Alþýðublað Hafnarfjarðar - 26.05.1978, Blaðsíða 4

4
Alþýðublað Hafnarfjarðar
Utgefandi: Alþýðuflokkurinn I Hafnarfiröi
Ritstjóri: Guðni Björn Kjærbo
Setning: Acta hf.
Prentun: Hafnarprent
HATNARF3ARÐAR
Hvert atkvæði
kemur að
fullu gagni
Það fer ekki fram hjá neinum sem eitthvað fylgist
með stjórnmálabaráttunni á íslandi í dag að Alþýðu-
flokkurinn er í sókn. Rökstudd gagnrýni, einarðlegur
og markviss málflutningur talsmanna flokksins hefur
vakið verðskuldaða athygli. Þeim fer sífellt fjölgandi,
sem lýsa því yfir að þeir ætli nú í fyrsta skipti að kjósa
A-listann. Hafnarfjörður er engin undantekning frá
þessu. Það sýna ýmis dæmi ótvírætt.
Sókn með A-lista, fundur í Góðtemplarahúsinu í
Hafnarfirði, þriðjudaginn 9. maí, fundarmenn á
annað hundrað.
Viku seinna sátu 6 efstu menn A-listans fyrir
svörum í Alþýðuhúsinu í Hafnarfirði, fundarmenn um
60 talsins.
Fimm dögum seinna síðastliðinn sunnudag,
kosningavaka A-listans á Skiphóli. Þátttakendur tölu-
vert á þriðja hundrað manns eða nær helmingi fleiri en
kosningabærir menn á fjölskylduhátíð D-listans fyrr
um daginn á sama stað.
Allt sýnir þetta sóknarvilja og áhuga fólks á Alþýðu-
flokknum. Þetta finna og sjá allir hinir flokkarnir og
þess vegna beina þeir spjótum sínum að frambjóð-
endum Alþýðuflokksins.
Þeir óttast mjög um eigin hag í þessum kosningum.
Og ekki urðu niðurstöður af skoðanakönnun Dag-
blaðsins og Vísis á mánudaginn um fylgi flokkanna í
Reykjavík til þess að taka úr þeim hrollinn.
Nú fara þeir hamförum um bæinn og segja mönnum
blessuðum að kjósa ekki Alþýðuflokkinn. Hann fái
víst nóg fyrir því.
Þetta er þrauthugsaður áróður, sem menn mega ekki
falla fyrir. Hvert og eitt atkvæði sem greitt er Alþýðu-
flokknum kemur honum til góða. Hann má ekkert at-
kvæði missa, ef hann á að ná takmarki sínu. En með
því að standa fast við sitt, sjá við vélabrögðum and-
stæðinganna og kjósa A-listann á sunnudaginn náum
við settu marki:
Lárus Guðjónsson
í Bæjarstjórn Hafnarfjarðar.
Stuðningsfólk A - listans
takið eftir:
★ Kosningaskrifstofan verður opin um helgina frá
klukkan 9.00 til 23.00 báða dagana. Síminn er 50499.
★ Allt stuðningsfólk er hvatt til þess að leggja sitt af
mörkum svo aðsigur A - listans verði sem mestur.
★ Munið að í baráttu sem þessari vinna margar hend-
ur létt verk og mikil þörf er á að fólk hafi samband
við skrifstofuna.
★ Bílaeigendur sem ætla að vinna fyrir A - listann á
kjördegi þurfa að láta skrá sig á skrifstofunni.
★ Fjárframlög í kosningasjóðinn eru vel þegin og er
tekið á móti þeim á kosningaskrifstofunni eða hjá
formanni fjáröflunarnefndar Hrafnkeli Ásgeirssyni.
Nokkrir frambji
A - listans teki
Guðni Kristjánsson,
verkamaður:
Við megum ekki
gleyma æskunni
Ég hef alltaf haft mikinn
áhuga á bæjarmálum ekki síst
atvinnumálum,
æskulýðsmálum og náttúru-
verndarmálum.
Það þarf að búa betur að
æskufólkinu til þess að það
geti notið hollra og þroskandi
tómstundastarfa. Husnæði
fyrir æskulýðsstarfsemi skortir
mjög tilfinnanlega hér í
Hafnarfirði. Það er von mín
að æskunni verði ekki gleymt,
þegar kjallaranum undir Engi-
dalsskólanum verður
ráðstafað, en þar mun vera um
500 fermetra rými að ræða.
