Íslendingur - 18.09.1959, Page 2

2
ÍSLENDINCUR
Fösludagur 18. septemLer 1959
pór vestur ún ftess nð
s»©fefeiins t©nd© |»ar
Raksf þor þó á fjarskylda ættingja.
Árni Brandson fró Hnausum í heimsókn á íslandi.
Meðal margra Vestur-íslend-
inga, sem lagt hafa leið sína
„heim“ í sumar, er Árni Brand-
son frá Hnausum, Manitoha, og
náði fréttamaður hlaðsins nýlega
tali af lionum. Árni kom hingað
heim 18. júní sl. og fer aftur vest-
ur um n. k. mánaðamót. Hefir
hann iengst af dvalið í Reykjavík,
á Patreksfirði og Akureyri, að
undanteknum 10 dögum, er hann
hrá sér í för til Norðurlanda.
Við innum Árna eftir ætt lians
og uppruna.
— Eg er fæddur að Ilnjóti í
Orlygshöfn við Patreksfjörð 21.
júlí 1890, svarar Árni. Foreldrar
mínir voru Brandur Árnason og
Sigþrúður Einarsdóttir, er þá
bjuggu þar búi sínu. Faðir minn
dó, áður en ég varð tveggja ára.
Nítján ára gamall fór ég einn
míns liðs vestur urn haf, alger-
lega ókunnur þar og þekkti þar
engan nákominn ættingja. Ég
settist að í Winnipeg.
— Og komst fljótt í atvinnu?
— Já. Fyrsta sumarið vann ég
alla algenga vinnu en næsta vetur
í fiskiveri á Winnipegvatni á
vegum Magnúsar Magnússonar
frá Patreksfirði, og kom þá í ljós,
að við vorum fjórmenningar að
frændsemi. Fór þá aftur til Winni-
peg og stundaði þar bygginga-
vinnu fram til 1930. Þá hófst
kreppan, og flutlist ég þá að
Ilnausum í Nýja-íslandi og hef
átt þar heima síðan. Stundaði þar
fiskiveiðar í Winnipegvatni og
húsabyggingar jöfnum höndum.
Vann þar á tímabili hjá Kanada-
stjórn sem eftirlitsmaður við
bryggjugerðir við Winnipegvatn.
— En fjölskyldulíf?
— Eg kvæntist Kristbjörgu
Sigurbjörnsdóttur Einarsson. Hún
var af Norður-þingeyskum ætt-
um, en fædd vestra. Við eignuð-
umst 2 dætur, sem báðar eru gift-
ar Islendingum. Er annar bóndi í
grennd við Árborg, en hinn í
Winnipeg. Konu mína missti ég
fyrir 3 árum.
— Hvernig h'kar þér að koma
heim?
— Ágætlega. Allt fólk, sem ég
hef mætt hér og kynnzt, hefir ver-
ið mjög elskulegt, gestrisni nær ó-
takmörkuð, og tel ég mig þó ekki
eiga sérstakt atlæti skilið, sem
hvarf svo ungur að heiman. Ég
hef tvisvar komið heim áður, síð-
ast 1948, en þá voru liðin yf.ir 30
ár frá fyrri heimkomu.
— Og hjá hverjum hefir þú
dvalið hér heima?
— í Reykjavík hélt ég til hjá
frænku minni, Halldóru Halldórs-
dóttur Bólstaðarhlíð 28, og hér á
Akureyri hjá mági mínum og
hálfsystur, Helga Tryggvasyni og
Kristínu Jóhannsdóttur Þing-
vallastræti 4. Þá var ég 16 daga í
heimsókn hjá vinum og ættingjum
á Patreksfirði og hélt íil hjá þeim
frændum mínum Árna Magnús-
syni og Ólafi Magnússyni á
Hnjóti. Vil ég biðja þig að flylja
gestgjöfum m'ínum kveðju og
þakkir, en þeir hafa allt viljað
fyrir mig gera. Einnig hafa þeir
Árni Bjarnarson og Gísli Ólafs-
son á Akureyri greitt götu mína
eftir beztu getu, og er ég þeim
innilega þakklátur. Geri ég mér
litlar vonir um að koma oftar
heim, þólt viljinn til þess sé fyrir
hendi.
Við röbbum nokkru lengur við
Árna, þótt hér verði það ekki
frekar rakið, — komumst að því,
að hann hefir starfað talsvert í íé-
lagssamtökum íanda vestra, svo
Arni Brandson.
sem lestrarfélögum og Þjóðrækn-
isfélaginu og verið skólaróðsfor-
maður um 10 ára skeið. Engin
leið er að merkja af máli hans og
framburði, að hann hafi frá því
um tvítugsaldur dvalizt í annarri
heimsólfu, og aðeins tvívegis kom-
ið í stutta heimsókn til föður-
landsins.
Við árnum honum góðrar ferð-
ar vestur yfir hafið að lokinni
þriðju heimsókn sinni á Islandi.

