Ægir - 01.01.1984, Blaðsíða 31
Dcemi um fyrirkomulag áföstum slökkvibúnaði.
minni en áður í skrá yfir íslensk skip. Hinsvegar hefur
Siglingamálastofnunin að sjálfsögðu ekkert við það
að athuga, að eigendur skipa færi þannig niður orku
aðalvélar, að því tilskyldu að skipið verði ekki talið
vélvana.
Það er kunnugt mál, að hægt er að minnka orku
velar með öðrum aðgerðum, t.d. við það að minnka
afköst forþjöppu eða loftkælingu vélarinnar. Pegar
þessar aðgerðir hafa haft í för með sér umtalsverðar
^reytingar á aðalvél, sem ekki var talið auðvelt að
^reyta aftur í fyrra horf, þá hefur Siglingamála-
stofnun ríkisins tekið slíkar breytingar gildar, og
skráð orku vélarinnar lægri, í samræmi við upp-
■ýsingar frá vélaframleiðanda. Sumar þessara að-
gerða eru hinsvegar ekki hagkvæmar með tilliti til
olíunotkunar. Þannig geta þessi ákvæði landhelgis-
'aganna verið orsök þess, að olíunotkun verði meiri
en hún þyrfti að vera.
Væntanlega er hugmynd landhelgislaganna, að
miða við orku aðalvélar sú, að miðað sé við togkraft
viðkomandi skips. Þessi viðmiðun kemur þó ekki allt-
af réttlátlega út. í sumum skipum knýr aðalvél auk
skrúfubúnaðar líka vökvadælur fyrir spil og rafala. í
sumum skipum er öll orka aðalvélar nýtanleg á skips-
skrúfuna, en í öðrum skipum ekki. Ef miða á við
mestu orku hvers skips á skrúfu, þá væri eðlilegra að
miða við mestu orku, sem vélbúnaður hvers skips
getur beitt til að knýja skrúfu skipsins með. Þá getur
skrúfubúnaður líka nýtt misjafnlega vel orkuna til
dráttar á trolli. Mæling á togkrafti skips væri því lík-
lega eðlilegasta viðmiðun varðandi landhelgismálin.
En jafnvel þótt landhelgislögunum yrði breytt á
þann hátt að miðað yrði við mestu orku á skrúfu-
búnaði skips, þá þarf samt að ákveða, helst með
nákvæmri reglugerð, á hvern hátt Siglingamála-
stofnun ríkisins skuli skrá orku aðalvélar skipa.
Til er alþjóðlegur staðall, sem fara má eftir við
ákvörðun vélarafls við prófunarkeyrslu á nýjum
vélum. Þessi staðall er ISO staðall nr. 3046/1 til 3046/
6.
Við slíka prófunarkeyrslu yrði þá vélin að vera með
sama búnaði og hún yrði í notkun í skipinu síðar.
ÆGIR-19