Alþýðumaðurinn - 27.10.1966, Blaðsíða 7
- HEYRT, SPDRT...
(Framhald a£ blaðsíðu 4).
falla niður, eftir að þær birgðir
sem fyrir hendi eru nú væru
uppseldar, og biður AM að
spyrja hvort þetta sé rétt og
gerir blaðið það hér með og
væntir þess að fá spumingunni
svarað í næsta blaði.
¥>ORGARI á Akureyri sagði
" að sér þætti dýrt verðlagið
á Hótel Blönduós og sýndi blað
inu til sannindamerkis reikning
frá liðnu sumri yfir veittan
beina á nefndu hóteli. Reikn-
ingurinn er dagsettur 5. sept.
Á honUm stendur, 4 mjólk 80
kr. 3 brauðsneiðar 75 kr. og það
gerir samtals 155 kr. AM lætur
lesendur sína um að dæma
hvort þetta er dýrt eður eigi,
en blaðið hefir reiknmginn und
ir höndum, ef einhver 'skyldi
rengja það um verðlagið á
Blönduósi.
¥ TNGIR Framsóknarmenn
^ héldu kvöldverðarboð ný-
verið og var Sigurður Óli Brynj
ólfsson bæjarfulltrúi heiðurs-
gestur fundarins. En AM hefir
fregnað það að fundarmenn hafi
skútað Sigurði Óla, vegna lok-
un kvöldsalna í bænum. En
hvort rétt er eða rangt, ásaka
bæjarbúar Sigurð Óla fyrir að
vera höfund þessara bannlaga.
BLESSUNIN liún Magga
hringdi í AM núna í há-
deginu og kvaðst hún bara
vera móðguð yfir þeirri full-
yrðingu ritstjóra íslendings, að
hún væri eingetin. „Ég spurði
bæði pabba og mömmu“, sagði
Magga, „en þau spurðu í stað-
inn, hvort ég væri orðin eitt-
hvað verri“ og horfðu svo
hvort á annað hálfgerðum rann
sóknaraugum. „Nær hefði rit-
stjóranum verið að birta fallega
mynd og flikka með því upp á
blaðið í stað þess að þvugla um
það að ég hefi orðið til á ein-
hvem annan hátt en aðrir“,
voru lokaorð Möggu.
- Æskan er framtíðin
(Framhald af blaðsíðu 1).
lýðsheimili í bænum og skorar
á bæjarstjórn og félagasamtök
til virkra aðgerða í þessu nauð
synjamáli.
Lokun kvöldsölubúða mótmælt.
Aðalfundur F.U.J. mótmælir
lokun kvöldsölubúða og telur
slíkar aðgerðir skerðingu á
þjónustu við bæjarbúa og hafi
ekkert jákvætt í för með sér.
Kvöldsölubannið leysi á engan
hátt úr þeim vanda er útivist
barna og unglinga vissulega er,
og stuðli fremur að því að ung
menni leyti inn á veitingahús
bæjarins. Telur fundurinn að
fullkomið æskulýðsheimili sé
leiðin í þessu vandamáli, en
ekki bann við kvöldsölu.
Laust starf
Staða slökkviliðsmanns í Slökkviliði Akureyrar er laus
til umsóknar.
Ráðning gildir um eins árs skeið frá 15. nóvember
1966 til jafnlengdar næsta ár.
Umsóknir sendist bæjarráði Akureyrar fyrir 3.
nóvember n.k.
Laun samkv. launakerfi opinberra starfsmanna.
Bæjarstjórinn á Akureyri, 26. október 1966.
MAGNÚS E. GUÐJÓNSSON.
/=
RAUSNARLEG GJÖF
GUÐNI JÓNSSON, nú vist-
maður á Elli- og dvalar-
heimilinu Skjaldarvík, hefir
með bréfi dagsettu 20. fyrra
mánaðar gefið Elliheimili Akur
eyrar Lækjargötu 2 B, Akur-
eyri, frá 1. þ. m. að telja. Gjöfin
er einnig gefin í nafni látinnar
seinni konu hans, Soffíu Óla-
dóttur. Gefandinn óskar þess,
að gjöfin „verði hagnýtt til
styrktar göfugu hlutverki Elli-
- Sænsk skáldkona
(Framhald af blaðsíðu 8).
vík auk M. F. í. K. Fyrsta fyrir
lesturinn um för sína og dvöl
í Viet Nam mun hún flytja á
Akureyri fyrir forgöngu Akur-
eyrardeildar M. F. f. K. næst-
komandi föstudag, 28. okt., kl.
8.30 að Bjargi.
Erindið verður túlkað á ís-
lenzku og einnig verður sýnd
kvikmynd frá Viet Nam.
Eru bæjarbúar hvattir til að
fjölmenna á fund þennan, sém
er opinn og öllum heimill að-
gangur. (Fréttatilkynning)
Á að opna landhelgina?
(Framhald af blaðsíðu 8).
Hvemig finnst þér ríkisvald-
ið búa að togaraútgerðinni?
Afleitlega og ég vænti þess,
að innan tíðar láti það ásannast
að það telji togaraútgerð á ís-
landi ekki eigi að heyra for-
tíðinni til.
AM tekur undir þessi um-
' mæli Vilhelms Þorsteinssonar
og vill jafnframt óhikað full-
yrða að Akureyringar hafa ekki
efni á því að varpa moldu á
það fyrirtæki er U. A. nefnist.
