Búnaðarrit - 01.01.1985, Blaðsíða 118

116
BÚNAÐARRIT
eftir ferðaútgáfum af þessum einkatölvum enn sem komið
er. Þó ýmislegt megi finna að þessari vél hefur hún ekki
valdið mér teljandi vonbrigðum þann stutta tíma, sem ég
hef haft not af henni. Tölvan er með tveimur diskettu-
drifum og 256 k minni og grafískum gulum skjá, sem er í
minna lagi.
Nokkurn tíma hefur tekið að þjálfa sig í notkun þessarar
vélar, en sambærilega vél notaði ég við að tölvuvinna
landbúnaðarframtöl fyrir bændur í mars og apríl þegar ég
var í launalausu leyfi. í maí og júní vann ég að gerð
reiknilíkans fyrir refabú og síðan minkabú. Líkanið er byggt
upp þannig, að gefnar eru upp ákveðnar forsendur og út frá
þeim forsendum reiknar líkanið út stofnkostnað og rekstr-
aráætlun. í minkalíkaninu er einnig sett upp greiðsluflæði
eftir mánuðum. Bæði þessi líkön eru unnin í samvinnu við
Sigurjón Bláfeld, ráðunaut. í desember vann ég einnig að
áætlun fyrir kanínubú, sem er þó ekki lokið, þar sem erfitt
er að fá nákvæmar tölulegar upplýsingar um rekstur á
kanínubúum. Við þessa líkangerð eða áætlanagerð er
notaður töflureiknir, sem nefnist „Multiplan“, en hann
keypti ég í júní á 7 900 kr. Fyrsti töflureiknirinn, sem kom
fram á sjónarsviðið, nefnist „Visi calk“, og olli meiri háttar
byltingu í hugbúnaðarþróun í tölvuheiminum. Nú eru til
margir slíkir töflureiknar, en eftir því sem þeir verða
fullkomnari og fjölhæfari þarf meiri þjálfun við notkun
þeirra. Aðeins tveir þeirra geta tekið íslenska stafi,
þ. e. a. s. „Multiplan“ og „Symfony“, en þeir kosta um
30 000 kr., en ákvörðun um kaup á þeim töflureikni hefur
ekki verið tekin.
í lok ágúst gafst mér tækifæri til þess að sækja námskeið í
„Lotus 123“, sem stóð í þrjá daga. Lotus er fyrirrennari
„Symfony" og fullkomið á margan hátt. T. d. má með því
setja niðurstöður fram í myndrænu formi.
í búnaðarblaðið Frey skrifaði ég grein um landbúnaðar-
framtalið og aðra með Kristjáni Guðlaugssyni um tölvu-