Íslendingur - 01.04.1981, Blaðsíða 6

Iþróttir
Umsjónarmenn:
RAGNAR ÞORVALDSSON
EINAR PÁLMI ÁRNASON
WSSm**
KjSlK
Lið KA er öðlast hefur setu í 1. deild.
KA I' FYRSTU DEILD
Sigruðu Tý 15-14 í íþróttaskemmunni um helgina
Eftir síðustu umferðina í 2. deild-
inni er Ijóst að KA-menn hafa náð
því langþráða takmarki að vinna sig
upp í fyrstu deild. Síðasti leikur
liðsins í deildinni var hérna í íþrótta
skemmunni á föstudagskvöldið
gegn Tý úr Vestmannaeyjum og
endaði á sama hátt og aðrir heima-
leikir KA í vetur með sigri. Eftir
ft;emur óvænt úrslit helgarinnar í
öðrum leikjum, þar sem Breiðablik,
ÍR og Týr töpuðu fyrir mótherjum
sínum er augljóst að engu liði nema
ÍR tekst að ná KA að stigatölu en
þeir eiga leik eftir gegn Tý. Tvö
efstu liðin flytjast upp í 1. deild. Það
urðu Haukar í Hafnarfírði, sem
féllu í 2. deild ásamt Fylki.
Leikur KA á föstudagskvöldið
bar þess engin merki í upphafi að
þar væri topplið á ferð. Spil liðsins
var fálmkennt og lítt ógnandi og
gengu Vestmannaeyingar á lagið.
tóku forustu og juku hana jafnt og
þétt. Á töflunni mátti sjá tölur eins
og 5-2 og 9-4 Tý í vil og höfðu þeir
forustu 11-6 í leikhléi. KA leik-
mennirnir tóku sig saman í andlit-
inu í leikhléi. Þeir mættu sem annað
lið inn á í síðari hálfleikinn og tóku
nú leikinn fastari tökum. Smám
saman unnu þeir upp forskot gest-
anna, vörnin var góð og við það
batnaði markvarslan og ér sjö
mínútur voru til leiksloka höfðu
þeirjafnað leikinn 13-13 og aðeins
fengið á sig tvö mörk i síðari hálf-
leiknum. Forustu náði liðið
skömmu síðar í fyrsta skiptið í
leiknum með marki Magnúsar Guð
mundssonar 14-13, en Ólafur Lárus
son jafnaði 14-14. Ásíðustu mínút-
unni skoraði síðan Gunnar Gísla-
son sigurmarkið er tryggði KA 18
stig og setu í 1. deiid næsta keppnis-
tímabil. KA-liðið sýndi á sér tvær
hliðar í þessum leik og fóru leik-
menn liðsins ekki í gang fyrr en í
síðari hálfleik. GunnarGíslasongat
ekki hafið leikinn fyrr en langt var
liðið á fyrri hálfleik þar sem flugi
seinkaði, en hann er við nám við
íþróttakennaraskólann og kemur
norður i leiki liðsins, en við komu
hans batnaði spilið og leikmenn
fengu aukið sjálfstraust. Vest-
mannaeyingar geta sjálfum sér um
kennt hvernig' fór. þeir héldu ekki
haus þegar mest reið á og misstu um
leið þá von að flytjast upp milli
deilda. Nú er aðeins að bíða og sjá
hvað KA kemur til með að gera í 1.
Hafði í huganum sett þetta
dæmi upp ~ • Jr í i '44 'A
r r við Iþrottasiðuna
Eftir leiki þá er leiknir voru i 2. deild
Íslandsmótsins í handknattleik á
laugardag varð Ijóst að lið K A hafði
tryggt sér sæti í fyrstu deild á næsta
keppnistimabili. Þetta eru merk
tímamót í sögu félagsins og af því
tilefni ræddi íþróttasiðan lítiilega
við þjálfara liðsins, Birgi Björnsson.
Það skal tekið fram að eftir tvö töp
KA fyrir sunnan um fyrri helgi varð
ljóst að þeir leikir sem eftir voru,
yrðu að spilast liðinu í hag, eins og
sagt er á iþróttamálinu fræga.
,,Ég hafði sett þetta dæmi upp í
huganum en átti þó síður von á úr-
slitum sem þessum," sagði Birgirog
var að vonum í sjöunda himni.
Birgir Björnsson.
„Þetta hefur verið erfiður vetur
og á ég þar sérstaklega við þá erfið-
leika sem skapast hafa vegna sam-
gangna og bitnað hafa mest á KA-
liðinu. Ég tel slæma útreið úm síð-
ustu helgi vera fyrst og fremst þessu
að kenna og minni á í því sambandi
að leikir þessir áttu að fara fram á
miðju tímabilinu en trekk ofan í
trekk hefur mátt fresta leikjunum á
síðasta snúning ef svo má að orði
komast."