Um hitt má deila, hvort æski-
legt sé að opna landhelgi fs-
lands fyrir togveiðar. AM vill
leggja áherzlu á það, áður en
það skref yrði stigið að utan-
ríkisráðuneyti okkar kannaði
álit erlendra þjóða á málinu.
íslendingum er lífsnauðsjm að
ná lögsögu yfir landgrunninu
öllu. Allt það sem tefur að við
náum þeim rétti er neikvætt
fyrir framtíð þjóðar okkar.
En í lokin vill AM leggja
áherzlu á, að væntanlegt til-
raunaskip ríkisins verði falið
Ú. A. til útgerðar.
s
heimilisins“, eins og stendur í
gjafabréfinu.
Fyrir hönd Elliheimilis Akur
eyrar eru Guðna Jónssyni færð
ar beztu þakkir fyrir þessa
rausnarlegu gjöf.
Stjóm Elliheimilis Akureyrar.
- Betra skipulag
(Framhald af blaðsíðu 1)
ákveðnar af bæjarstjórn eigi
síðar en í nóv.—des. árinu fyr-
ir, svo að allgóður tími gefist
til efnispantana og undirbún-
ings.
Þá leggjum við til, að ráðinn
sé fær maður sem verkstjóri að
vatnsveitunni, svo að vatns-
veitustjóra sé ekki lengur í-
þyngt með verkstjóm ofan á
öll önnur störf sín, en geti helg
að sig meir en nú skipulags-
málum vatnsveitunnar og ný-
framkvæmdum.
Áherzla sé lögð á, að sam-
vinna rafveitu, vatnsveitu og
gatnagerðar sé sem nánust
varðandi allar samverkandi
framkvæmdir þeirra.
Loks leggjum við til, að Ak-
ureyri taki í eigin hendur
skipulagsmál bæjarins og ráði
til sín lærðan og færan arkitekt
til að annast þau, en bygginga-
mál á vegum bæjarins lúti og
undir hans yfirstjórn, en bygg-
ingarfulltrúi framkvæmdastj óri
hans um þau“.
„Bæjarstjórn Akureyrar bein
ir þeim eindregnu tilmælum til
ríkisstjórnarinnar, að hún feli
Útgerðarfélagi Akureyringa h.f.
fyrirhugaða tilraunaútgerð á
togara þeim, er hún mun hafa í
hyggju að taka á leigu og láta
gera út tiltekinn tíma til at-
hugunar á, hvaða stærð og gerð
togara muni bezt henta lands-
mönnum við núverandi að-
stæður, sérstaklega hvað hrá-
efnisöflun fyrh hraðfrystihúsin
snertir.
Bæjarstjórnin minnir á, að
undir þeim erfiðleikum, sem
togaraútgerð hefir átt við að
etja nú um árabil, hefir ekki
önnur togaraútgerð hérlendis
sýnt meiri hagsýni og aðgæzlu
í rekstri en Ú. A. né skilað hlut
fallslega hagfelldari hlut á
land“.
S
BARNASAGA A L Þ Ý.Ð UMANNSINS
Fjallgangan
eftir MA SNÆDAL
26
CjlGURÐUR bóndi var snöggur að taka ákvörðun. Hann
sá að drengurinn er fórnaði höndum móti honum þurfti
skjótrar umönnunar við, því að auðséð var að hann var að
niðurlotum kominn, bæði vegna þreytu, vosbúðar og
meiðsla. Hann tók drengínn í fang sér og hrjúfar hendur
hans struku milt um höfuð Geirs. „Já, já, góði minn,“ sagði
hann, „ég skal bjarga Gunnari, ég ætla fyrst að hlaupa
heim með þig og líka að ná í reipi, svo að fljótlegra reynist
að bjarga honum“ og án þess að bíða eftir svari hins ókunna
drengs, hóf hann Geir upp á arma sér og hljóp fremur en
gekk niður bratta hlíðina,. og áður en hann náði bænum
með byrði sína var drengurinn sofnaður í fangi hans. Hann
fól konu sinni að annast Geir og var án lítillar stundar lagð-
ur á stað á ný upp með Skuggá með reipi um öxl sér, og
meðferðis hafði hann einnig kjötöxina sína, með henni ætl-
aði hann sér að höggva fótspor í jökulinn. Sámur gamli
hafði enn forustu sem. í fyrri ferðinni og það var auðséð á
honum að enn reiknaði hann með tíðindum upp með
Skuggá. ' Framhald.
NÝKOMIÐ:
KULDASKÓR karlmanna, leður að neðan,
tau að of an
KVENINNISKÓR, mjög fallegir og ódýrir
BARNAINNISKÓR, margar gerðir
KARLMANNAINNISKÖR
KAUPFÉLAG EYFIRÐINGA
Skóbúð
Almennur umræðuftmdúr
Stúdentafélag Akureyrar efnir til umræðufundar um
VANDAMÁL DREIFBÝLISINS mánudaginn 31. okt.
kl. 20.30 að Hótel REA.
Framsöguerindi flytja: Hjörtur E. Þórarinsson bóndi
Tjörn og Lárus Jónsson bæjargjaldkeri Ólafsfirði.
Allir velkomnir á fundinn.
Sauðfj ár slátrim
Slátrað verður sauðfé í sláturhúsi voru fimmtudaginn
3. nóvember n.k.
Þeir bændur sem kynnu að eiga fé, er þeir óskuðu
að fá slátrað, eru góðfúslega beðnir að gera oss aðvart
með eins dags fyrirvara.
SLÁTURHÚS K.E.A.
SÍMI 1-13-06