Ægir - 01.01.1984, Blaðsíða 18
gefin út af Fiskifélaginu 1965. Bók þessi er uppseld.
Nú er unnið að gerð nýrrar og viðameiri bókar af
starfsmönnum Fiskifélagsins þar sem tekin er inn sú
þróun sem hefur orðið í gerð og meðferð þessara
mikilvægu tækja á seinustu árum.
Fyrir þinginu liggur ýtarleg skýrsla fræðsludeildar
Fiskifélagsins. Aðalstarfsemi hennar hefur grundvall-
ast á almennri skipulagningu sjóvinnunámsins og
framkvæmd kennslunnar víða um land. Unnið hefur
verið að því að fá afnot af fiskiskipum þar sem kynna
mætti starfið við raunverulegar aðstæður. Á þessu
skólaári sem hófst í haust er stunduð sjóvinnukennsla
í 41 skóla og er það 7 færri en var á s.l. skólaári og
hefur nemendum fækkað úr 600 í 500. Að áliti þeirra
er til þekkj a í skólakerfi landsmanna, er vart dvínandi
áhuga ungmenna fyrir sjávarútvegi og kenna þeir um
hinni neikvæðu umræður sem fram kemur í fjöl-
miðlum og víðar um bágt ástand þessa atvinnuvegar
og dökkar framtíðarhorfur. T.d. er tölvunám í boði í
fyrsta sinn sem valgrein í nokkrum grunnskólum nú
og er aðsókn nemenda í það nám geysileg, enda ó-
spart haldið að þeim að enginn verði gjaldgengur í
þjóðfélagi framtíðarinnar nema þeir sem yfir þessari
tækni hafa að ráða. Ef engir fást til að mennta sig á
sviði mikilvægasta atvinnuvegar landsmanna, er ekki
víst að þörf verði heldur fyrir tölvufræðinga í framtíð-
inni.
Aflatryggingasjóður
Starfsemi deilda sjóðsins var með svipuðum hætti
árið 1982 og verið hefur undanfarin ár.
Árið 1982 var lögum sjóðsins breytt lítillega og þá
eingöngu í samræmi við það, að nú falla grá-
sleppuveiðar undir starfsemi sjóðsins, eins og aðrar
veiðar. Einnig gerði stjórn sjóðsins smábreytingu á
útreikningum mánaðarbóta.
Eins og að ofan greinir voru grásleppuveiðar
felldar undir starfsemi sjóðsins. Gífurleg vinna var
lögð í athugun á grásleppuveiðunum allt frá árinu
1978. Út úr þeim athugunum kom í ljós, að bóta-
skyldu var árið 1982 á tveim svæðum þ.e. Horn/
Skagatá og Skagatá/Fontur. Útreikningum á bóta-
skyldu og síðan á bótum lauk ekki fyrr en í júnímánuði
á þessu ári. Bætur voru greiddar til 26 útgerðarmanna
á vestursvæðinu samtals 254 þúsund krónur og til 18
útgerðarmanna á austursvæðinu, samtals 220 þúsund
krónur.
Þess má geta að tekjur sjóðsins af útflutningi grá-
sleppuhrogna nam um 122 þús. króna árið 1982 og
fram til febrúarloka 1983.
Hlutverk áhafnadeildar sjóðsins var eins og kunn-
ugt er, að greiða hluta af fæðiskostnaði sjómanna.
Samkvæmt lögum sjóðsins skulu þær greiðslur breyt-
ast í samræmi við matvælalið framfærsluvfsitölu. Með
bráðabirgðalögum í maí s.l. voru m.a. bannaðar
hækkanir launa í samræmi við hækkun vísitölu og
einnig starfstengdar greiðslur. Hins vegar áttu laun að
hækka um 8% 1. júní og4% 1. október. í ljósi þessara
laga ákvað framkvæmdastjórn sjóðsins 3. júní s.l. að
hækka fæðisgreiðslur í samræmi við ofangreinda %
hækkun, en ekki samkvæmt lögum sjóðsins.
Þetta mál hefur verið rætt töluvert á fundum
stjórnar sjóðsins og eru sumir stjórnarmenn ekki
sáttir við ofangreinda málsmeðferð og eru líkur á því
að þetta mál verði tekið til nánari athugunar.
Framkvæmdastjórn hefur bent á það, að með fullri
hækkun vísitölu á fæðisgreiðslurnar væru miklar líkur
á því að áhafnadeildin ætti í erfiðleikum að sinna sínu
hlutverki upp úr næstu áramótum.
í gegnum fæðisgreiðslur til sjómanna hefur áhafna-
deildin um áraraðir séð um greiðslur á iðgjöldum til
lífeyrissjóðs sjómanna. Árið 1980 nam sú upphæð 9,8
millj. króna, 1981 21,3 millj. kr., 1982 41,2 millj. kr.
og það sem af er þessu ári er búið að greiða 58,8 millj.
kr. til sjóðanna.
Samkvæmt lögum er Verðjöfnunardeild ætlað það
hlutverk að greiða uppbætur á vannýttar fiskteg-
undir. Verðlagsráð ákveður hverjar þessar vannýttu
fisktegundir eru og einnig hvaða prósentu skuli greiða
hverju sinni. Vegna afla, sem veiddist árið 1982 voru
greiddar uppbætur á 156.245 lestir, samtals 92,5 millj.
króna. Þar munaði mest um karfa, en á hann voru
greiddar 65 millj. króna og var magnið 104.157 lestir.
Ufsamagnið nam aftur á móti 39.766 lestum og upp-
bætur 24,3 millj. króna. Það sem af er þessu ári er
búið að greiða 95,1 millj. króna á 139.466 lestir. Á
karfa er búið að greiða 60,2 millj. og ufsa 33,5 millj-
króna.
Greinilegt er að þessar upphæðir eiga eftir að
hækka töluvert fram til áramóta.
Oft hafa heyrst raddir um það, að ýmsir hópar báta
fengju hærri greiðslu úr deildum sjóðsins en nemi
upphæðinni, sem þeir sömu bátar legðu til sjóðsins.
Vegna þessa hefur verið gerð bráðabirgðakönnun á
þessu atriði. Könnunin var gerð þannig að skipum var
raðað í flokka eftir stærð og síðan reiknað út hvað
hver hópur átti stóran hundraðshluta (%) af verð-
mæti landaðs afla árið 1982. Síðan var athugað á sama
hátt hve stóran hundraðshluta sömu hópar áttu í
greiðslu úr deildum sjóðsins.
6-ÆGIR