Einnig þyrfti að huga mun
betur að atvinnumálum
unglinganna með tilliti til sum-
arvinnu. Atvinnunefnd
skrifaði á sínum tíma öllum
fyrirtækjum í bænum bréf þess
efnis að þau tækju unglinga í
vinnu yfir sumartímann.
Aðeins eitt eða tvö fyrirtæki
svöruðu bréfi atvinnumála-
nefndar og sýnir það glöggt
áhugaleysið sem ríkjandi er
gagnvart atvinnumálum
unglinga.
Ég treysti Alþýðuflokknum
best til þess að vinna þessum
málum vel. Þess vegna skora
ég á alla bæjarbúa að stuðla að
glæsilegum sigri A — listans á
sunnudaginn kemur með því
að setja krossinn fyrir framan
A.
Gylfi Ingvarsson, vél-
virki:
Þar blása nú
ferskustu
yindarnir.
Það er lýðræðisleg skylda
hvers manns að hafa bætandi
áhrif á umhverfi sitt. Innan
Alþýðuflokksins blása nú
ferskustu vindar íslenskra
stjórnmála. Þaðana hafa kom-
ið hvössust og málefnalegust
gagnrýni á núverandi
stjórnvöld.
Ómetanlegt uppbyggjandi
æskulýðsstarf fer fram innan
íþróttafélaganna. Þetta
fórnfúsa starf þeirra er mjög
vanmetið af núverandi bæjar-
stjórnarmeirihluta. Það verður
að koma breyting á þetta.
Það þarf einnig að auðvelda
ungu fólki að koma sér upp
þaki yfir höfuðiö. Sá kross sem
ungt fólk verður að axla við
núverandi aðstæður er
ógnvekjandi og veldur marg-
víslegum félagslegum vanda
Það þarf einnig að auðvelda
ungu fólki að koma sér upp
Gunnar Friðþjófsson,
form. FUJ:
Menningarmið-
stöð í Hafnarfjörð
Hafnfirsk bæjaryfirvöld
þurfa að styðja betur félags-
lífið í bænum en þau hafa gert
á síðustu árum. Hafnarfjörður
hefur ekkert að bjóða fólki,
sem kemur heim að loknum
vinnudegi. Hér er enginn
staður fyrir fólk til þess að
koma saman á.
Það þarf að koma á fót
menningarmiðstöð hér í
Hafnarfirði, sams konar og
Norrænahúsið er í Reykjavík,
þar sem fólk getur komið
saman, hitt kunningjana og
rabbað saman yfir kaffibolla.
Við þurfum að- gera
Hafnarfjörð að heimili okkar,
ekki bara að vinnustað. Menn
hafa fleiri þarfir en að éta og
sofa.
Arnbjörg Sveinsdóttir:
Atvinnutækifæri
kvenna eru fá-
breytt.
Ég hefi ákveðið að leggja
Alþýðuflokknum allt það lið er
ég má og hefi þess vegna fallist
á að skipa 9. sætið á
A—listanum. Mér falla vel hin
lýðræðislegu vinnubrögð sem
Alþýðuflokkurinn beitir sér
fyrir og málflutningur hans og
málefni eru mér vel að skapi.
Það þarf að leggja miklu
meiri rækt við æskulýðsmálin
og atvinnumál Hafnfirðinga
verður að taka til gagngerðar
athugunar. Konur hafa mun
minni atvinnutækifæri en
karlar og svo einhæf að engu
tali tekur. í raun og veru er
tæpast annað en um fiskvinnu
að ræða, ef kona ætlar sér út á
vinnumarkaðinn hér í
Hafnarfirði.
Þá þarf að hugsa til þess að
aukinn fólksfjöldi er væntan-
legur út á vinnumarkaðinn í
Hafnarfirði og þessu fólki
verður að sjá fyrir vinnu. Það
verður varla gert nema með því
að efla hafnfirsk iðnfyrirtæki
og stuðla að fjölbreyttni
þeirra. Til alls þessa treysti ég
Alþýðuflokknum best. Þess
vegna hvet ég alla til þess að
kjósa A — listann í komandi
kosningum.