Fréttablaðið - 29.03.2010, Blaðsíða 6

6 29. mars 2010 MÁNUDAGUR
Skeifan 11B • 108 Reykjavík
Sími 511-3080 • tsk@tsk.is
www.tsk.is
Vinsælt og hagnýtt nám fyrir skapandi fólk. Hentar einnig vel
þeim sem vilja hanna sínar eigin auglýsingar og bæklinga.
Kennt er á mest notuðu hönnunarforritin.
• Photoshop CS4
• Illustrator CS4
• InDesign CS4
Einnig læra þátttakendur að ganga frá
verkefnum sínum í Acrobat Distiller (PDF)
Kvöldnám hefst 6. apríl og lýkur 27. maí.
Lengd 105 std. Verð kr. 129.000,-
Allar kennslubækur innifaldar
Grafísk hönnun
Fjarkennsla
í beinni !
GEYMIÐ
AUGLÝSINGUNA
EFNAHAGSMÁL Tafir á framkvæmd-
um vegna stóriðju valda því
að landsframleiðsla mun drag-
ast saman í ár miðað við í fyrra.
Þetta kemur fram í útreikningum
hagfræðinga Alþýðusambands
Íslands fyrir Fréttablaðið. Frek-
ari tafir munu orsaka minni lands-
framleiðslu sem hleypur á millj-
arðatugum.
Fréttablaðið óskaði eftir því
að áhrif tafa vegna Icesave yrðu
metin. Erfitt er að segja með fullri
vissu hvað er beint hægt að tengja
við Icesave. Engum blöðum er þó
um það að fletta að óvissa vegna
samninganna hefur valdið erfið-
leikum í fjármögnun, og nægir að
vísa til orða seðlabankastjóra um
áhrif á höft og gengið.
Þó takist að eyða óvissu vegna
Icesave og framkvæmdir við stór-
iðju fari á fullt í júní, er engu að
síður samdráttur í landsfram-
leiðslu á milli ára. Verg lands-
framleiðsla færi úr 1.500 millj-
örðum árið 2009 í 1.442 árið 2010.
Hún mundi aukast lítillega og
verða 1.481 milljarður árið 2011
og 1.572 árið 2012.
Þetta er bjartsýnisspá og gerir
ráð fyrir að semjist um Icesave og
fjármögnun gangi hratt og snurðu-
laust fyrir sig í kjölfarið. Allsend-
is er óvíst hvort svo verður.
Tefjist þessar framkvæmdir um
eitt ár og þær fari á fullt árið 2011
líta málin mun verr út. Landsfram-
leiðslan verður þá 12,5 milljörðum
lægri árið 2010, 16,5 árið 2011 og
tæpum 13 milljörðum árið 2012.
Þetta þýðir að á þessum þremur
árum verður landsframleiðslan 48
milljörðum minni en ella.
Verði stóriðjuframkvæmdirnar
slegnar af hækkar sú tala umtals-
vert. Uppsöfnuð lægri landsfram-
leiðsla, árin 2010 til 2012, yrði 133
milljarðar króna. Þá má nefna að
heildarfjármunamyndum yrði 205
milljörðum minni en í bjartsýnis-
spánni.
Með stóriðjuframkvæmdum er
átt við álver í Helguvík og endur-
nýjun í Straumsvík. Þá eru tengd
orkuver tekin með í dæmið.
Fleira er hægt að taka með í
reikninginn þegar kostnaður við
Icesave er reiknaður, til dæmis
atvinnuleysi. Hver atvinnuleysis-
prósenta kostar 2,8 til 3 milljarða
í atvinnuleysisbætur, samkvæmt
upplýsingum frá Vinnumálastofn-
un. Við það bætist minni verð-
mætasköpun, sem gera má ráð
fyrir að kosti að minnsta kosti
sömu upphæð. Hvert prósent er
þá að lágmarki 5,6 til 6 milljarð-
ar króna.
kolbeinn@frettabladid.is
Árstöf vegna Icesave
kostar 50 milljarða
Verði töf á stóriðju um eitt ár vegna óvissu um Icesave verður landsframleiðsla
næstu þrjú ár 50 milljörðum lægri en ella samkvæmt útreikningum ASÍ. Verði
framkvæmdirnar slegnar af verður landsframleiðslan 133 milljörðum lægri.
