
lestrar — einn um alþjóðafrið, á esperantó
—, prédikað í öllum kyrkjum borgarinnar
i tilefni af fundarmálum, og að skilnaði
haldin bæna- og söngsamkoma — sú stund
var perla fundarins í Berlín —, sem lauk
með því, að fundarmenn lásu, hver á
móðurmáli sínu, Efes. 3,14—21 og Faðir vor.
„Dýpra og dýpra.“ Jaþó prestur í
Köln, sem áður hefir verið getið um hér í
blaðinu, hélt í vor sem leið fyrirlestur í
Kiel, þar sem hann sagði meðal annars,
að því er „Kristilegt dagblað" skýrir frá:
„Yfirburðamennirnir eða leiðtogarnir eru
hættulegir frelsi trúarbragðanna — og er
Jesús ekki nein undantekning í því efni.
Að vísu ber þeim virðing, og rétt er að
elska þá, en enginn á að vera „drottinn",
svo að aðrir menn verði þjónar hans. —
Allir yfirburðamenn hafa sjálfir náð því,
sem þeir urðu, ( frjálsri baráttu, — Jesús
eins og aðrir. — En þess vegna heimta
þeir ekki, að aðrir séu lærisveinar þeirra
að eilífu, en vilja þvert á móti ala þá
upp í frelsi og sjálfstæði."
S. A. Gís/ason.
Nýir kaupendur
að næsta árgangi Bjanna fá um leið
og þeir liorga árg. með 1,50 kr. (fyrir
1. júlí n. á.) ólceijpis sögurnar Páll og
María Jones og sömuleiðis 3. eða 4.
árg. blaðsins eflir vali. — Vonum vér,
að vinir blaðsins noti þessi vildarboð
til að útbreiða blaðið. Bjarmi er
ekki gróðafyrirtæki, en vér vildum
ná til fleiri og heitum á hjálp góðra
manna til þess. — En jafnframt er
blaðinu áríðandi að fá borgað and-
virði eldri árg. hjá þeim, sem skulda.
Utgefendurnir.
Útgefandi: Hlutafélag í Reykjavík.
Ritstjóri: Bjarni Jónsson kennari, Kárastíg 2, Reykjavík.
Afgreiðslu- og innheimtumaður: Sigurjón Jónsson, Laugavegi 63.
Afgreiðslan opin kl. 9—10 f. h. og 2—3 e. h.
Prentsmiðjan Gutenberg.