Kirkjuritið - 01.05.1941, Blaðsíða 38

196
Fréttir.
Mai.
máli og prentuðu, frá blöðum, timaritum, bókum, útvarpi og frá
mannfundum — að Alþingi ógleymdu. Hafi meistara Jón skort
hlustendur, í blaðalausu og bókalausu landi, er eigi undarlegt,
þó að prestana skorti áheyrn og jafnvel Sigurð Nordal. Það geng-
ur svo, að stórskáld, vísindamenn og andlegir garpar hafa eigi
í hálfu tré við loddara og lýðskrumara, þegar um höfðatölu er
að raeða eða tefla. Svo hefir það gengið, gengur og mun ganga-
Það er hart, að dans skuli vera tekin fram yfir vitsmuni — vesöl
fótamentun meira metin en íþrótt tungunnar, Jörfagleði og Hruna-
dans. En svona er menning inn við beinið og innan rifja — þrátt
fyrir alla skólana, bókagerðina, útvarpið, blöðin og fullveldið.
Fréttir.
Kirkjulegir fundir.
Prestastefnan er að þessu sinni boðuð á Akureyri, og mun hún
hefjast, að öllu forfallalausu, fimtudaginn 26. júní með guðsþjón-
ustu þar í kirkjunni. Er áformað, að séra Sveinn Víkingur pre-
diki við guðsþjónustuna, en séra Friðrik J. Rafnar vígslubiskup
þjóni fyrir altari.
Ástæðan til þess, að prestastefnan verður haldin á Akureyn.
er sú, að ekki þykir ráðlegt nú að stefna prestum landsins saman
hér í Reykjavík um þetta leyti árs. Einnig mun mörgum prest-
um leika hugur á því að sjá kirkjuna nýju og veglegu á Akureyn-
Almennur kirkjufundur. Undirbúningsnefnd kirkjufunda hefir
ákveðið, að almennur kirkjufundur fyrir landið alt verði að for-
fallalausu haldinn í Reykjavik á næsta hausti og hefjist með guðs-
þjónustu í Dómkirkjunni sunnudaginn 12. október. Mun Kirkju-
ritið síðar auglýsa fundinn nánar.
Aðatfundur Prestafélagsins verður að forfallalausu einnig hald-
inn næsta haust um sama leyti og almenni kirkjufundurinn, svo
að prestar geti gert sér eina ferð að því að sækja báða. Mun dag-
skrá hans birt í júlíhefti Kirkjuritsins.
Hraungerðismót er áformað að halda 21.—23. júní.
Að Brautarhóli í Svarfaðardal verður samskonar mót 5.—7. júh-
Lausn frá prestsskap.
Þrír aldraðir og þjóðkunnir prófastar láta nú af prestsskap um
þessa fardaga. Eru það þeir:
Séra Böðvar Bjarnason á Rafnseyri, eftir 39 ára prestsþjónustu.
Séra Ófeigur Vigfússon í Fellsmúla, eftir 48 ára prestsþjónustu.
Séra Stefdn Baldvin Kristinsson á Völlum í Svarfaðardal,
40 ára prestsþjónustu.