Sameiningin - 01.10.1955, Page 20

42
Sameiningin
Hjartans vinur! Hljótt er yfir
heimaranni þennan dag.
Þú í æðra ljósi lifir
á landi sólar; skipt um hag,
mitt í húmi söknuð sefar
sigurvon um fagnaðs gnótt.
Þar við mætumst, enginn efar.
Ástarkveðjur! Góða nótt!
Samúðarfyllzt,
—Jóhannes H. Húnfjörð
-------------☆--------------
Áætlanir um nýja elliheimilis-
byggingu á Betel
Eftir séra SIGURÐ ÓLAFSSON
Á síðastliðnu kirkjuþingi Hins ev. lúterska kirkjufélags
íslendinga í Vesturheimi, er haldið var að Gimli, Man., var
samþykkt í einu hljóði að byggja nýtt hús fyrir Elliheimilið
Betel á Gimli, þar sem að bygging sú, sem að heimilið er nú
starfsrækt í, er nú orðin gömul og of lítil, og þarfnast mikill-
ar aðgerðar við. Dvalarstaður vistfólks í kjallara hússins er
nú afnuminn. Þriðja hæð hússins er talin óhæf til notkunar
fyrir vistfólk öryggis vegna.
Það var tilfinningin um aðkallandi og bráða nauðsyn til
úrlausnar á þessu stóra vandamáli, sem knúði kirkjuþingið
til að samþykkja ofangreint ákvæði. Biðlisti umsækjenda til
dvalar á heimilinu fer stöðugt vaxandi. Margir umsækjenda
eiga ekkert athvarf á ævikvöldi sínu, annað en von um að
fá athvarf á Betel.
Jafnframt ákvæði um byggingu var gerð samþykkt um
fjársöfnun meðal íslendinga þessu stóra mannúðarmáli til
framkvæmdar. Upphæð þess fjárs, sem nauðsynleg er talin,
ákvað kirkjuþingið að yrði $175,000.00. Ákvæði þingsins var,
að fjársöfnunin færi fram undir umsjón framkvæmdar-
nefndar Kirkjufélagsins. En nú hefir dr. Valdimar J. Ey-
lands, forseti félagsins, beðið Betel-nefndina að takast á