Dýraverndarinn - 01.09.1972, Qupperneq 5

Olía
í
sjóinn
Myndin er tekin við Reykjavíkurhöfn. Fuglinn er löðrandi í olíu og er
dauðans matur. Reynt var að þvo olíuna úr fiðrinu, en það reyndist
árangurslaust.
Fyrir skömmu varð uppvíst að eitt af minni tank-
skipum flotans hafði dælt olíu í sjóinn. Athæfið
komst upp vegna þess, að olía barst í fjörur og eitt-
hvað fannst af dauðum fugli, sem ætla má að hafi
farizt vegna þessa verknaðar.
Við rannsókn málsins kemur í ljós, að við tank-
hreinsun hafa þessi skip enga möguleika til að losna
við úrgangsolíu nema dæla henni í sjóinn. Aðstaða
í íslenzkum olíustöðvum eða í höfnum er engin til
að taka við slíkri úrgangsolíu, enda vandkvæði að
koma henni í lóg, þó hægt sé reyndar að hreinsa
slíka olíu í hreinsunarstöðvum. Einnig hefur komið
fram sú hugmynd, að hægt sé að nota slíka olíu til
að rykbinda malarvegi, þó ekki skuli lagður á það
dómur hér, hvort slík aðferð sé hagkvæm.
Hitt er skýlaus krafa allra náttúruverndarmanna,
að aðstaða sé sett upp til að hægt sé að losna við
úrgangsolíu, sem til fellur við tanka- og vélahreinsun,
svo ekki ráði tilviljun ein, hvar slík skaðleg óhrein-
indi lenda.
Það er í rauninni engin lausn, þó slíkum málum
sé vísað til dómstóla til að fella dóma, þegar engin
úrræði eru til að losna við úrgangsolíu á annan hátt.
Oftast lenda þá aðeins menn í vandræðum, sem eru
að gegna skyldustörfum á vanabundinn hátt.
Hitt er miklu meira áríðandi, að augu þeirra, sem
vald hafa og úrræði til að breyta illum venjum, opn-
íst fyrir vandamálinu. Meginþörfin er að settir séu upp
í höfnum tankar fyrir úrgangsolíu, sem sjómönnum sé
gert að skyldu að dæla í hvers konar úrgangsolíum.
Þá er fyrst hægt að fylgja því fast eftir, að lögum og
reglugerðum sé framfylgt í hvívetna.
Ritstjóra Dýraverndarans hefur á umræðufundi um
þessi mál verið á það bent af kunnugum aðila, að þetta
sé heldur ekki eina vandamálið að því er varðar meng-
un í sjó. Ymis bifreiðaverkstæði og vélsmiðjur eru í
vandræðum með að losna við úrgangsolíur, og eru það
ýmsir aðilar, sem grípa til þess óyndisúrræðis að hella
olíu niður í skolpræsin, en slík olía rennur beint til
sjávar og mengar hafnir og fjörur. Er þessi ástæða
meðal annars álitin eiga þátt í mengun Reykjavíkur-
hafnar.
D Ý R AV ERNDARINN
47