Sameiningin - 01.03.1943, Page 10

40
sitt í sögu og söng, fyrir að sigla norður í eylendurnar
fyrir norðan meginland Kanada. Eg vil að það sé skilið, að
eg er ekki að reyna að varpa skugga á, eða draga úr hug-
rekki og hetjuanda þeirra manna, sem fyrstir sigldu sollin
höf norður landanna. Þeir menn margir hverjir, lögðu út
á ókunn höf, og út í ögrandi hættur, til þess aðallega, að
ganga úr skugga um, að svo miklu leyti sem í þeirra
valdi stóð, hvort hægt væri að brjótast í gegnum ís-
hrannirnar, sjá hvað þær hefðu að geyma og vita hvað
lægi hinu megin við þær.
Mín ferð norður, á ekkert skilt við slík ferðalög. Eg
fór með eimskipi frá Montreal um hásumar ofan hið
mikla og nafnkunna St. Lawrence-fljót í aðdáanlega góðu
veðri. Akrar, þorp og bændabýli, skreyta fljótsbakkana
beggja megin fljótsins og ná nokkuð upp í hlíðarnar, sem
rísa þegar frá fljótinu dregur, en á bak við reis skógurinn
bláleitur til að sjá, í sólbaði dagsins.
Við sigldum vanalega skipaleið framhjá Quebec-borg,
austur St. Lawrence-flóann og austur í gegnum Bell-sund-
ið. Við austurenda þess, snerum við beint í norður og sigld-
um meðfram Labrador-ströndinni í liðlega fimm daga
áður en við komum norður að Chiddly-höfðanum, sem er
norðaustur hornið á Labrador, og höfðum við þá farið um
1000 málur, í norður frá Bell-sundinu.
Ferðalag þetta er frekar tiikomulítið. Að austan var
hafið slétt og bjart alla leiðina, nema hvað íshroði nokkur
mætti okkur er við vorum komnir rösklega miðja leið, en
ekki svo þéttur að skipið kæmist ekki nokkurnveginn við-
stöðulaust áfram.
Að vestan lá Labrador-ströndin há og hrikaleg, skógi
vaxin, fyrst alllangt norður frá Bell-sundinu, en þó fer
skógurinn sí þverrandi unz hann hverfur með öllu, og
skilur ströndina og eyjarnar, fram með henni sem alstaðar
er mikið af, mjög gróðurlitlar — nálega berar, og berg-
runnar og nær þetta gróður- og grasleysi yfir um 400
mílna svæði í suður frá Hudson Strait. Austurströnd
Labrador er lægst, svo hækkar landið í vestur og er tii
fjalla að sjá, sem rísa sum 6000 fet yfir sjávarmál, með
snjóhvíta tinda um miðsumar. Bæði sá fjallaklasi og eins
Laurentian fjöllin sem þar eru fyrir vestan lækka er nær
dregur Hudson-flóanum og Hudson Strait.
Viðkomustaðirnir voru tveir við Labrador-ströndina.
Sá fyrri í bæ, eða þorpi, sem Hebron heitir og er á þriðja