Íslendingur - 27.05.1982, Blaðsíða 1

21. TÖLUBLAÐ . 67. ÁRGANGUR . AKUREYRI . FIMMTUDAGINN 27. MAÍ 1982
Ráðstefna um
neytendamál
Laugardaginn 24. apríl sl. stóðu
Neytendasamtökin á Akureyri
og nágrenni fyrir ráðstefnu um
neytendamál. Frummælendur á
ráðstefnunni voru: Birkir Skarp
héðinsson frá Kaupmannasam-
tökunum, Gunnlaugur P. Krist-
insson frá KEA, Júdith Sveins-
dóttir frá Kvennasambandi Ak-
ureyrar, Steinar Þorsteinsson
frá NAN og Þóra Hjaltadóttir
frá Alþýðusambandi Norður-
lands.
Þau fjölluðu um spurning-
arnar:
1. Eru neytendasamtök nauð-
synleg?
2. Hvernig eiga þau að strfa?
3. Hvert er hlutverk félagasam-
taka í málefnum neytenda?
I framhaldi af framsöguer-
indunum voru þessar spurning-
ar og málefni NAN rædd í þrem-
ur umræðuhópum. í máli ræðu-
manna og hópumræðum kom
meðal annars fram:
Réttur neytenda er best
tryggður með frjálsum og óháð-
um samtökum. Starfsemi þeirra
mótist á hverjum stað, og felist í
fræðslu- og upplýsingastarf-
semi, útgáfu fréttabréfs og
kvörtunarþjónustu.
Til að efla þessa starfsemi hér
er nauðsynlegt að ráða fastan
starfsmann til NAN. Fjármögn-
un skuli aðallega byggjast á fé-
lagsgjöldum og því þarf að gera
stórátak í að fjölga félögum.
Opinberir styrkir geti þó komið
til, þegar ráðist er í stærri verk-
efni.
HEYRTÁ
GÖTUNNI
að menntamálaráðherra,
Ingvar Gíslason, segi orðrétt í
síðasta „Rauða-Degi“:
„Framsóknarmenn eru léleg-
ustu slagorðin í heimi“
að þetta þyki nú fæstum ein-
hver tíðindi,
að í sama blaði standi í leið-
ara: „Framsóknarmenn fengu
ekki góða kosningu 1978 og
miðað við það er þessi niður-
staða ekki nógu hægstæð,“
að síðar í sama leiðara standi
svo: „Kosningaúrslitin á Norð
urlandi sanna þetta mikla
traust sem Framsóknarilokk-
urinn nýtur hjá kjósendum,
þ.á.m. úrslitin á Akureyri,
sem vissulega hefðu þó mátt
vera betri,“
að þetta telji nú ýmsir skrítna
röksemdafærslu - en Fram-
sóknarmenn hafa jú alltaf
verið þekktir fyrir að hafa
a.m.k. tvær skoðanir í hverju
máli - og því þá ekki á úrslit-
um kosninga líka,
að Stefán Valgeirsson sjái
ekki möguleika til þess að
ríkisstjórnin sitji út kjörtíma-
bilið.
Aðal- og varabxjarfulltrúar Sjálfstæðismanna í bxjarstjóm Akureyrar: Fremri röð frá vinstri: Gísli Jónsson, Bergljót Rafnar, Margrét Kristinsdóttir, Jón G.
Sólnes. - Aftari röð frá vinstri: Bjöm Jósef Amviðarson, Gunnar Ragnars, Sigurður J. Sigurðsson og Sigurður Hannesson. - Ljósm: ísl. BÁ.
