Æskan - 01.03.1933, Blaðsíða 6

22
ÆSK AN
einum kjallara fundust t. d. beinagrindur 20 manna.
Þeir hafa leitað sér skjóls þar, en aldrei komizt
út aftur. Sumt af þessu fólki virðist hafa verið að
flýja, en ætlað að taka með sér eitthvað af fjár-
munum sínum; hjá því hafa fundizt bæði skraut-
gripir og peningar. Öskuhriðin hefir slengt því
niður og það hefir aldrei getað staðið upp aftur.
Askan hefir svo lagzt yfir þetta allt eins og heljar-
þungt farg. Líkaminn sjálfur er orðinn að dufti,
en mótið eftir hann er óskemmt og nákvæmlega
eins og hann; í það hefir svo verið rennt gipsi og
þannig eru þessar myndir orðnar til. Þær eru
mjög skýrar, jafnvel andlitsdrættir sjást greinilega.
Tvær af myndum þessum eru mér sérstaklega
minnisstæðar. Önnur er af ungri konu. Hún virð-
ist hafa dottið, þegar hún var að reyna að flýja.
Skýlir hún andlitinu með hægri handleggnum.
Myndin er svo skýr, að kvaladrættirnir sjást greini-
lega á andlitinu. Hin myndin er af hundi. Hann
liggur samanhringaður og stingur trýninu milli
framlappanna; óttinn og skelfingin skin úr andliti
hans.
Eftir að við höfðum skoðað allt það helzta, sem
á safninu er að sjá, lögðum við af stað út í sjálfa
borgina.
Hvernig hefir svo litið út þarna fyrir 2000 ár-
um? Göturnar flestar beinar og steinlagðar, en
allar mjög þröngar, aðeins aðalgöturnar eru það
breiðar, að vagnar geta mætzt á þeim; sjást víða
för eftir vagnhjólin, því að alltaf hefir orðið að fara
í sömu förin. Gangstéttir eru allstaðar talsvert háar,
og á gatnamótum og víðar eru einstakir steinar á
aðalgötunni, til þess að stikla á milli gangstéttanna ;
var það þægilegt eftir miklar regnskúrir, þegar
vatnið fossaði eftir götunni.
Við aðalgöturnar hefir verið fjöldi af verzlunum.
Hafa þær verið þannig, að sú hliðin, sem að göt-
unni snýr, er alveg opin. I einni þeirra er ennþá
mikið af leirkerum, sem ekki hafa verið tekin í
burtu. Eru þau að mestu leyti heil, mjög vel gerð
og falleg. Víða eru bakarí og brauðsölubúðir. í
einu sliku bakaríi fannst brauð í ofninum. Það
líkist að visu ekki lengur venjulegu brauði, því
það er grjóthart og næstum svart, svo það er ekki
beinlínis girnilegt til matar. En það hefir legið í
jörðu í næstum 1800 ár. Það er nú geymt á safn-
inu í Neapel.
Veitingastaðir eru víða. Einn þeirra skoðuðum
við. Það er alveg opið út að götunni, og veitinga-
borðið, sem er úr steinsteypu og lagt marmara-
flísum, er út við gangstéttina. I borðinu eru
hólf og holur fyrir áhöld. Þar fannst litill pen-
ingakassi úr fílabeini, með peningum í.
(Framh.)
..............0»»»OOO.I)..00««««»«"*>»«*OOOO.....MOO
Pann er gott að fræða, sem sjálfur vill læra.
Enginn er of gamall gott að læra.
Góð er bætandi hönd, ill er spillandi tuuga.
(íslenzkir málshættir).
oooooooooooooooooooooooooooooooooooo ooo ooo ooo oooooooooooooooooooooooooooooooooooo
OOOOooorooo o ooo • oooo oooooooo OOOO
° BRÚÐUVEIZLAN §
Gunna og Sigga fóru að hita sér
kaffi og tóku upp litlu bollapörin, sem
amma þeirra gaf þeim á jólunum. —
Pær breiddu nýja dúkinn á borðið og
fóru að öllu sem hátíðlegast. Þær settu
brúðurnar sinar á litlu stólana, sína
hvorum megin við borðið. Síðan helltu
þær í bollana og fóru að drekka kaffið.
Gunna: Hvað heitir brúðan þín,
Sigga?
Sigga: Hún heitir Gunna. En hvað
heitir þín?
Gunna: Hún heitir Sigga. Langar
ekki litlu Siggu í mola og ofurlítinn
kaffisopa?
Sigga: Litlu krakkarnir ættu heldur
að fá brauðbita og vatn og mjólk á
eftir.
Gunna: Sko, hvað litlu agnirnar
sitja hægar og stilltar á stólunum, hafa
ekki hönd á neinu og biðja ekki um
neitt.
Sigga: Þetta eru mestu þægðarbörn.
Viltu ekki baubita, Gunna mín? Og
fyrst þú ert svona þæg, skaltu fá að
vera í fallega kjólnum á morgun.
Gunna: Er ekki litla Sigga þyrst?
Vill ekki litla Sigga ofurlítinn mjólk-
ursopa til að væta litlu kverkarnar?
Fyrst Sigga er svona þæg, skal hún
fá stóra myndabók á jólunum.
Sigga: Kis, kis, kis! Komdu hingað,
kisa min. Pú ert líka þæg og góð og
átt því að fá rjómasleikju af fallegu
undirskálinni minni.
(„Barnagullið“).
®V*---©-V>-i-®V>-S- ©®-V>v-4>V->'V-®-v*--r-©
OOOOOOOOOOOOOOOOOOOOOOOOOOOÐOOOOOO
• o
! HÆTTULEGIR ÓVINIR |
Hverjir eru verstu óvinir mann-
kynsins? Strið og styrjaldir, áfengi og
veitingakrár, og vanþekking.
Pér unglingar, sem hafið óspillt
hjarta og opin og vakandi augu! Gætið
þess, að fylkja ykkur í þann fiokk,
sem stendur reiðubúinn i öllum lönd-
um heims, til þess að berjast^á móti
þessu þrennu: Ofdrykkjunni, hernaði
og ófriði, og vanþekkingu.
(„Daggdroppen“).
öðoooooooooooooooooooooooó
Vinnið að því,
hver í ykkar sveit og þorpi, að útvega
»Æskunni« nýja kaupendur.
Minnist þess, að »Æskan« er ennþá
útbreiddasla, fjölbreyttasta, stærsta og
þar af leiöandi ódýrasta barna- og
unglingablaðið, sem gefið er út hér
á landi.
Kynnið ykkur rækilega verðlauna-
tilboð »Æskunnar í siðustu jólabók
blaðsins.
ðOOOOOOOOOOOOOOOOOOOOOOOQO