oor
i or
Hér á Akureyri hófst slátrun
hjá Kaupfélagi Eyfirðinga í gær
og stendur yfir einn mánuð. Alls
á að slátra hér 32920 fjár, á
Grenivík 3000 og á Dalvík 7520,
eða samtals hjá KEA 43440 fjár.
Er það nokkru minn,i slátrun en í
fyrra, og stafar það vafalaust af
góðum heyfeng bænda í Eyja-
firði, svo að þeir liafa liug á að
setja fleira sauðfé á vetur. Við
sláturhúsið hér vinna um 100
manns.
Á SvalbarSseyri hófst slátrun
einnig í gær hjá Kaupfélagi Sval-
barðseyrar. Verður þar slátrað
II þús. fjár. Stendur slátrunin yf-
ir tæpan mánuð, og vinna að
henni 55—60 manns.
Á Húsavík er slátrun hafin hjá
K. Þ. Tala sláturfjár 32500, þar
af verður slátrað 4500 að Ófeigs-
stöðum í Köldukinn. Slátrun mun
standa yfir tæpan mánuð.
Á Kópaskeri hófst slátrun hjá
Kaupfélagi Norður-Þingeyinga á
þriðjudaginn og er tala sláturfjár
þar áætluð 23300. Lýkur slátrun
17. okt. Að henni vinna rúmlega
70 manns. Samkvæmt frásögn
framkvæmdastjórans, Þórhalls
Björnssonar, virðast dilkar vera
rýrir.
Á Sanðárkróki hófst slátrun á
miðv.ikudag. Tala sláturfjár um
32 þúsund eða 1400 á dag. Lýkur
slátrun um 15. okt., og vinna að
henni um 100 manns. Sláturhús-
stjórinn þar telur, að dilkar virð-
ist vera rýrir. Ekki er ósennilegt,
að nokkur slátrun verði einnig
hjá Verzlunarfélagi Skagfirðinga,
sem sótt mun hafa um sláturleyfi.
Áætluð sláturfjártala þess er um
5 þúsund.
Á Hofsósi hefst slátrun n. k.
mánudag hjá Kaupfélagi Austur-
Skagfirðinga, og verður þar
slátrað 7400 fjár. Stendur yfir í
3 vikur. Starfsfólk 25.
I Ilaganesvík slátrar Samvinnu-
félag Fljótamanna 5500 fjár.
Hefst slátrun í næstu viku og mun
standa yfir 3 vikur.
Hjá Kaupfélagi Olafsfjarðar
hefst slátrun úr 20. þ. m. og lýkur
um n. k. mánaðamót. Slátra verð-
ur 1500 fjár, sem 10—12 menn
vinna að í 10 daga.
-------X---------
TÍÐARFAR
það sem af er þessari viku hef-
ir verið betra en nokkru sinni fyrr
á sumrinu, stillt veður og allt að
20 stiga hiti. Loftið hefir verið
mistrað af hitanum, og sólskin því
dauft.
Heima er bezf,
9. hefti þessa árgangs hefst á rit-
stjórnargrein „Að höfuðdegi“. Þá
er grein um Sigurð A. Magnússon
rithöfund og blaðamann e. Matth-
ias Johannessen, Veðurstöðin í
Ósfjöllum, frásögn e. Halldór
Stefánsson, Norskur piltur í heim-
sókn e. St. Std., Á Urðarhlíð (nið-
urlag) e. Bergsvein Skúlason, Erf-
iður fiskiróður e. Árna Árnason,
framh. af æviminn.ingum Bjargar
Dahlman, Þóttur æskunnar (Frá
byggðum Borgarfjarðar), dægur-
lagaþáttur, framhaldssögurnar o.
fl. Forsíðumyndin er af Sigurði
A. Magnússyni, en Kristján Kristj-
ánsson teiknar kápu.
Ur Skagalirði
Sauðárkróki 13. sept.
Hingað sigld.i inn í dag nýtt
fiskiskip (togari), sem hefir lilot-
ið nafnið Skagfirðingur SK 1.
Skipið er nýtt, smíðað í Austur-
Þýzkalandi. Það er talið um 250
smálestir. Ganghraði í reynsluför
12.67 sjómílur. Aðalvél þess er
„Mannheim“ dieselvél. Skipið er
talið búið fullkomnum siglinga-
og fiskileitartækjum og aðbúð
skipverja mjög góð. -— Eigandi
skipsins er Sauðárkrókur þ.e.a.s.:
Aðilar að eigninni eru ailir stað-
settir á Sauðárkróki: 1. Frystihús-
fyrirtækið Fiskiver, sem er eign
bæjarfélagsins, er talið eigandi að
þremur fimmtu. 2. Frystihúsfyrir-
tækið Fiskiðja — einuni fjórða,
en það er eign K. S., sem á hér
heimili. 3. Bæjarsjóður er talinn
eigandi að rúmum sjöttungi. —
Illutafélagið Skagfirðingur h.f. er
þannig sauðkrækst fyr.irtæki.
