Alþýðublað Hafnarfjarðar - 01.12.1978, Blaðsíða 13
ALÞÝÐUBLAÐ HAFNARFJARÐAR
13
JÓLATRÉSSALA
HJÁLPARSVEITAR SKÁTA
Fyrir þessi jól, sem og und-
anfarin ár, mun Hjálparsveit
skáta í Hafnarfirði selja jólatré
til styrktar starfsemi sveitarinn-
ar. Verða jólatrén til sölu í hinu
myndarlega félagsheimili
sveitarinnar við Hraunvang. Er
það þriðja árið sem jólatrésal-
an verður þar til húsa, en bíla-
geymslan verður rýmd og þar
mun í staðinn verða jólatrés-
skógur innanhúss og auðveldar
það kaupendum mjög val á
jólatré sem þeim hentar. Einnig
býður Hjálparsveitin upp á þá
þjónustu að pakka trjánum,
merkja þau og verða trén síðan
keyrð heim til kaupenda
skömmu fyrir jól. Er með því
tryggt að trén verða geymd við
beztu aðstæður fram að jólum,
og með því tryggð barrheldni
þeirra eins og kostur er.
Rekstur sveitar á borð við
Hjálparsveit skáta í Hafnar-
firði kostar mikið fé og er jóla-
trésalan einn helzti liðurinn í
fjáröflun sveitarinnar. Mikið
vatn hefur runnið til sjávar frá
því að nokkrir skátar í Hafnar-
firði tóku sig saman eftir Geys-
isslysið á Vatnajökli árið 1950,
og ákváðu að stofna sveit sem
gæti tekið að sér verkefni sem
kölluðu á starf sérþjálfaðra
björgunarmanna, svo sem við
leit að týndu fólki, vegna flug-
slysa eða þegar náttúruhamfar-
ir dynja yfir. Var Hjálparsveit
skáta í Hafnarfirði stofnuð 19.
febrúar 1951. Á þeim tíma sem
síðan er liðinn hafa yfir 300
manns starfað undir merki
sveitarinnar, og stór hluti
þeirra eru tengdir starfinu enn í
dag.
í upphafi var sveitin fátæk af
tækjum og útbúnaði en með
eljusemi og mikilli vinnu hefur
henni tekist að eignast myndar-
legt félagsheimili, en þar er
undir sama þaki birgðastöð,
bílgeymsla og samkomusalur.
Þá eignaðist sveitin tvær nýjar
sjúkra- og björgunarbifreiðir
árið 1975 og eru þær sveitinni
mikill styrkur í starfi. Fyrir átti
sveitin eina gamla bifreið, sem
nú er verið að gera upp.
Allt frá árinu 1960 hefur
hjálparsveitin verið með spor-
hunda, og þrátt fyrir vantrú
ýmissa í upphafi hafa hundarn-
ir sýnt og sannað með björgun
mannslífa að sú starfsemi hefur
átt fullan rétt á sér. Nú síðari
árin hefur verið samstarf með
Hjálparsveit skáta í Reykjavík
um rekstur sporhundanna.
Eiga sveitirnar tvo hunda.
Eins og fyrt sagði kostar
mikið fé að halda starfsemi
sveitarinnar gangandi, og með
því að kaupa jólatré í félags-
heimili sveitarinnar við
Hraunvang, geta Hafnfirðing-
ar og aðrir velunnarar sveitar-
innar sýnt hug sinn í verki og
þar með styrkt sveitina til
áframhaldandi starfa.
Jólatrésalan verður opin frá
og með 9. desember, kl. 13 til
22 virka daga og kl. 10 til 22
um helgar.
A'ARf^