SJÁLFSTÆÐISFLOKKURINN í
SÓKN UM ALLT LAND
„Þessi góði árangur Sjálfstæðismanna ber vitni um
samheldni og sóknarhug, sem á eftir að verða okkur
styrkur í næstu kosningabaráttu fyrir væntanlegar
alþingiskosningar, sem hljóta að vera skammt undan og
alla vega ekki síðar en á næsta ári,“ sagði Geir Hallgríms-
son, formaður Sjálfstæðisflokksins, m.a. eftir að
kosningaúrslit lágu fyrir í bæjar- og sveitarstjórna-
kosningunum sl. laugardag, en eftir þær er Ijóst að Sjálf-
stæðisflokkurinn er í mikilli sókn um allt land. Alþýðu-
bandalag og Alþýðuflokkur biðu mikið afhroð og
töpuðu fjölda fulltrúa um land allt. Framsóknarflokkur-
inn stóð að mestu í stað frá síðustu bæjarstjórnarkosn-
ingum 1978, en þá varð hann fyrir miklu fylgistapi. Sjálf-
stæðisflokkurinn hlaut 45.2% atkvæða, sem er 5.5%
aukning frá síðustu kosningum. Alþýðuflokkur fékk
11,8% eða tapaði4,9%, Framsóknarflokkur hlaut 16,2%
atkvæða, 0,3% aukning, Alþýðubandalag hlaut 17,5%,
eða 6,8% fylgistap. Kvennalistarnir, sem buðu fram á
Akureyri og í Reykjavík, hlutu 5,9% atkvæða.
A Akureyri urðu úrslit þau, að Alþýðuflokkur og
Alþýðubandalag töpuðu hvort einum manni, Sjálfstæð-
isflokkurinn bætti við sig einum manni og Kvennafram-
boðið hlaut tvo fulltrúa í bæjarstjórn. Samtökin, sem
höfðu einn fulltrúa, buðu ekki fram að þessu sinni.
Raunverulegir sigurvegarar kosninganna á Akureyri
eru því Sjálfstæðisflokkur og Kvennaframboð. Sjálf-
stæðisflokkur hlaut 34,6% atkvæða og kvennaframboðið
17,4%. Samtals hafa þessir tveir flokkar því 52%
atkvæða á bak við sig - og virðist auðsætt að þessir tveir
meirihluta, láti á það reyna, hvort þeir geti ekki myndað
meirihluta um stjórn bæjarmála á næsta kjörtímabili - til
þess hafa þeir nægan styrk í bæjarstjóm og 52% atkvæða
á bak við sig.
r
A bls. 6 birtast úrslit úr sveitarstjórnarkosningunum í
Norðurlandskjördæmi eystra:
Við þökkum
veittan stuðning
Úrslit kosninganna á Akureyri eru mikið fagnaðar-
efni okkur Sjálfstæðismönnum. Við gerðum betur en
vinna upp tapið frá 1978, í tölum talið, þótt hundr-
aðshluti okkar sé ekki eins hár og hann var í sigur-
kosningunum miklu 1974. En þá má ekki gleyma því
að kvennalistinn hefur vafalaust fengið mörg at-
kvæði, sem við hefðum fengið ella.
Viðbótin hér, milli 6 og 7%, er meiri en lands-
meðaltal Sjálfstæðisflokksins og er þá mikið sagt.
Við settum okkur það mark að hnekkja fráfarandi
vinstri meirihluta og það tókst.
I þessum kosningum varð ég þess var að Sjálf-
stæðisflokkurinn fékk mikið nýtt fylgi, ekki síst frá
ungu fólki, og gaman var að fylgjast með því hve
margir ungir nýliðar störfuðu fyrir okkur af krafti
og ósérplægni.
Við frambjóðendurnir erum ákaflega ánægðir með
þær undirtektir sem stefna okkar fékk („Bláa bók-
in“), svo og málflutningur okkar í ræðu og riti.
Sérstakar þakkir, og þær miklar, færi ég svo kosn-
ingastjórum okkar, Einari Hafberg og Hrefnu
Jakobsdóttur. Þau unnu þvílíkt starf sem fáir enn
gera sér grein fyrir. Þá þakka ég af alhug ykkur á
ritstjórn Islendings og öllu því ötula baráttuliði, sem
ótrautt vann að hinum mikla sigri okkar.
Gísli Jónsson.