MANNLÍF Óvissa um Icesave hefur áhrif á fjármögnun ýmissa verkefna. Töf á byggingu álvers í Helguvík og framleiðsluaukningu í
Straumsvík er þjóðarbúinu gríðarlega dýr. FRÉTTABLAÐIÐ/DANÍEL
ÁHRIF ÓVISSU UM FJÁRMÖGNUN
Dæmi 1 - stóriðjuframkvæmdir hefjast á miðju árinu 2010
2009 2010 2011 2012
Fjármunamyndun 211.831 213.360 291.449 333.144
Verg landsframl. 1.500.162 1.442.412 1.480.904 1.571.640
Atvinnuleysi 8,0% 9,1% 8,9% 7,9%
Fjöldi atvinnulausra 13.400 14.700 14.300 12.900
Dæmi 2 - stóriðjuframkvæmdir frestast til ársins 2011
2009 2010 2011 2012
Fjármunamyndun 211.831 181.503 262.359 345.999
Verg landsframl. 1.500.162 1.429.819 1.464.408 1.550.809
Atvinnuleysi 8,0% 10,1% 10,0% 8,8%
Fjöldi atvinnulausra 13.400 16.300 16.100 14.200
Mismunur frá dæmi 1
Fjármunamyndun 0 -31.858 -29.090 12.855
Landsframleiðslan 0 -12.593 -16.496 -20.831
Hlutfallsmunur 0,0% -0,9% -1,1% -1,3%
Við verðum af 49,920 milljörðum++nu 2010 til 2012
Dæmi 3 - Hætt við stóriðjuframkvæmdir
2009 2010 2011 2012
Fjármunamyndun 211.831 181.335 196.594 254.746
Verg landsframl. 1.500.162 1.426.882 1.430.381 1.504.828
Atvinnuleysi 8,0% 10,4% 10,4% 9,4%
Fjöldi atvinnulausra 13.400 17.000 16.800 15.300
Mismunur frá dæmi 1
Fjármunamyndun 0 -32.025 -94.855 -78.395
Landsframleiðslan 0 -15.530 -50.523 -66.812
Hlutfallsmunur 0,0% -1,1% -3,4% -4,3%
Við verðum af 132,865 milljörðum í landsframleiðslu á tímabilinu 2010 til 2012
Heimild: Hagdeild ASÍ
SINUBRUNI Fjórir til fimm hektar-
ar af sinu, lúpínu og trjám urðu
eldi að bráð í Seldal við Hval-
eyrarvatn á laugardagskvöldið.
Slökkviliðið á höfuðborgarsvæð-
inu kom á svæðið skömmu fyrir
miðnætti og hafði slökkt í sin-
unni um tvöleytið. Það var svo
aftur kallað á vettvang í gær-
dag, en þá hafði eldur tekið sig
upp á ný.
Bruninn nú er á svipuðum
slóðum og í apríl fyrir tveim-
ur árum, þegar mikið tjón varð í
sinubrunum við Hvaleyrarvatn.
Þrír ungir menn hlutu þá þriggja
mánaða skilorðsbundinn dóm
fyrir að kveikja í sinunni. Talið
er að nú sé einnig um íkveikju að
ræða. - hhs
Sinubruni við Hvaleyrarvatn:
Fimm hektarar
lands brunnu
SINUBRUNI VIÐ HVALEYRARVATN 2008
Sinubruninn við Hvaleyrarvatn nú var á
svipuðum slóðum og fyrir tveimur árum.
