Íslendingur - 23.01.1946, Blaðsíða 4

4
ÍSLENDINGUR
Miðvikudaginn 23. janúar 1946
Ræða
Svafars Guðmundssonar.
Framhald af 1. síðu.
sé, að bæjarbúar eigi jafnan kost á nægum fiski með
hóflegu verði. Tel ég þetta framkvæmanlegt kostnað-
arlítið í samvinnu við sjómenn og fisksala bæjarins.
Barnaskóli Akureyrar er orðinn of lítill og knýj-
andi þörf, að úr verði bætt sem fyrst. Eg vil beita mér
fyrir því, að hafinn verði þegar í stað undirbúningur
að byggingu nýs barnaskóla á Oddeyrinni.
Sjúkrahús bæjarins er ófullnægjandi, svo að til
vandræða horfir. Ég vil beita mér fyrir því, að úr
þessu verði bætt nú þegar á þann hátt, að allir megi
við una. Þar sem hér er um kostnaðarsamt fyrirtæki
að ræða, tel ég velvild og stuðning kvenfólksins ó-
metanlegan og geta flýtt framkvæmdum til muna.
Fæstar húsmæður eiga kost á verulegri aðstoð við
beimilisstörfin. Því tel ég rétt, að bærinn leitist við
að létta hinum erfiðari störfum af húsmóðurinni. Því
er ég því hlynntur, að bærinn lcomi upp nýtízku-þvotta-
húsi, sem annist þvotta fyrir þá, sem þess óska, með
kostnaðarverði.
Ég vil stuðla að því, að barnaleikvöllum verði
fjölgað og þeir búnir betri tækum en nú er. Tel ég
að athuga beri, hvort ekki sé tiltækilegt að hafa leik-
skóla og dagheimili í sambandi við barnaleikveHina.
Ég mun vinna að þ'ví, að sorphreinsunin í bænum
komist í viðunandi lag.
*
Við heimilisfeðurna skal þetfa sagt:
Góð húsakynni bæta heimilislífið 'og eru þýðingar-
mikil fyrir heilsu bamanna. Byggingar eru hins vegar
oýrar, svo að bærinn getur ekki af eigin ramleik á
skömmum tíma bætt úr þörfum allra, sem búa við
óviðunandi húsakost.
Ég mun því leitast við að greiða götu þeirra, sem
vilja byggja, með því, að bærinn láti þeim í té lóðir
rneð góðum kjörum, ennfremur teikningar og leið-
beiningar, ef óskað er. Ennfremur tel ég, að bærinn
eigi að selja sand og möl með kostnaðarverði.
Verði hins vegar samþykkt lög þau, sem nú liggja
fyrir Alþingi, um aðstoð ríkisins við húsabyggingar
í bæjum og kauptúnum, mun ég beita mér fyrir því
af alefli, að bærinn notfæri sér þá aðstoð, sem þar er
boðin, til hins ýtrasta.
Ég er því fylgjandi, að hafist verði þegar handa um
byggingu sambýlishúsa með 2ja og 3ja herbergja
íbúðum, eins og Reykjavíkurbær hefir látið byggja,
og íbúðirnar síðan seldar bæjarbúum með kostnaðar-
T-erði.
Eigi bærinn nokkra framtíð fyrir höndum, er áríð-
andi, að hann hafi ráð á nægu landrými. Ég tel því
rétt, að stefnt sé að því að kaupa upp allar jarðeignir
í Kræklingahlíðinni og spilduna allt til sjávar við
Dagverðareyri, þegar jarðir þessar verða fáanlegar
með hóflegu verði. Með því væri þeim bæjarbúum,
sem jörðina vilja yrkja, tryggt nóg af góðu ræktar-
iandi og bænum mikilir möguleikar fyrir komandi
kvnslóðir.
*
Við sjómennina segi ég:
Hin ágæta sjálfgerða höfn bæjarins er í vanhirðu.
Hana þarf að laga og byggja fleiri skipalagi. Til
þessa þarf mikið fé, en tekjur hafnarinnar eru nú
rýrar, og sá litli sjóður, sem höfnin átti, er uppétinn •
til framkvæmda þeirra, sem byrjað hefir verið á við
Glerárósa. Ég vil vinna að því, að hafnargjöldin verði
hækkuð, svo að höfnin hafi fé til viðhalds og nýsköp-
unar, án þess að hún þurfi að vera bæjarsjóði fjárhags-
leg byrði.
Ég tel, að fylla eigi upp sunnan Strandgötunnar,
þannig að strandlengjan myndi bogadregna línu frá
Olíugeymunum, en forarpyttur sá, sem nú er kallaður
smábátahöfn, liverfi að mestu í uppfyllinguna. Þar
sem nú er flóðgátt smábátahafnarinnar, gætu komið
2 til 3 skipalægi, eða ef hentara þætti, kví fyrir smá-
skip og báta, en skipalægin austur við Strandgötuna.
Þá tel ég sjálfsagt, að hafnarsjóður byggi myndar-
legar vöruskemmur á hentugum stað við höfnina og
hagi rekstri þeirra svipað og gert er í Reykjavík.
Nýsköpun útvegsins er knýjandi nauðsyn. Keypiur
hefir verið einn togari og einn eða "veir vélbátar.
Aðstaða bæjarins til síldveiða er góð, g atviunugrein
þessi á tvímælalaust mikla framtíð fyrir höndum.
Það getur því ekki talizt viðunandi, að minna en 20
stór síldveiðiskip bætist við flota þann, sem fyrir er,
á næstu árum. Reykjavíkurbær hefir fest kaup á 20
nýtízku-togurum og mun halda þeim út, fáist einstakl-
ingarnir ekki til að taka að sér þann rekstur. Ég tel,
að við eigum að fara að dæmi Reykvíkinga og setja
markið ekki lægra en það, að 20 stór síldveiðiskip
bætist vð þá útgerð, sem fyrir er, á næstu árum. Mín
persónulega skoðun er sú, að síldveiðar séu okkur
Norðlendingum jafn-eðlilegur atvinnurekstur og tog-
araveiðar Sunnlendingum, en um það má hafa góðra
manna ráð og láta reynsluna skera úr.
Ég vil beita mér fyrir því, að aðstaða smáútvegsins
verði bætt með byggingu verbúða á hentugum stað við
höfnina, á svipaðan hátt og gert hefir verið í Reykja-
vík, og þær leigðar útvegsmönnum fyrir sanngjarnt
verð.
*
ViS iðnaðarmennina segi ég: . j
Allur iðnaður byggist að verulegu leyti á greiðum
aðgangi að auðugum orkulindum. Rafmagnið er okk-
ar orkugjafi. Því mun ég styðja að því, að þegar í
stað sé hafin undirbúningur að stórfelldri aukningu
I axárvirkjunarinnar.
Eg mun beita mér fyrir því, að tekin verði upp þegar
í btað sem nánust samvinna við Nýsköpunarráð og rík-
i.stjórn í því augnamiði, að draga hingað til bæjarins
sem mest af þeirri iðnaðarnýsköpun, sem fyrirhuguð
er á vegum ríkisins.
Vegna járniðnaðarins í bænum óg síldveiðiflotans
er óhjákvæmilegt, að byggðar verði hér öflugar drátt-
^rbrautir og það sem fyrst. Ég mun styðja að því, að
bærinn skapi aðstöðu til, að þetta geti orðið, en bygg-
ing dráttarbrautaanna og rekstur fyrirtækisins tel ég
Letur kominn í höndum sjálfra iðnfyrirtækjanna en
í höndum bæjarins. Ég vil því stuðla að því, að þessir
aðiljar bindist samtökum um framkvæmdir í þessum
efnum, ef þörf gerist með aðstoð eða þátttöku bæjar-
in^, enda hafi þá öll iðnfyrirtæki bæjarins jafnan rétt
til afnota af mannvirkjunum.
*
Við verkafólk baejarfélagsins segi ég þetta:
Ég vii vinna að því, að þið fáið í hendur nýtízku-
vinnuvélar, svo ao afköst ykkar við nýsköpun bæjarins
geti orðið ykkur til sóma óg bænum Lil gagns og i1
unar.
Eg vil beita mér fyrir því, að bæfinn ráði í þjónustu
sína hæíaii vcrkfræðinp. "Íl að undirlma þau verk, sem
vinna skal, og annast iramkvæmd þeirra.
*
Við alla bæjarmenn segi ég:
Það þarf að opna gluggana á salarkynnum bæjar-
ins. svo að andrúmsloft kaupfélagsklíkunnar rjúki út.
í því augnamiði legg ég til, að komið verði á bæjar-
ráði til tryggingar athafnasömu starfi við nýsköpun
bæjarins.
Ég skora því á athafnasamt fólk í bænum, að veita
okkur öflugan og einhuga stuðning með fylgi sínu á
kjördegi, til þess að koma fyrirætlunum okkar í
framkvæmd. (
Kjósið D-listann!
ý ____________ . ’•. - . ■ n