Aðspurður um liðið sjálft, taldi
Birgir liðið ekki jafn sterkt og það
var í fyrra. Aftur á móti væri
breiddin meiri og að ungir strákar
væru á næsta leyti. „Það er ljóst að
mikill getumunur er á liðum fyrstu
og annarrar deildar og því nauð-
synlegt að fá nokkra nýja leikmenn
ætli liðið sér að leika áfram í fyrstu
deildinni," sagði Birgir.
Þá vaknaði spurningin um Alfreð
Gíslason og án nokkurrar fullyrð-
ingar í því sambandi komust Birgir
og blaðamennirnir að þeirri sam-
eiginlegu niðurstöðu að Alfreðgæti
allt eins hjálpað sínum gömlu félög-
um að tolla í deiidinni eins og að
bjarga KR frá falli í aðra deild.
Að endingu var svo Birgir spurð-
ur um þjálfun liðsins á næsta
keppnistímabili og sagðist hann
ekkert geta sagt í þeim efnum að svo
stöddu.
6 - ÍSLENDINGUR
deildinni, þeir sýndu það á dögun-
um er þeir léku gegn Víkingi, að
liðið getur komið á óvart næsta ár,
ef rétt er haldið á málum.
Mörk KA: Þorleifur 5, Magnús
4, Gunnar 2, Friðjón 2, Erlingur og
Jóhann eitt mark hvor.
Mörk Týs: Sigurlás 5, Ólafur 4,
Kári 2, Logi 2, Magnús 1 mark.
Keppendur frá
Akureyri á
íslandsmót
í fímleikum
Fimleikaráð Akureyrar sendi þrjá
keppendur á Fimleikameistaramót
íslands er haldið var í Reykjavík um
síðustu helgi. Þetta er í fyrsta skipt-
ið sem Akureyringar senda kepp-
endur á fslandsmótið og lofar ár-
angur þeirra góðu. Haraldur Páls-
son náði fjórða sæti í gólfæfingum,
Aðalgeir Sigurðsson varð fjórði í
stökki á hesti og Herbert Halldórs-
son, sem tók þátt í mótinu af tilefni
þess að tiu ár eru liðin frá því hann
varð íslandsmeistari í fimleikum,
sýndi að hann hefur sannarlega
engu gleymt, náði verðlaunasæti í
báðum Jreim greinum er hann tók
þátt í. Á tvíslá varð Herbert í öðru
sæti og í æfingum í hringjum
hreppti hann þriðja sætið. íslands-
meistari varð Heimir Gunnarsson,
Ármanni, í karlaflokki og í kvenna-
flokki sigraði Brynhildur Skarp-
héðinsdóttir frá Fimleikafélaginu
Björk.
Næstkomandi föstudagskvöld
fer fram hin árlega fimleikasýning
Fimleikaráðs Akureyrar í íþrótta-
húsi Glerárskóla og hefst kl. 20.00.
Á sýningunni koma fram unglingar
á öllum aldri og eru unnendur
fimleika hvattir til að fjölmenna.
íslandsmótið 2. deild - Þór 18 - Týr 17
Þórsarar kvöddu
með sigri
Þórsarar léku síðasta leik sinn í
2. deild Islandsmótsins í hand-
k> .rttleik á laugardag er þeir mættu
Vestmannaeyjaliðinu Tý. Það er
skemmst frá því að segja, að heima-
menn sigruðu í leiknum með 18
mörkum gegn 17 og má með sanni
segja að þessi fyrsti sigur liðsins hafí
með engu móti getað komið öllu
seinna. Þórsarar kveðja því aðra
deild á sama tíma og fyrsta deildin
heilsar KA-mönnum og er því vel
við hæfí að vitna aftur til orða þess
er þá var nefndur velunnari íþrótta
á Akureyri er hann fyrr í vetur lét
þau ummæli falla að á næsta
keppnistímabili yrðu bæjarbúar
loks lausir við 2. deildina.
Heimamenn byrjuðu leikinn með
miklum krafti og náðu fljótlega
tveggja marka forustu 5-3. Þá kom í
heimsókn sá er allt of oft hefur verið
félagi þeirra Þórsara í vetur en við
skulum kalla „slæma kaflann".
Týrarar gerðu næstu fjögur mörk
og virtist því allt útlit fyrir enn eitt
tapið. Þórsarar voru þó skammt
undan og greinilega ákveðnir í að
kveðja deildina með sigri. í hálfleik
skildi liðin aðeins tvö mörk, Týr 11,
Þór 9. í seinni hálfleiknum sýndi
Þórsliðið, með þá Ragnar mark-
vörð og Árna Gunnarsson sem
bestu menn, klærnar og var strax
ljóst að umjafnan ogspennandi leik
yrði að ræða. Sú varð líka raunin,
úrslitamarkið kom þegar aðeins 10
sek. voru til loka leiksins er Bene-
dikt innsiglaði sigur.Þórsarar með
góðu marki úr hraðaupphlaupi.