Þá hlutu þrír ungir menn dóm fyrir að
kveikja í sinunni. FRÉTTABLAÐIÐ/STEFÁN
ELDSVOÐI Kona stökk fram af svöl-
um fjölbýlishúss að Fellsmúla 20
á föstudagskvöld, eftir að eldur
kom upp í íbúðinni. Fjórir aðrir
voru í íbúðinni en þeir komust
allir út um aðalinngang íbúðar-
innar. Konan var flutt á slysa-
deild en þar fengust engar upp-
lýsingar um hversu alvarleg
meiðsl hennar voru.
Slökkviliðið á höfuðborgar-
svæðinu slökkti eldinn og reyk-
ræsti íbúðina og stigaganginn.
Samkvæmt upplýsingum þaðan
leit út fyrir að eldurinn hafi
komið upp í rúmdýnu. - hhs
Eldur kom upp í Fellsmúla:
Kona stökk út
um gluggann
SAMKEPPNI Allir sigurvegarar
utan einn í forritunarkeppni
framhaldsskólanna, sem fram fór
um helgina, eru úr Tækniskólan-
um. Sá sem ekki var í Tækniskól-
anum er nemi í Fjölbrautaskóla
Snæfellinga.
Um níutíu framhaldsskóla-
nemar tóku þátt í keppninni, sem
haldin var í samstarfi tölvunar-
fræðideildar Háskólans í Reykja-
vík, Nýherja og CCP. Markmið
keppninnar var að efla og örva
forritunaráhuga ungmenna. - jma
Keppni í forritun:
Sigursælir úr
Tækniskóla
UPPLÝSINGATÆKNI Magn gagnasendinga fór
í fyrsta sinn fram úr umferð talaðs máls í
þráðlausum fjarskiptum í desember síðast-
liðnum. Farsímafyrirtækið Ericsson greindi
frá þessu á CTIA Wireless 2010 ráðstefnunni
í Las Vegas í Bandaríkjunum í liðinni viku.
Niðurstaðan er fengin úr mælingum Ericsson
á gagnaumferð um heim allan.
Meðal þess sem mælingar Ericsson sýna
fram á er að gagnamagn í umferð hefur auk-
ist á heimsvísu um 280 prósent á hvoru síð-
ustu tveggja ára. Að auki er því spáð að
umferðin tvöfaldist á hverju ári, næstu fimm
árin.
Að því er fram kemur í tilkynningu
Ericsson nam heildargagnamagn í hverj-
um mánuði, bæði rödd og gögn, um það bil
140 þúsund terabætum þegar umskiptin áttu
sér stað. Þá sýna mælingar fyrirtækisins að
umferð á svokölluðum „þriðju kynslóðar“ (eða
3G) farsímanetum er komin fram úr hefð-
bundinni GSM (2G) umferð.
„Tímamótin eru mikilvæg. Um 400 milljón-
ir þráðlausra háhraðaáskrifta geta nú af sér
meiri umferð gagna en nemur umferð talaðs
máls í farsímaáskriftum 4,6 milljarða manna
um heim allan,“ er haft eftir Hans Vestberg,
forstjóra Ericsson. - óká
Í SÍMANUM Þráðlausar háhraðatengingar fyrir farsíma
og önnur tæki hafa aukið gagnastreymil á þráðlausum
Netum. MYND/SONY ERICSSON
Ericsson merkir hvernig háhraðatengingar breyta notkunarmynstri fólks á þráðlausum netum:
Meira sent af gögnum en tali í fyrsta sinn
Ætlar þú að reyna að sjá eld-
gosið á Fimmvörðuhálsi berum
augum?
Já 32,3%
Nei 67,7%
SPURNING DAGSINS Í DAG:
Ertu ánægð(ur) með eigenda-
skiptin á DV?
Segðu skoðun þína á visir.is
KJÖRKASSINN