Heima er bezt - 01.03.1988, Blaðsíða 18

SÖGULEGAR LJÓSMYNDIR
Þá birtast hér tvær myndir af gömlum torfbæjum
í Reykjadal í Suður-Þingeyjarsýslu. Eldri myndin
mun tekin skömmu eftir síðustu aldamót af bænum
|ffl« .
og kirkjunni á Einarsstöðum. Sem kunnugt er hafa
Einarsstaðir jafnan verið taldir til hinna mestu jarða
sýslunnar og standa í miðri sveit eins og höfuðbóli
sæmir. Þessi mynd er tekin austan við bæinn og sér
upp í Fljótsheiði. Kirkjan var reist árið 1862 af feðg-
unum Jóni Jónssyni og Sigurjóni Jónssyni bændum
og eigendum Einarsstaða. Jón Jónsson kom þangað
árið 1822. Nú hefur jörðin því verið í eigu sömu
ættarinnar í beinan karllegg í 166 ár.
Hin myndin er af gamla bænum á Hólum. Hólar
voru forðum einn hluti Einarsstaðaeignar og taldir
góð meðaljörð. Þessi mynd er líklega tekin árið
1925. M var ár liðið síðan hafin var bygging héraðs-
skólans á Laugum austan Reykjadalsár, í landi Litlu
Lauga. Þarna sjáum við tvær vestari álmur skólans.
Árið 1928 var austari álma hússins reist og aðal-
skólabyggingin fullgerð. Mikil breyting hefur orðið
á þessum skólastað á sex áratugum og þeir, sem
nú aka um Reykjadal. sjá allt aðra mynd en þessa.
B.G.
Tveir torfbæir í Reykjadal
90 Heima er bezl