Mörk Þórs: Sigtryggur 7 (5),
Árni G. 5, Sig. Sig. 4 og Benedikt 2.
Hjá aðkomuliðinu var það Ólaf-
ur Lárusson sem var langatkvæða-
mestur, gerði alls 12 mörk.
Heyrst hefur að Handknattleiks-
deild Þórs ætli að leggja meistara-
flokk félagsins niður næstu tvö árin
og verður tíminn einn að skera úr
um hvaða áhrif slíkt gæti haft t för
með sér.
Hitt er aftur á móti Ijóst að ekki
þurfa þeir að kvíða framtíðínni eins
og best sést á yngri flokkum félags-
ins, sem allir léku til úrslita á Is-
landsmótinu. Það hefur löngum
verið vitað að ungir og efnilegir-
íþróttamenn eins og þeir er nú leika
í yngri flokkum Þórs þurfasérfyrir-
mynd og vaknar því sú spurning
hvert þeim beri að leita, leggi
meistaraflokkur félagsins upp laup-
ana. e.p.á.
Þórsararnir komust suður
Yngri flokkar Þórs lögðu land und-
ir fót um síðustu helgi og óku sem
leið lá til Reykjavíkur í úrslita-
keppni íslandsmótsins í handknatt-
leik.
Misjafnt var gengi flokkanna
og náðu þeir ekki að hreppa ís-
landsmeistaratitil að þessu sinni.
Fjórði flokkur karla undir stjórn
Arnars Guðlaugssonar náði þriðju
verðlaunum. Þriðji flokkur kvenna
varð í fjórða sæti. Fimmti og þriðji
flokkur karla urðu í fimmta sæti í
sínum aldurshópi, en I öðrum flokki
kvenna vaV ekki hægt að leika um
síðudtu helgi vegna landsleikja
kvennalandsliðsins. Það sem mest
þótti koma á óvart var að þriðji
flokkur karla sigraði Val, er þótti
hafa mjög svo frambærilegu liði á
að skipa. Valur hafði ekki tapað
síðustu tuttugu og níu leikjum, en
urðu að lúta í lægra haldi fyrir ÞÓr
11-9 og varð þess valdandi að þrjú
lið urðu jöfn í efsta sæti og þurfaað
leika að riýju.
Björn og Asdís sigr-
uðu á Hermanns-
mótinu um sl. helgi
Um helgina fór fram í Hlíðarfjalli
Hermannsmótið, en þetta er punkta
mót og því með stærri mótum vetr-
arins. Hermannsbikarinn hlaut að
þessu sinni Björn Víkingsson, sem í
vetur virðist til alls líklegur. Helgu-
bikarinn svonefnda hlaut að þessu
sinni Ásdís Alfreðsdóttir, Reykja-
vík.
Úrslit á mótinu urðu sem hér
segir:
Svig karla:
1. Björn Víkingsson A 99.03
2. Elías Bjarnason A 99.64
3. Helgi Geirharðsson R 102.16
Svig kvenna:
1. Asdís Alfreðsdóttir R 93.15
2. Ásta Ásmundsdóttir A 95.62
3. Hrefna Magnúsdóttir A 97.29
Stórsvig karla:
1. Einar Valur Kristjánss. í 139.00
2. Haukur Jóhannsson A 139.45
3. Björn Víkingsson A 140.26
Stórsvig kvenna:
1. Nanna Leifsdóttir A 122.97
2. Guðrún Björnsdóttir R 128.65
3. Hrefna Magnúsdóttir A 128.79
Alpatvíkeppni karla:
1. Björn Víkingsson A
2. Elías Bjarnason A
3. Einar Valur Kristjánsson í
Alpatvíkeppni kvenna:
1. Ásdís Álfreðsdóttir R
2. Hrefna Magnúsdóttir A
3. Nanna Leifsdóttir A

Haukur Jóhannsson á fullri ferð
um helgina.
Þá var í fyrsta skipti í 12 ár haldið
Akureyrarmót í göngu og urðu
helstu úrslit þessi:
20 ára og eldri - 10 km.: mín.
1. Ingþór Eiríksson 50.10
15-16 ára - 7.5 km.:
I. Haukur Eiríksson 26.18
13-14 ára - 5 km.:
I. Jón Stefánsson 23.34
11-12 ára:
1. Ásgeir Guðmundsson 18.30
8 ára - 1.5 km.:
1. Jóhann Þorsteinsson 8.06