Víðir - 19.05.1951, Blaðsíða 4
V í ÐIR flytur efni, sem
ekki er annars staSor.
Þeir, sem vilja fylgjast
vel me3, lesa V í Ð I.
Gæftir
hafa verið góðar þessa viku,
indælt vorveður hvem dag,
sunnan og suðvestan gola.
Aflabrögð.
Hagbarður, síðasti línubát-
urinn, hætti á laugardaginn
var. Fékk hann 4 lestir í síð-
asta róðrinum.
Togbátarnir hafa verið að
afla ágætlega undanfarið og
framúrskarandi vel sumir.
Aflinn er mest allt þorskur,
ufsi flýtur með, en sáralít-
ið af kola, enda er það oftast,
þegar mikill annar fiskur er.
Það virðist hafa gengið mikið
af fiski inn í Bugtina um síð-
ustu mánaðamót, hann gerir
það' oft, þegar sandsílið kem-
ur, en fiskurinn er nú fullur
af sandsíli. Fiskurinn er mjög
feitur og megnið af honum
stór fiskur, þó að smár fiskur
sé með.
Þessir togbátar hafa m. a.
komið inn með afla sinn í vik-
unni: Bragi 29 lestir, Vilborg
17, Þristur 28, Otur 15, Marz
18, Björn 13, Siglunesið 30,
Flafdís 9, Hermóður 24, Hvítá
13 og Arinbjörn 25 lestir.
Aflinn hefur verið tregari
hjá lúðubátunum upp á síð-
kastið Það er kominn sá tími
að lúðan fer að’ dreifa sér upp
að ströndinni. I vikunni komu
m. a. inn þessir lúðubátar:
Andvari með 7 lestir, Björn
Jónsson 5%, Helga 3, Skíði
8 og Ingv. Guðjónss. 6 lestir.
3 opnir bátar hafa róið með
þorskanet undanfarið á ann-
an mánuð, einn þeirra er
hættur fyrir nokkru, og ann-
ar tók upp netin í fyrradag,
en einn á netin enn úti. Á
þessum bátum róa þrír og
fjórir menn, og hafa afla-
brögðin gengið mjög illa að
þessu sinni og þeir, sem þetta
hafa stundað' ekki verið mat-
vinnungar. I fyrra var hins
vegar ágætisafli í þorskanet-
in hjá þessum bátum í mán-
aðartíma, og höfðu þeir, sem
þessar veiðar höfðu, ágætis
hlut á meðan hrotan stóð.
Sá, sem tók upp í vikunni,
fékk þá 76 fiska eftir 2 næt-
ur. Hann var búinn að missa
og orðin ónýt hjá honum í
vetur 16 net, sem eru um 4000
króna virði, þótt ekki sé tal-
inn nema riðillinn. Þessi bát-
ur er nú að fara á skak, og
fékk hann í vikunni á 3. lest
með handfæri í Melakrikan-
um, sem er mið innan til í
Bugtinni. Þeir verða fjórir á.
Kippt hefur úr hrognkelsa-
veiðinni undanfama dag.
Fyrsti. báturinn í Tteykja-
vík byrjaði með dragnót í
fyrradag.
Togararnir.
Tíðarfarið hefur verið gott
og skipin getað stundað veið-
ar viðstöðulaust. Það má vera
vond tíð, ef stóru togararnir
verða að hætta, veiðum.
Markaðurinn í Bretlandi
hefur verið slæmur undan-
farið, eins og hann er oft um
þetta leyti. Á vorin fer að ber-
ast að grænmeti og annað ný-
meti, sem dregur úr sölu á
fiskinum. Þá fara líka að
koma hitar, og hefur það sín
áhrif á, hvað fólk kaupir í
matinn. Leggur það sig þá
meira eftir ávöxtum og slíku
léttmeti. Þá er líka góð tíð,
og fiskur berst reglulega á
markaðinn og verðið lækkar.
Þjóðverjar hafa líka verið að
selja fisk í Bretlandi undan-
farið og munu halda því á-
fram til júníloka. Á meðan er
lítil von til þess að geta selt
fisk til Þýzkalands, enda er nú
enginn samningur um fisk-
löndun þar.
Margir togarar hafa verið
í liöfn undanfarna daga jafn-
vel komizt upp í 6—9 á dag,
og gerir það óttinn við verk-
fall. Hafa þeir verið að losa
fisk og búa sig út í nýja veiði-
ferð, sumir á saltfiskveiðar,
að'rir á ísfiskveiðar fyrir
brezkan markað, en ætla þó
að leggja fiskinn á land í
frystihús og verksmiðjur, ef
greiðist úr verkfallinu, áður
en veiðinni er lokið.