Vinsælustu drykkirnir eru:
KOLASODA
Morgan: creamsoda
CLUBSODA
GINGER ALE
og hinn vel þekkti ávaxtadrykkur: VALASH.
Heildverzl. Yalg. Stefánssonar

Kjósið D'listann!
KOSNINGASKRIFSTOFA
/
SJÁLFSTÆÐISMAN'NA
er í HAFNARSTRÆTI 101, II. hæð (innst á ganginum).
Opin 10—12, 13—19 og 20—22.
Sjálfstœðismenn! Komið á skrifstofuna til viðtals, og takið þátt
í undirbúningi bœjarstjórnarkosninganna. Sími skrifstofunnar er
nr. 354.
Fulltrúaráðið.
Tilsölu
er G. M. C. vörubifreið (Truck) með tækifærisverði,
* ef samið er strax.
Bifreiðin er með nýjum mótor og á öllum dekkum
nýjum.
Uppfýsingíir á Nýju Bílastöðinni.
í
jfsfæðískjóseiiÉr
sem fara burtu úr bæn-
um fyrir kjördag og bú-
ast við að verða fjarver-
andi þá, eru áminntir
um að kjósa, áður en þeir
fara. Allar upplýsingar á
skrifstofunni í Hafnar-
stræti 101, sími 354.
Danska smjörið
er komið.
já x Stofnauki nr. 1 gildir
fyrir 1 kg.