Faxi - 01.04.1964, Blaðsíða 7

Drengjalúðrasveit Keflavíkur
Diengjalúðrasveit Keflavíkur heldur
nemendatónleika í Félagsbíói í Kefla-
vík laugardaginn 25. apríl n. k.
Þetta er þriðja starfsár drengjalúðrasveit-
innar og hefur hún komið víða fram á
þessu starfsári, svo sem á jólaskemmtun-
um í barnaskólanum og gangfræðaskól-
anum, ennfremur í kirkjunni við mess-
una á annan jóladag, þar sem flutt var
„Jólahugleiðing“ eftir Herbert Hriber-
scheck. Einnig léku sex drengir fyrir messu
á aðfangadag gamla jólasálma.
Flestir drengjanna leika nú í Lúðrasveit
Keflavíkur og áttu þeir drýgstan þátt í
jólaskemmtunum, sem lúðrasveitin hélt í
Keflavík, Grindavík og Sandgerði, alls
staðar við ágæta aðsókn og undirtektir.
I drengjalúðrasveitinni eru nú 20 dreng-
ir, auk þriggja nýliða. Fleiri byrjuðu í
haust, en höfðu ekki úthald í þetta all-
erfiða nám. Drengirnir hafa tvær kennslu-
stundir vikulega á hljóðfæri, auk tónfræði-
kennslu og samæfinga. Talsverð samvinna
hefur verið á þessu starfsári milli Tónlist-
arskólans og drengjalúðrasveitarinnar, þar
sem drengirnir hafa komið fram sem ein-
leikarar á músíkfundum skólans, en nem-
endur hans annast undirleik.
Undirbúningur að væntanlegum tón-
leikum drengjalúðrasveitarinnar stendur
nú sem hæst og hafa drengirnir nú sem og
áður sýnt mikinn dugnað og ástundun við
námið. A þessum nemendatónleikum, 25.
apríl n. k., koma fram 6 drengir, sem ein-
leikarar, einnig verður tvíleikur og sam-
leikur á ýmis hljóðfæri. Auk þess leikur
drengjalúðrasveitin saman mörg lög. —
Píanóundirleik annast eins og í fyrra frú
Gauja Guðrún Magnúsdóttir.
Kennarar drengjalúðrasveitarinnar eru
þrír, Jeremy Barlow, enskur flautuleikari,
Gunnar Egilsson, klarinetleikari, en aðal-
kennari og stjórnandi er Herbert Hriber-
scheck.
Athygli skal vakin á því, að ætlunin er
að eftir næstu áramót verði teknir 30—40
nýir drengir á aldrinum 9—10 ára til und-
irbúnings og væntanlegs náms í drengja-
lúðrasveitinni.
Fyrirhugað er, að drengirnir gangi í hús-
in og bjóði aðgöngumiða að væntanlegum
nemendatónleikum og vonast forráðamenn
drengjalúðrasveitarinnar til að bæjarbúar
taki vel á móti þeim. Ágóðinn rennur í
hljóðfæra og ferðasjóð.
Á þessari mynd eru þeir, sem leika einleik eða samleik á tónleik-
unum á laugardaginn, ásamt stj órnandanum.
Nýliðar á Drengjalúðrasveitinni: Ólafur Eyjólfsson, Guðmundur Óli
Hreggviðsson og Ólafur Arnbjörnsson.
FAXI — 59