Afli hefur verið ágætur á
karfaveiðum, en tregur á
þorskveiðum. Skipin hafa
verið um allt að veiðum, fyr-
ir vestan og norðan og aust-
ur við' Langanes. Það er oft
millibilsástand hjá fiskinum
um þetta leyti, þegar aflinn
þrýtur sunnanlands, annars
er fiskurinn á þessum tíma
fljótur að skríða á miðin. Nú
er líka sá tími kominn, sem
fiskurinn á að fara að ganga
á Hornbankann eftir gamalli
venju. Hér áður hafði fiskur-
inn sinn ákveðna tíma til að
koma á viss mið, að svo er
raunar enn að mestu leyti,
þótt það sé nokkuð breytt.
Annars má segja, að setið sé
fyrir fiskinum, hvar sem er,
skipamergðin er svo mikil.
Mjög mikil ringulreið er nú
á skipunum, hvað einstakar
veiðar snertir, hægt er þó að
segja, að þessir togarar séu á
ísfiskveiðum fyrir brezkan
markað: Maí, sem er á útleið
og selur á mánudaginn, Jón
forseti, sem leggur af stað til
Englands í dag, og Elliðaey,
Egill Skallagrímsson, Röðull
og Hallveig Fróðadóttir, sem
eru á veiðum.
Vestmannaeyjar.
Síðustu netabátarnir tóku
upp þorskanetin á miðviku-
daginn. 3 bátar róa með línu,
og hefur aflinn komizt upp í
7 Iestir í róðri.
Hjá togbátunum hefur ver-
ið sæmilegur afli, 10—20 lest-
ir eftir 2 daga útivist. Drag-
nótabótar afla einnig vel, en
þoka hefur nokkuð hamlað
hjá þeim veiðum.
Bjarnarey kom inn í vik-
unni með 100 lestir af karfa,
sem fór í frystihúsin og fiski-
m jöl sverksmið j u na.
Grindavík.
3 bátar róa enn með línu,
en hafa lítið fengið, mest 4
lestir í róðri og niður í 2 lest-
ir. Það er ólíklegt, að þeir
haldi úr þessu áfram nokkuð,
sem heitir.
Einn eða tvo báta er verið
að búa út á lúðuveiðar.
Það stendur til að bora eft-
ir neyzluvatni. Hingað til hef-
ur eingöngu verið notað rign-
ingarvatn, sem safnað hefur
verið saman á húsþökunum.
SandgerSi.
12 bátar stunda enn róðra,
en 10 eru hættir. Afli hefur
verið tregari í síðustu róðr-
um, enda hafa sjóveður verið
heldur óhagstæð miðað við
árstímann, sunnan og suð-
vestan bræla og töluverð
ylgja í sjóinn. Einnig liafa
togararnir enn einu sinni gert
töluverðan usla í veiðarfær-
um bátanna. Má gera ráð fyr-
ir, að þetta hafi dregið tölu-
vert úr aflanum.
Hæstir eru nú:
Mummi, 540 lestir, 82 sjóf.
Muninn II., 515 1. 79 sjóf.
Pétur Jónss., 512 1. 86 sjóf.
Það er viðbúið, að flestir
eða allir bátar hætti róðrum
núna um helgina, þo er ekki
ómögulegt, að einhverjir rói
eitthvað lengur, ef eitthvað
reytist og ekki kemur til
stöðvunar í landi, en það
stendur fyrir dyrum, ef ekki
verður samið í yfirvofandi
kaupdeilu.
Haraldur hefur komið inn
daglega með síld, en veiðin
hefur verið tregari síðustu
daga, 30—40 tunnur, enda
mun veðrið hafa haft einhver
áhrif á síldveiðina.
Einn bátur stundar drag-
nótaveiðar, og hefur afli verið
góður, upp í 2000 kg. af lcola
og töluvert af öðrum fiski.
Annar bátur er nú að búa sig
á þessar veiðar.
Keflavík.
Reytingsafli hefur verið,
sem kallað er, enda orðið á-
liðið, 5, 6 og upp í 8 lestir í
róðri síðustu daga.
11 bátar stunda enn róðra,
eri enginn veit, hvað við tek-
ur vegna vinnudeilunnar. Ef
verkfall skellur á, er ekki að
vita, hvort nokkrir möguleik-
ar verða til að róa, og þá
varla aðrir en þeir, að menn
geri sjálfir að aflanum. En
um þetta er allt í óvissu.
Aflahæstu bátarnir eftir
miðvikudagsróðurinn 16. maí:
Björgvin, 545 lestir, 82 sjóf.
Anna, 508 lestir, 81 sjóf.
Jón Guðm. son, 491% lest,
74 sjóf.
ÓI. Magnússon, 491% lest,
81 sjóf.
Það er eftirtektarvert, hve
tveir síðasttöldu bátarnir eru
jafnir. Þeir eru enn á veiðum.
Björgvin, sem nú er hæst-
ur, hafði í fyrra 18. maí eða
sem sagt á sama tíma og
núna, 399 lestir, og hefur
hann þannig mun meiri afla
núna.