Skipstjórinn, er sigldi skipinu
heim er Guðmundur Grettir Jós-
efsson, 1. stýrimaður Jóhann Ad-
ólfsson og 1. vélstjóri Guðmund-
ur Jónasson. En skipshöfn mun
alls vera 14 manns.
-------X-------
Siprfcjðn Bjiriðioi
kjörirðn formaður Bridge-
félags Akureyrar
Síðastliðið þriðjudagskvöld var
haldinn aðalfundur Bridgefélags
Akureyrar í Landsbankasalnum.
Fráfarandi formaður, Ármann
Helgason, gaf yfirlit um starfsemi
félagsins sl. ár, og hefir hún ver-
ið fjölþætt, og hagur félagsins
góður á árinu. Á fundinum voru
veitt verðlaun fyrir unnin afrek
sl. vetur. Sveit Mikaels Jónssonar
vann til eigpar bikar meistara-
flokkskeppninnar, sem sveitin hef-
ir sigrað í 5 sinnum alls. í fyrsta
flokki sigraði kvennasveit Mar-
grétar Jónsdóttur, og er það í
fyrsta sinn, að konur komast í
meistaraflokk félagsins, og var því
sérstaklega fagnað.
Sigurvegarar í tvímennings-
keppni voru Mikael Jónsson og
Þórir Leifsson, í parakeppni Bald-
ur Árnason og Margrét Ingi-
marsdóttir og einmenningsmeist-
ari Knútur Otterstedt.
Úr stjórn félagsins gengu nú
formaður Ármann Helgason og
gjaldker.i Knútur Otterstedt. For-
maður var kjörinn Sigurbjörn
Bjarnason og í stjórn til tveggja
ára Jónas Stefánsson og Mikael
Jónsson. Fyrir voru í stjórninni
Halldór Helgason og Gísli Jóns-
son.
Vetrarstarfsemi félagsins mun
hefjast af fullum krafti upp úr
mánaðamótunum.
Formaður hlutafélagsstjórnar
Skagfirðingur h.f. Árni Þor-
björnsson lögfræðingur. Og gert
er ráð fyrir að framkvæmdastjóri
verði Páll Þórðarson, sem er
framkvæmdastjóri Fiskivers h.f. á
Sauðárkróki.
Skagfirðingur liggur nú hér við
hafnargarðinn, fánum og skraut-
veifum skrýddur. Mun hann
leggja út héðan í fyrstu veiðiför
undir vikulokin. Vonandi mun
óskhyggja allra ábyrgra aðstand-
enda endast honum til mikillar
hlítar.
J. Þ. Bj.
---------□---------
Feginíi ðfirðurieii
Framhald af 1. síðu.
ist hann sérstaklega að illgresinu
njólanum, sem virð.ist liafa num-
ið óþarflega mikið land í bæn-
um, og ræddi nokkuð möguleika
á að sigrast áhonum, og var tekið
undir það af öðrum, sem til máls
tóku í hófinu. Töldu flestir, að
njólagróðurinn væri versti óvin-
ur þeirra, er v.inna vildu að fegr-
un bæjarins, en jafnframt var
upplýst, að húsbyggjendur á Ak-
ureyri væru fljótari til að ganga
frá snyrtilegum lóðum én víðast
þekkisl annars staðar. Þá var
minnzt á hinn nýja grasgarð í
Lystigarði Akureyrar, sem mundi
nú vera hinn fullkomnasti á land-
inu, m. a. var upplýst, að einn af
félögum F. A. hefði far,ið utan á
sl. sumri og haft heim með sér urn
100 nýjar plöntur í grasgarðinn.
Bærinn nýtur góðs af.
Það kofn fram í umræðum í
hófi þessu, að garðeigandinn er
ekki einungis að fegra umhverfið
fyrir sjálfan sig, þótt liann kunni
að hafa það fyrst og fremst í
huga, heldur er hann jafnframt að
fegra bæinn. Fyrir því hefir Fegr-
unarfélag Akureyrar lagt á það
sérstaka áherzlu allt frá stofnun
þess, að veita verðlaun eða viður-
kenningar fyrir bezt hirtu lóðirn-
ar og garðana. Formaður gat þess
í lokaræðu sinni, að það ætti að
vera Akureyringum metnaðarmál
að hirða vel lóðir sínar og garða
til þess að það orð mætti fara af
Akureyri, sem hún hefir þegar á-
unnið sér, að hún væri þrifalegur
bær og snyrtilegur. Góð hirðing
garðanna veitir okkur sjálfum á-
nægju og gerir okkur að betri
mönnum, sagði Jón formaður að
lokum.
Fegrunarfélag Akureyrar vinn-
ur gott verk og mætti því njóta
fyllsta skilnings og fulltingis allra
þeirra borgara, sem vilja fegurð
og þrif bæjarins sem mest.