Ægir - 01.04.1962, Blaðsíða 7

ÆGIR
121
%#■ Clíaon:
Sjávarútvegnrinn 1961
Enn hefur lítið áunnizt með að flýta
skýrslusöfnun Fiskifélagsins og koma
henni þar með í viðunandi horf. Lang-
flestir skýrsluskyldir aðilar standa fljótt
°g vel við allar sínar skuldbindingar. Á
sama hátt og keðja er aldrei sterkari en
veikasti hlekkur hennar, spilla fáir trass-
ar öllu okkar skýrslukerfi og koma í veg
fyrir að þeir mörgu, sem þurfa á örugg-
um skýrslum að halda, geti notið þeirrar
sjálfsögðu þjónustu að fá þær í hendur
fljótt og vel unnar.
1 4. tbl. þ. árg. Ægis er skýrsla um
heildarútflutning sjávarafurða. í henni
hefur hinsvegar ekki verið tekið tillit til
þeirrar gengisbreytingar, sem fram-
kvæmd var í ágúst s. 1. Tafla XIII hér
a eftir sýnir heildarútflutninginn á hinu
nýja gengi. I 5. tbl. er skýrsla Fiskifé-
tagsins um heildarfiskaflann. Töflur um
nánari sundurliðun hans fylgja hér á
eftir. I 4 tbl. er yfirlit um skipastólinn
1961, eftir Arnór Guðmundsson.
Árið 1961 var allóvenjulegt fyrir sjáv-
anútveginn. Fiskaflinn hefur aldrei verið
^riri, þrátt fyrir misheppnaða vetrar-
vertíð vegna verkfalla og vinnudeilna hjá
bátaútveginum og eindæma aflaleysi hjá
togaraflotanum. Það sem gerir muninn
er síldin. Sumarsíldveiðarnar gengu ó-
venjuvel. Má þakka það hagstæðri tíð og
góðum útbúnaði veiðiflotans. — Síldin
veyndist og óvenjugóð, bæði til söltunar
°g bræðslu. Síldveiðar í reknet voru nær
ekkert stundaðar. í stað þeirra voru rúm-
iega 100 skip að veiðum við Suðvestur-
|and með herpinót um haustið. Var afl-
inn mjög góður. Sumar- og haustafli
bátaflotans var og góður. Humarveiðar
Sengu sæmilega, en rækjan brást að veru-
legu leyti í ísafjarðardjúpi, þótt áfram-
haldandi góður afli væri í Arnarfirði.
Dragnótaaflinn var nokkuð misjafn, en
góður,, þegar á heildina er litið.
Verðlag sjávarafurða á erlendum
markaði var yfirleitt hagstætt og fór
hækkandi á flestum afurðum, þ. á. m.
mjöli. Verðlag á lýsi var hinsvegar fall-
andi og var orðið mjög lágt um áramót.
Gengisbreytingin.
Þýðingarmesta viðburð ársins fyrir
sjávarútveginn verður hinsvegar að telja
þær ráðstafanir í efnahagsmálum, sem
gerðar voru í ágúst s. 1. Gengisbreyting-
in, sem fylgdi í kjölfar þeirra ráðstaf-
ana, olli sem næst 13,026% hækkun á
verði erlends gjaldeyris.
Orsaka þessara ráðstafana, sem komu
svo fljótt á eftir efnahagsráðstöfunum
frá árinu áður, er að finna í þeim miklu
kauphækkunum, sem áttu sér stað
snemma sumars, og námu frá 14—20%.
Um gengisskráninguna voru og eru skipt-
ar skoðanir. Sjálfsagt hefði verið unnt
að láta reka á reiðanum fram eftir hausti
og láta bankana auka útlán sín til út-
gerðar- og vinnslufyrirtækja. Hætt er
samt við, að þau fyrirtæki, sem hafa bók-
hald sitt í það góðu lagi, að þau geta
auðveldlega fylgzt með rekstrarafkom-
unni, mundu skjótlega hafa séð kosti sína
fara að þrengjast.
Til þess að halda óbreyttri aðstöðu,
hefðu vinnslustöðvarnar þurft að lækka
fiskverðið um rúmlega 8%. Þar ofan á
bættist 30—35 þús. króna árlegur beinn
kostnaðarauki hjá meðalbátunum, vegna
hækkana á vinnslukostnaði á ýmsum út-
gjaldaliðum hans. Um áramót hefði þetta