En aflahæstur 18. maí í
fyrra var ÓI. Magnússon með
558% lest í 87 sjóferð'um, og
er líklegt, að Björgvin hafi
í gær verið búinn að fá sem
sagt nákvæmlega sama afla
í mjög álíka mörgum róðrum,
3 færri eða svo.
Einn bátur — Keflvíking-
ur — hefur verið á lúðuveið'-
um síðan um mánaðamót og
var búinn að afla rúmar 20
lestir af lúðu fratn að hvíta-
sunnu, sem er gott.
Einn togbátur leggur á land
afla. sinn, og hefur afli verið
góður hjá honum síðasta hálfa
mánuðinn.
6 bátar stunda dragnóta-
veiðar, og hefur afli verið
sæmilegur, aðallega þorskur.
Lítið hefur verið á hand-
færin.
í vikunni hafa verið losað-
ir tveir togarar, ICeflvíkingur
með 230 lestir af karfa og 70
lestir af saltfiski og Bjarni
riddari með 250 lestir, inest
karfi, Iftið eitt upsi og þorsk-
ur.
Hvassafellið var í vikunni
og tók á 5. þús. pakka af salt-
fiski og norskt skip, sem tók
2000 pakka af löngu.
Hafnarfjörður.
Allir bátar eru nú hættir á
línuveiðum. Aflahæstu bát-
arnir í vetur voru:
Sævar, 361 lest, 68 sjóf.
Hafbjörg, 351 lest, 69 sjóf.
Vörður, 350 lestir, 56 sjóf.
Vonin, 340 lestir, 58 sjóf.
ísleifur, 307 lestir, 71 sjóf.
Guðbjörg, 302 1., 66 sjóf.
Heildaraflinn var 4274 lest-
ir í 879 róðrum.
Togararnir eru stöðugt að
koma inn, sumir með ágætis-
afla.
Akranes.
Óvenjumikið hefur verið
að gera undanfarið, togarar
hafa verið losaðir svo að
segja dag og nótt. Það er bú-
ið að losa 5 togara síðan á
annan í hvítasunnu, Bjarna
Olafsson með 374 lestir, sem
var mest allt karfi, sem fór í
frystihúsin. Þá voru teknar úr
Fylki 105 lestir, sem fóru í
verksmiðju, en afganginn af
farminum fór hann með til
Reykjavíkur. Neptúnus kom
með 279 lestir og ísólfur með
253 lestir, og var hvora-
tvegg-ja hreinn karfi og fór í
verksmiðjuna. Loks kom
Marz með 300 lestir, og fóru
200 lestir í frystihús og 100
lestir í verksmiðju.
5— 7 bátar róa enn með'
línu, og hefur aflinn verið 3—
5 lestir síðustu daga. Dregur
alltaf úr þeim, sem stunda
róðra.
Aflahæsti báturinn eftir
miðvikudagsróðurinn var Sig-
urfari með 42‘5 lestir í 67 róðr-
um.
Keilir kom inn á miðviku-
daginn af lúðuveiðum með
530 lúður, sem vógu 13.630
kg. Er Keilir búinn að fara
tvo túra og búinn að' fá sam-
tals í þeim 30 lestir af lúðu
á % mánuði, og er það ágætt.
Svanur kom inn í fyrradag
með 600 lúður.
Verksmiðjan vinnur nú
nótt og dag. Afköst hennar
eru 270—280 lestir af hráefni
á sólarhring. I cillum frysti-
húsunum er unnið eins og af-
köst þeirra frekast leyfa.
ísafjörður.
3 togbátar stunda veiðar,
og hefur verið mjög lítill afli
hjá þeim undanfarna viku, 10
—15 lestir.
Dísirnar, Hafdís og Frey-
dís, hafa verið í út.ilegu í vet-
ur og l.agt mestallan afla sinn
á land fyrir sunnan. Hafdís
fékk 330 lestir og Freydís 280
lestir.
Einn bátur af þeim stærri
rær með línu, og hefur aflinn
verið mjög tregur, 2—2% lest
i roon.
6— 8 trillubátar stunda nú
róðra. Hafa þeir fengið góð-
an afla á örlitlum bletti und-
ir Grænuhlíð. Þangað gengur
oft fiskur á vorin, en það er
ekki nema fyrir minni bátana.
Togarinn ísborg kom inn í
vikunni með 160 lestir af
karfa, sem fór allur í frysti-
húsin á ísafirði og nágrenn-
inu.
Tíð’arfarið hefur verið gott,
en talsverður snjór er eftir,
sem leysir hægt, en jafnt.
Enginn bátur stundar drag-
nótaveiðar.
Gert er ráð fyrir, að eitt-
hvað verði gert út. á síld fyrir
norðan, en allt er það enn í
óvissu. Erfitt verður að fá
menn á síldveiðar, því að þeir
eiga enn ófengið greitt mikið
af kaupinu sínu frá því i
fyrra.